Ruta
06/02/2017
A asociación deportiva de sendeirismo Pasada das Cabras de Burela organiza o sábado, 11 de febreiro, a 2ª etapa do Camiño do Cantábrico entre Ribadeo e Rinlo.
A etapa ten 11 quilómetros de lonxitude e a saída será ás 9:00 horas da Estación de Autobuses de Burela.
O prezo é de 20 euros para os socios e 25 para os que non o son, e inclúe autobús, comida e seguro.
Os interesados en participar teñen que anotarse en Gráficas Arfe ou no número de teléfono 982 580 504, antes do xoves 9 de febreiro ás 20:00 horas.
Esta actividade organizada pola asociación Pasada das Cabras, que conta co patrocinio do Concello de Burela.
30/01/2017
Os Sendeiros de Foz fará o andareiro 118, o sábado 12 de febreiro. Partirá desde Cazolga, ascenderán o Virin e rematarán na capela do Carme de San Martiño. Nesta marcha tamén participará o grupo Mies de Oviedo e ao remate farán un xantar de confraternidade.
A saída será ás 9:15 horas do Concello. Os prezos son 10 euros para socios federados, 14 € para socios non federados, 15 euros para non socios federados e 19 € para non socios non federados. Está incluído o seguro de accidentes e a comida é opcional por 12 euros.
Para participar é obrigatorio anotarse antes do mércores 8 de febreiro nos números de teléfono 676 561 594 e 670 369 017, ou no e-Mail: ossendeiros@yahoo.es
11/01/2017
A asociación Pasada das Cabras de Burela organiza para o sábado, 14 de xaneiro. A primeira etapa do Camiño do Cantábrico que farán ao seu paso por Asturias será a comprendida entre Castropole e a praia de Arnao.
A ruta ten 9 quilómetros de percorrido e dificultade baixa. A saída será ás 9:00 horas da Estación de Autobuses de Burela. O prezo é de 20 euros para os socios e 25 € para os que non o son, e inclúe autobús, comida e seguro. Para poder participar nesta ruta é imprescindible anotarse en Gráficas Arfe ou chamando ao número de teléfono 982 580 504, antes do xoves, día 12, ás 20:00 horas.
A seguinte etapa que organizará a asociación Pasada das Cabras será xa por terras galegas, en concreto polo concello de Ribadeo.
... leer más 09/01/2017
A asociación Os Sendeiros de Foz organiza a primeira andaina deste ano para o sábado 21 de xaneiro.
Nesta ocasión o percorrido discorrerá por terras asturianas cunha ruta de dificultade media, pola costa dende Santa María del Mar ata Ranón. Os organizadores aseguran que se trata dunha fermosa ruta polas vistas dende o cabo Vidio ata cabo Peñas, cuns cantís de ata 100 metros de altura. Ademais visitaranse os vestixios da guerra civil que quedan en Ranón, unha casamata e trincheiras.
A saída será o sábado 21 de xaneiro ás 8:00 horas do Concello, e o derradeiro día para anotarse é o día 18 deste mes. Para facer as inscricións hai que chamar aos números de teléfono 670 369 017 (Morís) ou 676 561 594 (Nelli). O prezo para o socio federado é...
leer más 26/11/2016
A asociación Sendeiros de Foz organiza o derradeiro andareiro deste ano por terras dos Oscos. Como todos os anos, nesta ruta que terá lugar o 11 de decembro, os participantes despedirán este 2016 antes das festas do Nadal.
A saída será ás 8:00 horas do Concello. Os interesados deberán anotarse antes do mércores 7 de decembro e poden facelo nos números de teléfono 676 561 594 (Nelli) ou 670 369 017 (Morís). Os organizadores animan a todos a participar nesta fermosa ruta.
07/11/2016
O Grupo de Sendeirismo da ACD Xove organiza unha ruta pola ría de Ortigueira-Ladrido para o 13 de novembro.
