Teatro
A Concellería de Cultura de Lourenzá convoca a quinta edición do Certame de Teatro Afeccionado Concello de Lourenzá, no que poderán participar unicamente compañías ou grupos de teatro afeccionado que superen un proceso previo de selección, admitíndose calquera tipo de xénero e empregando preferentemente a lingua galega en calquera das súas variantes dialectais. Anunciouno hoxe, xoves, o concelleiro de Cultura, Manuel Arango Ron.
Os grupos interesados en participar deberán inscribirse nas oficinas municipais do Concello de Lourenzá ou por correo, enviando a seguinte documentación: ficha de inscrición, que aparece na páxina web do Concello; fotocopia do CIF do grupo ou compañía; ficha artística e técnica; e DVD, pendrive ou tarxeta coa gravación dunha representación da obra presentada a concurso. O prazo de presentación das...
leer más
O Concello de Foz organiza a segunda edición do certame de teatro afeccionado José Luis López Lorenzo (O Poto), que comeza mañá, venres.
A concelleira de Cultura en funcións, Inés López Couto, anuncia que “o Concello de Foz prosigue o seu traballo na área cultural. O evento máis próximo é o certame de teatro afeccionado creado no ano 2022 e que pretende a visualización do esforzo e creatividade dos grupos de teatro afeccionado na difusión da cultura. O certame conta con seis días nos que en cada un se representará unha nova obra. Serán todas ás 20 hos na Casa da Cultura Poeta Manuel María”.
O certame comezará este venres, 9 de xuño, coa obra A liorta, de Avelaíña Teatro. O sábado 10 será a quenda de Vacacións, de A Tequerreté Teatro. E para cerrar o primeiro fin de semana, o domingo 11 de xuño a Asociación...
leer más
O salón de actos da Casa da Cultura de Alfoz acollerá o sábado 3 de xuño o acto de entrega de premios do Certame das Letras Galegas da Biblioteca de Alfoz.
Ás 20:30 o grupo Trémola porá en escena a obra Unha nova galaxia. Trátase dunha recreación da vida de Francisco Fernández del Riego a quen se lle dedicou este ano o Día das Letras Galegas. Ao remate procederase á entrega dos Premios de Debuxo e Narrativa das tres categorías da fase local do Certame organizado pola Biblioteca. Os gañadores/as competirán a nivel provincial no concurso da Biblioteca Pública de Lugo.
A actividade está organizada polo Concello de Alfoz coa colaboración da Área de Cultura da Deputación de Lugo.
A Concellería de Cultura do Concello de Valadouro informa da representación de teatro cómico que terá lugar o vindeiro venres, 26 de maio ás 21:00 horas coa peza Dúo Vaguedades.
En Dúo Vaguedades, Isabel Risco e Fran Rei convértense en Rosalía de Castro e Eduardo Pondal, nunha iniciativa que dá un salto do audiovisual ao escenario e que mestura teatro, humor e música. Na liña habitual desta parella de humoristas, este espectáculo propón unha revisión cómica dunha parte fundamental da nosa cultura, da nosa lingua, do noso xeito de ser e da nosa relación co resto do universo.
Dúo Vaguedades é un espectáculo que se achega, en clave de humor, a diversos aspectos que nos definen como galegos e galegas, ao valor da nosa lingua,e á riqueza patrimonial e cultural propias de Galicia.
Esta...
leer más
Ibuprofeno Teatro presenta o vindeiro sábado, 20 de maio, ás 20:30 horas 'Smoke on the water' na Casa da Cultura de Burela. A montaxe da compañía de Ibuprofeno Teatro, que toma o seu título do mítico tema da banda inglesa Deep Purple, é unha traxicomedia sórdida con música en directo ambientada no universo do rock dos 70.
O texto de Santiago Cortegoso, quen asina tamén a dirección, recibiu o Premio Mome Varela Buxán de textos teatrais no 2013 e está editado por Positivas, nun único volume xunto ao último texto de Cortegoso 'O mel non caduca'. En escena Josito Porto, Belén Constenla, Adrián Rios e María Costas dan vida a uns personaxes fracasados e maltratados pola vida. Acompáñaos no escenario o músico Mon Orencio que se encarga tamén do espazo sonoro. Salvador del Río no deseño de iluminación, Pablo Giráldez 'O Pastor' no deseño do...
leer más
A Delegación de Cultura do Concello do Valadouro informa de que o vindeiro sábado, 29 de abril, ás 20:30 horas no Salón de Actos do Centro Socio-cultural, Xuvenil e da terceira Idade "Manuel Lourenzo, escenificarase a obra de Teatro Menciñeiro á forza, a cargo do grupo Os Pícaros de Lagoa.
