Mondoñedo
10/01/2016
O Goberno local do Concello de Mondoñedo dedicará un ciclo de teatro neste ano 2016 á figura da actriz Manuela Rei. Os últimos sábados de mes haberá función ás 20:30 horas no Auditorio Municipal Pascual Veiga. A alcaldesa, a popular Elena Candia, sinala que no verán se intentará que a actividade teatral se desenvolva na rúa.
No marco deste recoñecemento, que se inscribe na programación de dinamización cultural do novo equipo de Goberno, o cronista oficial de Mondoñedo, Antonio Reigosa, presentará o 2 de abril unha revista oral dentro do proxecto Profalías na Casa da Xuventude. Esta iniciativa está coordinada por Antonio Reigosa desde a sección de Literatura oral da Asociación de Escritores e Escritoras en Lingua Galega (AELG) e recollerá información sobre a figura da...
leer más 08/01/2016
O Goberno local de Mondoñedo prepara a conmemoración do 25 aniversario do ascenso a terceira división da Sociedade Deportiva Mindoniense. O día un de setembro de 1991 o equipo xogou o seu primeiro partido nesta categoría á que chegou en maio do mesmo ano.
A rexedora, a popular Elena Candia, remarca que tanto ela como o concelleiro de Deportes, Manuel Tapia, e todo o equipo de Goberno “queremos ter unha lembranza con todos os que fixeron posible este acontecemento histórico para a localidade”.
“Xogadores, directiva e afección fixeron posible un fito histórico deportivo para Mondoñedo, polo que queremos renderlle unha homenaxe polo seu traballo, esforzo e dedicación, así como polos éxitos acadados”, explica Tapia.
... leer más 04/01/2016
O Concello de Mondoñedo fai saber a tod@s @s nen@s da carta recibida por un emisario real das súas maxestades de Oriente, na que se informa que este ano os Reis Magos chegarán á cidade episcopal ás 17:00 horas e, como de costume, visitarán en primeiro lugar aos seus amig@s do Hospital de San Pablo e a continuación desprazaranse ata a Residencia de San Rafael, onde serán recibidos un ano máis, con moito entusiasmo.
O concelleiro de Educación e Mocidade, Alberto García, salientou que este ano a cabalgata incorpora varias novidades. A primeira delas é que se retrasa o inicio da mesma, “xa que ao ser un día laboral, consideramos máis axeitado o novo horario para que poidamos desfrutar todos da Cabalgata, á vez que...
leer más 23/12/2015
O Goberno local do Concello de Mondoñedo colabora coa ANPA do CEIP Álvaro Cunqueiro na organización dun campamento de Nadal para os nenos e nenas da localidade.
As actividades desenvolvense do 21 ao 31 de decembro en horario de 10:00 a 14:00 horas. O prezo do campamento é de 20 euros por inscrición.
O luns día 21 houbo actividades de animación, o martes 22, un taller de manualidades de Nadal, o mércores 23, de novo actividades de animación, o xoves 24, un taller de historia. A segunda semana, o luns haberá un taller de teatro, o martes 29, baile, o mércores 30, un taller de animación e o xoves 31, actividades deportivas.
Para anotarse hai que cubrir unha folla de inscrición e entregarlla á...
leer más 16/12/2015
Os alumnos da Escola de Música ‘O Pallarego’ ofrecerán un concerto solidario de Nadal o vindeiro venres 18 de decembro, baixo o título ‘Un Mundo no Nadal’. Será ás 20:30 horas no auditorio municipal Pascual Veiga.
O concelleiro de Educación, Mocidade e Novas Tecnoloxías, Alberto García Fernández, explica que se trata dun concerto dinámico, no que se compaxinará a música coa proxección de imaxes referentes ao país de orixe das pezas musicais. Interpretaranse panxoliñas de diferentes lugares do mundo que convivirán con música non navideña e participarán as diferentes agrupacións musicais da Escola, como son a banda, o grupo de percusión, o grupo de música e movemento, o coro e a orquestra.
Alberto García indica que o concerto terá...
leer más 14/12/2015
O Goberno local do Concello de Mondoñedo en colaboración coa Consellería de Economía e Industria, a través da Fundación Centro Galego da Artesanía e do Deseño, organiza o curso de formación Iniciación á olería mindoniense. A actividade desenvolverase entre o 5 e o 26 de febreiro en horario de 16:00 a 19:00 horas de martes a venres e nace dentro do programa de dinamización dos Muíños.
O curso estará dotado de oito prazas e levarase a cabo no Alfar Os Muíños. A matrícula é gratuíta e a solicitude de participación realizarase a través da páxina www.artesaniadegalicia.xunta.es ou no número de teléfono 881999171. A encargada de impartir a formación será ChusLage.
No transcurso da...
leer más 09/12/2015
A agrupación Cebolas Verdes Big Band dará este sábado, 12 de decembro, un concerto no Salón dos Espellos do Casino de Mondoñedo. O espectáculo dará comezo ás 23 horas e a entrada é de 5 euros para non socios. Os socios entrarán gratis.
06/12/2015
O Goberno local do Concello de Mondoñedo colabora coa Asociación de Comerciantes, Industriais e Autónomos de Mondoñedo (ACIAM) na organización do Gran Mercado de Nadal 2015, que terá lugar o sábado 19 e o domingo día 20 de decembro, así como nas demais actividades promovidas por estas datas.
Outras actividades
O venres día 18 o auditorio municipal acollerá o concerto de Nadal ás 20:30 horas a cargo da Escola Municipal de Música Un mundo do Nadal.
O sábado día 19 desde as 16:00 horas e ata as 20:00 horas o auditorio municipal acolle un taller de postais de Nadal e xogos infantís para os máis pequenos. O domingo día 20 ás 19:00 horas haberá teatro no auditorio municipal a cargo do Grupo Trípode...
leer más 22/11/2015
O Goberno local do Concello de Mondoñedo programa para os días 11, 12 e 13 de decembro as XV Xornadas Mindonienses de Arqueoloxía Vallaamil y Castro. Para a súa organización o Goberno local conta coa colaboración da Vicepresidencia Primeira, Área de Cultura da Deputación Provincial de Lugo.
Programa
As xornadas darán comezo o día 11 de decembro ás 19:30 horas coa recollida de documentación no salón de actos da Casa da Xuventude. De seguido terá lugar o acto de inauguración e ás 20:00 horas o arqueólogo e antropólogo Francisco Calo Lourido pronunciará o relatorio A verba celta é tan polisémica que perdeu o seu significado.
O sábado ás 18:30 horas o relatorio correrá a cargo de Fermín Pérez...
leer más 19/11/2015
Os concelleiros de Servizos Sociais, Deportes e Xuventude, Ángeles Rodríguez, Manuel Tapia e Alberto García, respectivamente, e a directora do Centro Sociocomunitario, Mari Carmen Casasnovas, presentaron hoxe unha serie de actividades que de desenvolverán nunha xornada de portas abertas que terá lugar no Centro Sociocomunitario da localidade, o vindeiro luns 23 de novembro.
As exhibicións serán de zumba e baile moderno. A primeira delas ofertarase en horario de 16:30 a 17:30 horas, mentres que entre as 17:45 e ás 18:45 horas será a de baile moderno. A xornada é gratuíta, e servirá de aliciente a todos os que queiran apuntarse a estas actividades, que ofrecerá o Concello de Mondoñedo a partir do mes de xaneiro, no Centro Sociocomunitario e na Casa da Xuventude.
... leer más