Reis
Os Reis Magos chegan a Foz cumprindo o convenio que asinaron no 2020 co alcalde, Fran Cajoto. “Sempre cumpren co acordado e o ano que vén tocará renovar este convenio para que continúen acudindo á cita”, explica o rexedor municipal. O percorrido sairá ás 18.30 horas do Paseo da Rapadoira, pasando pola praza Conde Fontao, a rúa Valle Inclán, a avenida da Mariña e Álvaro Cunqueiro ata chegar ao consistorio, momento no que as súas maxestades pasarán polo Belén vivinte, que se realiza coa colaboración do Colexio do Pilar, e saudarán dende o balcón do Concello. Os Reis desprazaranse ata a Sala Bahía, na que se realizará a tradicional recepción con chocolatada con churros e roscón.
A delegación de Cultura agradece a implicación de todos as veciñas e veciños que axudan, así coma os establecementos da vila Xoyma, Anduriña, Amarena e Churrería...
leer más
Este venres, 5 de xaneiro, os Reis Magos de Oriente visitarán O Valadouro: ás 19:00 horas sairá a comitiva oficial desde o local social do parque Concepción Arenal cara o Belén Vivinte, situado na Casa da Cultura, pasando pola praza de Santa María, A Ponte, Avenida de Viveiro, ... Nenos e nenas do Valadouro realizarán unhas ofrendas no Belén Vivinte.
Despois da recepción oficial farase entrega da chave do concello para que as súas Maxestades podan acceder con maior comodidade ós fogares dos veciños. Ó rematar poderán sacar fotografías coas súas Maxestades e depositar as cartas en cadanseu buzón. Entre todos os asistentes repartiranse porcións de roscóns e chocolate.
Está organizada pola Delegación de Cultura do Concello do Valadouro e colabora a asociación cultural Amado Lar, do Valadouro.
... leer más
A Orquetra Folk de Galicia Son de Seu e a Coral Polifónica de Ribadeo ofrecerán mañá, 4 de xaneiro, o tradicional concerto de reis na igrexa parroquial a partires das 20:45 horas.
O alcalde, Dani Vega, dixo que “seguimos coas actividades de Nadal, apostamos polos musicais, polos concertos e neste caso falamos dun clásico, o concerto de reis, que xa desde oposición coa Xunta de Galicia apostábamos por eles e tamén o facemos desde o goberno”.
O rexedor explicou que “o concerto de reis este ano traerá a Ribadeo a Son de Seu, que tiñamos moitas ganas de que viñeran aquí. E actuará conxuntamente coa Coral Polifónica de Ribadeo mañá, 4 de xaneiro, ás nove menos cuarto na igrexa parroquial. Este concerto de reis é xa tradicional en Ribadeo, empezamos con Amancio Prada, con Rosa Cedrón, Emilio Rúa e tamén o ano pasado...
leer más
Os Reis Magos visitarán A Pontenova este venres, 5 de xaneiro, e lanzaranse na Tirolina das Minas ás 17:30 horas. Para as 18:00 horas está prevista a súa chegada á Praza dos Fornos.
A Cabalgata de Reis na Pontenova está organizada polo Centro de Iniciativas Turísticas coa colaboración do Concello.
A Asociación Cultural Xuvenil O Castelo organiza cabalgata dos Reis Magos en Alfoz na que haberá inchables, chocolate e biscoitos este venres, 5 de xaneiro.
Os Reis Magos farán un percorrido que empezará na Casa da Cultura ás 16:00 horas e inclúe paradas nas Oiras, no Pereiro, na Pinguela, en Reirado, en Bacoi, en Carballido, en Adelán e en Castro, “atendendo as peticións dos máis pequenos e pequenas da casa. Logo visitarán o pavillón municipal de Alfoz, onde estará o buzón real, no que os nenos e nenas poderán depositar as súas cartas”, explica a organización, que tamén anuncia que “haberá chocolate e biscoito para os asistentes, así como inchables para pasar unha tarde ben divertida”.
Na cabalgata de Reis de Riotorto, que se celebrará este venres, 5 de xaneiro, desde as 20:30 horas haberá un agasallo para todos os nenos que asistan e actuará o coro e o grupo de gaitas de Riotorto.
Os Reis Magos farán un percorrido polas rúas do concello e está previsto que cheguen ó salón de actos ás 21:00 horas. No Centro Sociocultural servirase un chocolate e roscón de Reis totalmente gratuítos.
Está organizada polo Concello de Riotorto e aquelas persoas que desexen colaborar na cabalgata deben chamar ao teléfono 982.34.62.22.
A Concellería de cultura do Concello de Viveiro convoca aos veciños e ás veciñas co obxectivo de regular a súa participación como ¨figurantes¨na Cabalgata de Reis 2024 , o xoves 5 de xaneiro.
Os criterios de participación regúlanse segundo o que dispoñen os seguintes puntos:
2. Figurantes que irán sentados nas carrozas. Pódense inscribir todos os nenos e nenas que, na data 1 de xaneiro de 2024 teñan unha idade comprendida entre os 6 e os 12 anos. O total de prazas para ir nas carroza é de 40 nenos e nenas
3. Inscrición. O período de inscrición será os días e 26, 27 e 28 de decembro de 9h a 14h.
A folla de inscrición facilitarase no TEATRO PASTOR DÍAZ, ou pódese solicitar tamén por correo electrónico no rbg.cultura@...
leer más
Comeza o Circuíto +Kms Barreiros 2024 coa xa tradicional Carreira Solidaria de Reis, que se celebrará o día 7 de xaneiro, domingo, e este ano chega con novidades.
Aínda que a maior parte do percorrido se mantén, nesta edición farase no sentido contrario ás anteriores e a zona de saída e meta será nas inmediacións do Centro Sociocultural de San Cosme. Sen dúbida un novo reto para todas e todos, cunha carreira absoluta de 8 quilómetros que combina unha parte rápida de asfalto e un tramo do Camiño do Cantábrico cunhas vistas espectaculares.
Nesta edición a doazón solidaria, a prol da Asociación Saúde Mental A Mariña, será voluntaria e poderá seleccionarse no momento da inscrición.
Tamén chega con novidades a Andaina Solidaria de Reis, con novo percorrido e distancia: será de 9 quilómetros...
leer más
Ribadeo terá un concerto de Reis o día 13 deste mes de xaneiro, venres, ás 20:45 horas na igrexa parroquial de Santa María do Campo. Actuará a Orquestra de Cámara Galega, que dirixe Rogelio Groba Otero, acompañada da Coral Polifónica de Ribadeo.
Todo está listo en Burela para a tradicional cabalgata de mañá. Os reis percorrerán as rúas da vila en renovadas carrozas. Hoxe foron supervisadas polo alcalde, Alfredo Llano, e por responsables de Ledicia e da Acia local.
O rexedor contou que “estivemos observando esta mañá as carrozas para os Reis Magos, que están xa case rematadas para que desfilen mañá, xoves, por todo Burela practicamente, polo centro e ata o auditorio municipal”.
Para Llano “traballouse ben e fixéronse unhas carrozas moi atractivas para que vaian nelas os Reis e que, ademais de levar os regalos para os rapaces e rapaces, a cabalgata sexa un espectáculo moi vistoso e importante”.
O alcalde animou á veciñanza a saír a gozar da cabalgata: “polo tanto animo a todo o pobo a que vaia a partir das sete da tarde, cando...
leer más