Verán
O Desfile de Entroido de Verán terá lugar este venres, 5 de agosto, en San Ciprián, da man da asociación Amigos da Maruxaina, coa colaboración do Concello de Cervo.
A saída do desfile está prevista desde a Casa do Mar, ás 20:00 horas. Haberá premios en distintas categorías e ao remate terá lugar unha sesión disco da man de DJ OVO na Praza dos Campos.
As persoas interesadas en participar poden anotarse ata mañá xoves na Casa da Cultura en horario de mañá.
A Asociación Os Sendeiros de Foz, coa colaboración do Concello focego, organiza o vindeiro sábado, 6 de agosto, unha andaina de verán, que será unha variante da ruta do río Ouro, en Fazouro.
A saída será as 9:00h na área recreativa da Ponte de Ferro en Fazouro. A ruta é de dificultade media e recomendase levar equipo de sendeirismo.
Terá un prezo de 4€ para os non federados e gratis para os federados. As persoas interesadas en anotarse poderán facelo chamando aos teléfonos 606 718 482 e 670 369 017 ou mandando un correo a ossendeiros@yahoo.es, teñen de prazo ata o venres, 5 de agosto.
Ribadeo inúndase de música esta fin de semana co festival de verán que se celebrará en Cabanela o sábado e coa actuación de Lítore Quartet no Mercado dos Domingos o 24.
A concelleira de Cultura, Pilar Otero, declarou que “a música inundará esta fin de semana a nosa vila. Despois da intensa actividade que desenvolvemos durante o VII Ribadeo Indiano seguimos coa nosa axenda cultural para o terceiro trimestre de 2022, que arrinca co festival de verán que terá lugar o sábado, 23 de xullo, en Cabanela”.
A edil ribadense subliñou: “nese espectacular marco, a carón da nosa ría, a partir das nove e media da noite poderemos gozar coa música de TéCanela, que veñen presentarnos o seu traballo Al borde de la cordura. Neste festival contaremos tamén coa presenza de Los Jinetes del Trópico. A entrada é de balde. En caso de...
leer más
O Concello de A Pontenova, xunto a GameSport, organiza un campamento de verán para nenos/as de 3 a 14 anos, que contará con diversas actividades como obradoiros, excursións, xincanas, multideporte, busca do tesouro e moitas máis sorpresas.
Levarase a cabo de 10:00 a 14:00 horas os días 26, 27, 28 e 29 de xullo e 1, 2, 3, 4 e 5 de agosto. O prezo será de 20 euros para os empadroados no concello e 50 euros para os non empadroados.
Hai un límite de 60 prazas. As persoas que queiran inscribirse poden facelo na Casa do Concello da Pontenova ou chamando ao 982 342 277 ata o 18 de xullo.
O Concello de O Vicedo acollerá na Aula Cemit, situada na Casa da Cultura, cursos gratuítos de mecanografía, informática e ofimática para nenos/as maiores dos 7 anos.
Os cursos faranse en varios grupos. O primeiro será de mecanografía e informática para nenos de 7 a 9 anos. Realizarase en horario de 10:30 a 11:30 horas os luns, martes e xoves, e de 11:30 a 12:30 horas os xoves.
O segundo grupo será de mecanografía e ofimática para nenos de 9 a 12 anos. Realizarase en horario de 11:30 a 12:30 horas luns e mércores e de 12:30 a 13:40 horas mércores e xoves.
Quedan poucas prazas dispoñibles. Para inscribirse ou para máis información as persoas interesadas poden chamar ao teléfono 982 590 195
A Delegación de Deportes do Concello de Burela anuncia cursos de iniciación ao balonmán e un programa de Fit dance para este verán, dúas propostas totalmente gratuítas para aquelas persoas que desexen acudir ou inscribirse.
No caso do Fit Dance, realizarase na praia urbana todos os mércores de xullo e agosto a partir das 20:30 horas, e non será necesario inscribirse previamente. A actividade estará impartida por Belinda Canoura, do ximnasio Hawk, que ensinará nesta disciplina unha forma novidosa, divertida e sociable de facer exercicio, redundando positivamente na forma física, a saúde, a coordinación e a expresión corporal.