A obra escollida é unha coñecida adaptación elaborada nos anos 60 polo escritor chairego Xosé Manuel Carballo. Trátase dun texto baseado na famosa comedia de Molière O enfermo imaxinario.
Sinopse
Un matrimonio que sempre anda á porfía. Como ela está un pouco cansa da actitude do seu marido, maquina unha vinganza: facerlles crer que andan a buscar un menciñeiro para a súa filla.
A entrada é de balde.
A Sala Bahía acollerá este sábado, día 15, ás 19 horas un monólogo de Federico Pérez, o popular actor, que é protagonista, entre outros, de Era Visto!, serie de humor da Televisión de Galicia. Esta actuación, enmarcada dentro do ciclo municipal Teatro nas Parroquias, realízase coa colaboración da asociación de veciños Torques de Marzán. A entrada será de balde.
E continuando este ciclo, o domingo 16 será a quenda de Pepo Suevos, que actuará na antiga Escola de San Acisclo ás 18 horas, tamén con entrada gratuíta. Esta actuación realízase en colaboración coa asociación de veciños Río Ouro, de San Acisclo.
A concelleira de Cultura, Inés López Couto, invita “a tod@s @s veciñ@s a desfrutar destas actuacións e a aproveitar o sábado completo visitando a Festa do Berberecho e a actuación pola noite da orquestra El Combo...
leer más
Cuturactiva Producións chega o 14 de abril con Castelao ao Teatro Pastor Díaz, de Viveiro. Será a partir das 18:00 horas.
Castelao é unha figura capital da historia das artes en Galicia e non contaba ata agora cunha proposta escénica para a infancia. Vimos a poñer remedio a isto cun gran equipo: un texto de Paula Carballeira coa dirección de Fina Calleja e con Mónica Camaño e Cris Collazo en escena. A obra presenta a un Castelao de 8 anos anos e na súa vila natal, divertido, feliz, alegre e aventureiro, buscando en todo momento a identificación da audiencia co protagonista da nosa trama. Culturactiva Producións propón unha montaxe de ritmo trepidante. A tensión dramática desta peza cabalga sobre o lombo dunha persecución polas rúas de Rianxo nas horas previas á partida cara a Arxentina de Castelao e a súa nai. E mesmo antes, da man de...
leer más
Dentro da programación cultural organizada polo Concello de Foz a compañía teatral arxentina El Vacío Fértil actuará na Casa da Cultura focega mañá, xoves 30, e o actor galego Pepo Suevos estará no local social de San Martiño este venres, día 31.
A compañía arxentina El Vacío Fértil trae mañá ás 20:30 horas á Casa da Cultura de Foz a obra de teatro adulto titulada El virus de la violencia. Escrita e dirixida por Marina Wainer transcorre durante unha lúa de mel soñada, cando a pandemia de coronavirus que comezou no 2020 irrompe na aparente felicidade dunha parella e todo cambia por completo entre eles. O elenco está formado por Romina Pinto e Iván Steinhardt.
E dentro do ciclo Teatro nas Parroquias, o actor galego Pepo Suevos actuará no local social de San Martiño este venres ás 21:00 horas.
... leer más
A asociación cultural Lume Escénico celebra o seu décimo aniversario cun ciclo de teatro na Pontenova do 26 de marzo ao 22 de abril
A primeira representación será este domingo, 26 de marzo, ás 19:00 horas e correrá a cargo de Ollomao, de Barreiros, que representará O documento.
O 1 de abril, sábado, ás 20:00 horas Achádego, de Lugo, escenificará a obra Nadal na casa dos Lamelo.
A seguinte representación do ciclo será o sábado 15 de abril ás 20:30 horas. Trípode, de Alfoz, ofrecerá a obra O Muro.
E para rematar o 22 de abril, sábado, ás 20:30 horas Lume Escénico, de A Pontenova, representará Albergue Casa Marelo.
Este ciclo está organizado pola asociación cultural Lume Escénico coa colaboración do Concello de A Pontenova.