Lourenzá
Con motivo da conmemoración do Día contra a Violencia de Xénero, o Concello de Lourenzá organiza dúas actividades: un espectáculo da artista Sue Moreno, previsto para o 3 de decembro, e un curso de autodefensa para mulleres, que será o día 15 do mesmo mes.
O domingo 3 de decembro ás 17:30 horas no pavillón municipal de Lourenzá a trapecista, actriz e bailarina Sue Moreno ofrecerá o seu espectáculo 4.0, que aborda as dificultades da conciliación familiar. É para todos os públicos e está incluído dentro das axudas do Pacto de Estado contra a violencia de xénero, do Ministerio de Igualdad .
E o 15 de decembro, venres, no Multiusos Ponte de Cuñas haberá un curso de autodefensa para mulleres ante situacións violentas. Será de 15:30 a 20:30 horas e para participar hai que inscribirse chamando ao teléfono 982.121.036....
leer más
O Sindicato Labrego Galego organiza a actividade denominada “Xornada de historias de vida: 3 vidas, 7 fotos. Mulleres que nos inspiran. Se o podes soñar pódelo crear”. Será o mércores 22 de novembro na Biblioteca Maravilhas, que está na parroquia de Arroxo, no concello de Lourenzá.
Será de 10:30 a 18:30 horas, con comida compartida, e intervirán a educadora ambiental e escritora Inma Soto Iglesias; a dinamizadora comunitaria creadora da Biblioteca Maravilhas, Rosa Espiñeira Pan; e Elia Rodríguez Álvarez, que falará de experiencias arredor da agroecoloxía e da cultura.
Para asistir hai que inscribirse a través do teléfono 606.398.305.
A asociación Patrimonio Laurentino organiza unha viaxe a Vigo para este sábado, 18 de novembro. O prazo para anotarse e pagar remata este mércores, día 15. O custo, co xantar incluído, é de 22 euros para os membros do colectivo organizador e de 25 euros para os que non o son. O autobús é de balde porque está financiado cunha axuda do Concello de Lourenzá.
Os organizadores explican: “este ano decidimos viaxar a Vigo. Coñeceremos o legado de Del Riego: pinacoteca e fundación Penzol, que nos abren as súas portas o sábado 18. Comeremos no R.C. Náutico e pola tarde desfrutaremos da cidade olívica. Tan só animarvos a participar e renderlle homenaxe a este laurentino como a el lle gustaría: reunirse cos veciños e disfrutar da cidade que o acolleu. Animámosvos a participar nesta visita imprescindible no ano no que se lle dedican as Letras Galegas...
leer más
A Comisión de Festas de Canedo, no concello de Lourenzá, organiza unha cea baile para o 11 de novembro, sábado, a partir das 21:30 horas. Será no campo da festa de Canedo.
O menú da cea estará composto por fabada, costela asada de porco, sobremesa, café e chupito. Os tickets están á venda nos bares do pobo (Xiraldo, Gayoso, Baos, Pipote, Galaxia, Aturuxo, Morrigan e Torreón) ou comunicándose con calquera dos tres membros da comisión: David, Diego e Suso. Debido a que é unha cea por encargo a fecha límite para a recollida dos tickets é o 9 de novembro.
Despois da cea haberá verbena amenizada polo trío Zafiro e o DJ Billy, ademais de sorteo de regalos e más sorpresas.
Os organizadores anuncian que “o evento celebrarase baixo carpa con calefactores, se o tempo non axuda”.
A asociación Terras de Lourenzá organiza unha fin de semana de sendeirismo no Bierzo (León) os días 11 e 12 de novembro. O sábado farán a ruta Valle del Silencio, que ten unha distancia de 10,6 quilómetros e é de dificultade media alta. E o domingo percorrerán a ruta de Salto del Pelgo a Toral de los Vados, cunha distancia de 7 quilómetros e dificultade baixa.
A saída será o sábado ás 07:00 horas desde o Cantón de Vilanova de Lourenzá e as inscricións deben facerse antes das 20:00 horas do mércores 8 de novembro chamando aos teléfonos 658.09.71.33 ou 699.70.60.31. O prezo é de 100 euros para os socios do colectivo organizador e de 110 euros para os que non o son. As prazas son limitadas.