O pavillón dos Castros será o lugar onde se imparta o curso de iniciación ao balonmán, financiado pola Secretaría Xeral para o Deporte dentro do Plan Corresponsables. Será do 11 ao 22 de xullo...
leer más
O Concello de Cervo comeza a desenvolver os seus programas de Noites Alternativas e Enredando no Verán con actividades durante os meses de xullo e agosto.
Nesta primeira semana de xullo haberá volei praia na praia do Trono, ás 20:00 horas, e o mércores 6, ás 12:30 horas, balonmán no polideportivo A Veiga. Os días 11, 12 e 13 haberá fútbol praia na praia do Torno, ás 20:00 horas, e o xoves 14 terá lugar unha ruta nocturna de sendeirismo, a partir das 20:00 horas. Ademais o luns 11, ás 12:00 horas, na Casa da Cultura, desenvolverase un obradoiro de maxia; e o mércores 13, a partir das 12:30 horas, terá lugar unha ruta en kaiak dende o porto de San Ciprián. Os días 18, 19, 20, 21 haberá fútbol 3x3 na Praza dos Campos, ás 20:00 horas; o luns 18, ás 12:30 horas, na praia do Torno, haberá surf; e o mércores 20, ás 12:30 horas, balonmán no...
leer más
O vindeiro luns, 4 de xullo, dará comezo o XII Curso de Música de Verán, que a Escola Municipal de Música de Burela ofrece de xeito gratuíto. Esta edición do curso interdisciplinario de verán, titulado Un concerto de película está inspirada na música de cine e destinado a todos os nen@s dende 4 anos en adiante, e adultos que queiran participar.
A asistencia ao curso é gratuíta, celebrándose os días 4, 5, 6, 7 e 8 de xullo en horario de 10:30 a 13:00 horas nas instalacións da Escola Municipal de Música, e o día 8 de xullo pola tarde haberá un concerto final no Auditorio Municipal de Burela. Durante o curso realizaranse actividades musicais, construción de instrumentos e fabricación de vestiario, asemade tamén poderán participar doutras actividades musicais organizadas dentro deste curso interdisciplinario de verán 2022. Xunto cos...
leer más
A Delegación de Turismo do Concello de Burela presentou esta mañá a súa programación de visitas guiadas para o verán 2022, coa que se pretende dar a coñecer e poñer en valor os oficios tradicionais e artesanais ligados ao mar, o legado xeolóxico con fonda pegada na localidade e declarado de relevancia internacional, así como o patrimonio histórico-artístico, apostando por un turismo slow, sostible e de calidade.
No acto de presentación realizado no Barco Museo Reina del Carmen, estiveron presentes o concelleiro de Turismo, Ramiro Fernández, a concelleira de Medio Ambiente, Toñi Eijo, a edil do Mar, Carmela López, e o xerente de ABSA, Miguel Neira, acompañando a distintos guías que realizarán as visitas este verán desde as súas asociacións ou entidades, como Mª Jesús Alonso, guía, redeira e presidenta da Asociación de Redeiras Cabo Burela;...
leer más
A piscina municipal abre as súas portas desde día 1 de xullo e ata o 31 de agosto con entrada de balde e en horario de 12:00 a 20:00 horas, cunhas instalacións remozadas e con dous vasos (un de xuvenil e adultos e outro de infantil).
Tamén o ximnasio municipal modifica os seus horarios de cara ó verán para poder disfrutar do bo tempo e abrindo as súas portas de luns a venres de 19:00 a 23:00 horas e os martes e os venres de 10:00 a 13:00 horas.
Uns prezos económicos para poder disfrutar del por 10,00€/mes individual, e 9,00€/mes máis por cada familiar que forme parte do bono e se se decide ir por días soltos, 2,00€/día.
Para obter máis información ou para facerse socio hai que poñerse en contacto coas oficinas municipais no 982574000 de 9:00h. a 14:00h. de luns a venres e para cuestións...
leer más