Nadal
A Asociación Musical A Chocolateira (Eco das Minas) organiza actividades de Nadal na Pontenova os días 16, 22 e 29 de decembro.
O sábado 16 na Casa do Salmón terá lugar un obradoiro de acuarela para maiores de 12 anos. Será impartido por Rocío Fernández Paz de 16:30 a 18:30 horas.
O día 22 haberá Cantos de Nadal a cargo da agrupación tradicional A Chocolateira polas rúas da Pontenova desde as 20:00 horas.
E o 29 de decembro a Apalpadora visitará a Casa da Cultura ás 12:00 horas.
Os organizadores anuncian: “acércase o Nadal e temos preparadas cousiñas bonitas para celebrar estas datas cheas de arte, ledicia e música. Obradoiros, panxoliñas, visitas sorpresa... Gardade datas, que o noso tren ven cargadiño de diversión. Rocío Fernández Paz será quen nos inicie no...
leer más
A Escola Municipal de Música e Danza (EMMeD) de Ribadeo celebra o sábado, 16 de decembro, ás 11:30 e 18:00 horas no Auditorio Municipal Hernán Naval o seu tradicional Festival de Nadal, dentro dos actos do 30 aniversario do centro. Na sesión da mañá será o alumnado máis pequeno do centro o que participe. Xa na sesión da tarde serán as grandes agrupacións das diferentes especialidades instrumentais e de danza.
No repertorio deste ano non faltan as panxoliñas pero tamén hai cabida para outros ritmos como a música moderna ou a tradicional. “O de Nadal é, xunto con fin de curso, o festival que máis éxito ten tanto entre o alumnado coma entre o público de aí que cada ano procuremos ofrecer cousas novas tanto a nivel de repertorio coma de posta en escena”, explica Hugo García, responsable da EMMeD.
Pero, sen dúbida, o...
leer más
O vindeiro 23 de decembro pola mañá o Club de Atlestismo Ría de Foz organiza xunto con Run Foz Run, a última proba do circuito DUACODE-RunFozRun, a oitava edición da Run Foz Run Nadal.
Ademais, ese mesmo día tamén se entregarán os premios dos gañadores e gañadoras do circuíto, así coma o agasallo aos que conseguiron rematar 6 das 8 carreiras.
As persoas interesadas en participar poden inscribirse na carreira a través da paxina web...
leer más
O Concello de Trabada organiza un campamento de Nadal dende o 26 de decembro ata o 5 de xaneiro dirixido a nenos e nenas de entre 3 e 12 anos que estean empadroados en Trabada ou que teñan familiares empadroados aquí coa finalidade de promover a conciliación da vida laboral e familiar das familias.
Desde o Concello explican que “imos contar cunha programación ampla e variada, dende obradoiros de manualidades e de cociña, actividades interxeracionais cos maiores, proxección de películas ou contacontos así que non dudedes en anotarvos. Tedes prazo ata o 20 deste mes”.
A campaña de Nadal do Centro Comercial Histórico de Viveiro comeza nestes días cunha morea de actividades, concursos e sorteos.
Este ano seguen apostando por reforzar a decoración da rúa, e repartiron mais de 120 árbores de luces leds que estarán colocados nas entradas dos comercios “e decoramos os escaparates de tódolos negocios asociados cun lazo de vinilo vermello semellando o envoltorio dun agasallo. A idea é transmitir que o mellor agasallo deste Nadal é mercar no comercio local, o comercio de proximidade”, explican desde o CCH.
A atmosfera navideña tamén será musical, posto que as rúas estarán ambientadas con panxoliñas, grazas ó fío musical instalado nos últimos anos por todo o centro urbano.
Desde a asociación indican que “se instalou a árbore de luces xigante nos Xardíns Noriega Varela (zona...
O atrio de San Pedro, en Alfoz, acolle un Mercado de Nadal este venres, 8 de decembro, de 10:00 a 20:00 horas. Está organizado pola Asociación Cultural e Xuvenil O Castelo e pola Asociación Veciñal de Mor.
Haberá postos de comida, artesanía, adornos de Nadal, bebidas, accesorios, etcétera. De 12:00 a 17:00 horas desenvolverase un obradoiro gratuíto para xs máis pequenxs sobre creación de adornos de Nadal. E ás 19:00 horas acenderanse as luces de Nadal, con actuación musical.
“Se aínda non tés os adornos de Nadal ou che falta algún agasallo que mercar, xa sabes a onde vir. Haberá carpa climatizada, chocolate, viño quente, ... para pasar o día na mellor compañía. Esperámosvos!”, din os organizadores.
O programa de conciliación familiar, dirixido a crianzas de entre 3 e 12 anos, dará comezo o 22 de decembro e finalizará o venres 5 de xaneiro (ambos incluídos. Será de luns a venres en horario de 8:30 a 14:30 horas. Os días 25 de decembro e 1 de xaneiro non haberá actividade ao seren festivos nacionais.
O obxectivo deste programa do Concello de Cervo é que as nais e os país poidan conciliar a súa vida laboral co coidado dos seus pequenos e pequenas.
O prazo de inscrición remata o 15 de decembro.
"A vila retoma neste Nadal unha tradición que busca axudar ás familias con menos recursos, co obxectivo de facer destas datas un momento de felicidade para os veciños e veciñas apelando á solidariedade e á xenerosidade de todos", afirma a alcaldesa, María Loureiro.
Os xoguetes, puzzles, material escolar e libros doados deberán ser novos, ou seminovos e serán entregados coa embalaxe orixinal e sen empaquetar.
O punto de recollida será a Oficina Municipal de Información Xuvenil (OMIX) situada no Concello de Viveiro en horario de 9:00 a 15:00 horas e o reparto será xestionado dende a Concellería de Servizos Sociais.
Produtores e creadores locais e de proximidade daranse cita no Mercadiño no Nadal que está a organizar o Concello de Barreiros por segundo ano e que terá lugar o domingo 10 de decembro na Praza do Concello de 11 a 20 horas.
O Concello de Bareiros avanza: “nos vindeiros días irémosvos anunciado os postos que poderedes atopar así como algunha novidade que haberá este ano”.
O alcalde de Xove, Demetrio Salgueiro, e a concelleira de Cultura, Dolores Meitín, presentaron o programa de actividades do Concello para este Nadal 23-24, que se desenvolverán desde o 20 de decembro ata o 5 de xaneiro.
O mércores 20 comezará a programación coa actividade Un Nadal de cores, que será no pavillón municipal de deportes ás 18:00 horas. Ao día seguinte ás 18:00 horas no salón de actos do Centro Cívico o grupo de teatro de Aspanane representará a obra “Contra o reloxio”. O venres 22 ás 17:00 horas actuará un DJ infantil no pavillón municipal de deportes e á tardiña Papá Noel visitará a residencia de maiores San Bartolomeu e despois irá ao pavillón polideportivo, onde haberá chocolatada. O mesmo día ás 20:30 horas no salón de actos do Centro Cívico celebrarase a V Gala do Emprendemento Local. Para o sábado 23 está programado o...
leer más