Esta é a ultima ruta da tempada 2016 e percorrerá a senda litoral da ría de Ortigueira cun total de 13 quilómetros e dificultade baixa. A saída e chegada á vila de Ortigueira pasando pola Lagoa de San Martiño, a praia de Morouzos, a carón da illa de San Vicente, e a ría de Ladrido. A ría de Ortigueira está considerada unha das máis importantes de España pola súa biodiversidade natural, dentro da Red Natura 2000 e zona ZEPA (protección de aves).
Ao final da ruta os participantes despedirán a tempada cunha comida. Os interesados poden pedir información ou inscribirse na Piscina Municipal de Xove ou no número de teléfono 618 97 61 59...
leer más 27/10/2016
A XIII edición da ruta en vehículos 4x4 Montes da Mariña celebrarase este fin de semana, desde mañá, venres, día 28, ata o domingo 30. Foi presentada en Foz nun acto no que participaron o alcalde, Javier Jorge Castiñeira, e os representantes do club Os Correcamiños Pablo Sobrado, Javier Blanco e Carlos Maseda.
Os organizadores explicaron que “este ano bateuse o récord de inscritos, cun total de 480. As procedencias dos participantes son do norte da península, así como de Madrid e Cáceres, entre outros lugares”.
Tamén anunciaron que “a xornada de mañá, venres, estará dedicada á recepción dos participantes. O sábado 29 sairán ás 9 da mañá para realizar unha ruta todo o día, con comida no pavillón de Ferreira do Valadouro e cea no...
leer más 21/10/2016
Os Amigos de RegalXunqueira organiza para o 22 de outubro uha ruta entre Foz e Reinante. A saída será ás 10:00 horas da estación de tren de Viveiro e ás 11:00 horas desde a estación de tren de Foz partirá a andaina ata o apeadeiro da estación de tren de Reinante.
A ruta discorrerá por Mañente, a Espiñeira, cruzará o río Masma e continuará polas praias da costa de Barreiros, praia de Altar, San Bartolo, Acantilado-Remior, Coto, Fontela-Balea, Lóngara, A Pasada e Arealonga. O percorrido de 16 quilómetros é chan. A volta a Viveiro será no tren das 19:00 horas.
A organización anuncia que non é preciso ser socio para participar nesta actividade e aconsella levar comida e bebida.
17/10/2016
A asociación de sendeirismo Terras de Lourenzá organiza a ruta do mes de outubro polo Azúmara o domingo 23.
Un percorrido de 9 quilómetros e dificultade baixa que dará comezo no Castro de Viladonga onde os participantes antes de comezar a camiñar poderán gozar dun dos tesouros arqueolóxicos da provincia, o conxunto formado polo xacemento do Castro e o Museo. Unha vez rematada a visita disporanse a facer a ruta que irá dende o castro ata Castro de Rei, onde xantarán nun restaurante da localidade.
A saída para esta andaina o 23 de outubro será desde o Cantón de Vilanova de Lourenzá ás 9:30 horas. O prezo é de 20 euros para socios e de 25 euros para non socios, inclúe o transporte en autobús e a comida. O prazo para anotarse remata o xoves...
leer más 17/10/2016
O grupo de sendeirismo da ACD Xove organiza unha ruta para o domingo 23 de outubro, pola Fragavella (Serra do Xistral-Concellos de Mondoñedo e Abadín).
Esta ruta polos montes da Fragavella está a 15 quilómetros da cidade de Mondoñedo e colle os concellos de Mondoñedo e Abadín. Nela atópase unha gran diversidade de flora e fauna autóctona que no outono é moi visitada pois toda ela produce unha gran variedade e cantidade de cogumelos. De feito o empresario de orixe xaponés Katuza Kimura elexíu no ano 1985 este lugar para o cultivo de setas orientais a nivel industrial. Pero a principios dos anos 90 abandonou a súa explotación por problemas co subministro eléctrico na zona. Tamén existe na Fragavella unha finca propiedade da Xunta de Galicia, destinada á cría de cervos e vacas de raza...
leer más