Os organizadores explican: “o sábado faremos parada en Vega de Valcarce para almorzar, a ruta comezará arredor das 9:45horas e...
leer más
O día 4 de novembro, sábado, ás 20:00 horas dará comezo no multiusos Ponte de Cuñas a quinta edición do Certame de Teatro Afeccionado Concello de Lourenzá.
O concelleiro de Cultura, Manuel Arango Ron, anuncia que “o sábado 4 de novembro dará comezo o V Certame de Teatro Concello de Lourenzá. Abrirá o concurso o grupo Hipócrita Teatro, de Lugo, coa obra Arte, e rematará o 16 de decembro coa gala de entrega de premios, que incluirá a representación da obra Anacos, de Ítaca Teatro”.
As seguintes representacións do certame serán os días 5, 10, 11, 17, 19, 25 e 26 de novembro e correrán a cargo das compañías Ollomao, de Barreiros; O Torques, de Burela; Alxén, de Salvaterra; Anómico, de Vigo; Carauta, de Santiago; Fauna 113, de Vigo; e Coles, desa localidade da provincia de Ourense.
O Sindicato Labrego Galego organiza unha xornada formativa sobre “A nova PAC: distintas ferramentas para a súa xestión”. Será no Multiusos Ponte de Cuñas, que está no recinto feiral de Lourenzá, o venres 27 de outubro de 11 a 14 horas e de 16h a 18 horas. A data límite de inscrición é o 25 de outubro.
Os interesados en obter máis información e para apuntarse poden facelo a través do correo electrónico lourenza@sindicatolabrego.gal ou dos teléfonos 982.130.615 e 982.121.376.
A terceira edición da Feira do Cabalo en Lourenzá, que terá lugar o domingo 29 outubro desde as oito e media da mañá, foi presentada pola alcaldesa, Rocío López, e por representantes da Asociación de Criadores de Cabalo de Pura Raza Galega (PURAGA) e do colectivo Cabaleiros de Lourenzá, creado recentemente.
A rexedora municipal comentou que “é unha boa iniciativa, que cada ano ten mellor aceptación e acollida. A participación de exemplares cada edición é maior e tamén asiste máis xente á feira. Este ano, ademais dos concursos que viñeron celebrándose nas anteriores edicións, tamén haberá presenza doutras especies de animais na feira. Agardamos que vaia consolidándose como un referente nas feiras dedicadas aos cabalos de pura raza galega e que sirva para seguir mantendo viva e presente esta raza de equinos”.
O...
leer más
Os Concellos de Barreiros e Lourenzá chegan a un acordo para potenciar e mellorar a formación das crianzas barreirenses que queiran practicar atletismo.
Mediante este acordo, o corpo técnico das EEDD de Lourenzá asumirá os adestramentos da modalidade de atletismo para as nenas e nenos de Barreiros, que contarán cun adestramento neste municipio, outro no de Lourenzá e un terceiro para o uso das pistas de atletismo de Cervo.
A alcaldesa barreirense, Ana Ermida, manifestou que "valoramos positivamente para este acordo o traballo e a metodoloxía que levan feito durante todos estes anos nas Escolas de Lourenzá, que nos servirá para seguir apostando pola base sen perder a nosa identidade como Escolas deportivas de Barreiros",e amosouse convencida da necesidade de aproveitar sinerxías entre Concellos para dar máis e...
leer más
Mercar no comercio de Lourenzá dende este xoves, 19 de outubro, e ata o 26 de
outubro ten premio. En concreto 1.000 euros repartidos en tarxetas prepago de 300 e
de 50 euros para seguir mercando no comercio da localidade.
A Federación de Comercio de Lugo, a Federación Galega de Comercio e a
Consellería de Economía, Industria e Innovación – Dirección Xeral de Comercio e
Consumo da Xunta de Galicia, coa colaboración neste caso da Asociación de
Comerciantes, Industriais e Autónomos de Lourenzá (ACIAL Lourenzá), poñen en
marcha a campaña de dinamización “Mercar no teu comercio ten premio”.
Así, todos os clientes de Lourenzá que realicen compras por importe mínimo de
10 euros no comercio asociado de proximidade entre o 19 e o 26 de outubro, poden
participar no sorteo en...