25N
Ribadeo organiza diversas actividades arredor do 25N. Arrincan esta vindeira fin de semana e prolongaranse ata o 5 de decembro. Haberá unha andaina, teatro, charlas para as familias, contacontos e talleres nos centros de ensino. Por aquí pasarán importantes figuras como José Antonio Vázquez Taín, Mª José Garrido Antón ou Olalla Guimarey.
A concelleira de Igualdade, Begoña Sanjurjo, explicou que “como non podía ser doutro xeito, polo 25N Ribadeo pon o foco na prevención, na identificación, na actuación e na axuda contra a violencia de xénero. Se ben o traballo neste senso é constante durante os 365 días do ano, activarase unha programación especial con motivo desta data”.
A edil ribadense sinalou que “co lema Move ficha contra a violencia de xénero desde o Concello queremos animar a toda a sociedade a dar un paso...
leer más
Con motivo do 25 de novembro, Día Internacional da Eliminación da Violencia contra as Mulleres, o Concello de Ourol organiza un ano máis a Andaina contra a Violencia de Xénero. Será o propio día 25 de novembro, luns, ás 12:30 horas no Paseo da Rega
O Concello de Ourol explica que “esta actividade ten como obxectivo sensibilizar á poboación sobre o problema mundial que representa a violencia contra as mulleres e concienciar tanto a mulleres coma homes da importancia de que todas as persoas axuntemos forzas para rematar con esta lacra da sociedade que acaba coa vida de tantas mulleres cada ano”.
O Concello de Burela organiza actividades os días 24 e 25 de novembro, domingo e luns, con motivo do Día Internacional para a Eliminación da Violencia Contra as Mulleres.
O domingo 24 ás 11:00 horas comezará a III Andaina contra a violencia de xénero, que será unha ruta circular de sete quilómetros con saída e chegada na Praza do Concello.
E o luns 25 de novembro ás 12:00 horas na Praza do Concello haberá a lectura do manifesto institucional, frases contra a violencia e unha mesa informativa do CIM. E ás 12:30 horas representarase a obra de teatro titulada "O soño de Adelina" na Casa da Cultura.
O Centro de Información ás Mulleres (CIM) mindoniense organiza diversas actividades para conmemorar o 25N co lema “Mondoñedo di non á violencia de xénero” desde este xoves, 21 de novembro.
O programa de actividades inclúe: un punto informativo e a lectura dun manifesto na Praza do Concello o 25 de novembro, luns, ás 12 horas; unha charla coloquio sobre empoderamento feminino en colaboración con Asociación Mujeres en Igualdad no Centro de Desenvolvemento comarcal este xoves, día 21 de novembro, ás 16 horas; unha charla coloquio sobre seguridade cidadá en colaboración con Garda Civil (Plan Maior Seguridade) no Centro Sociocomunitario o 27 de novembro, mércores, ás 11 horas; un curso de defensa persoal feminina en colaboración coa Dirección Xeral de Loita Contra a Violencia de Xénero para mulleres maiores de 16 anos, pendente de confirmar...
leer más
O Concello de Xove organiza diversas actividades contra a violencia de xénero desde este xoves, día 21 de novembro, ata o 9 de decembro.
Este xoves proxectarase o documental titulado "En deuda con todas", actividade de Cineforo ACPP (Fondo Galego de Cooperación). Será ás 20:30 horas na Aula de Formación.
O luns 25 de novembro haberá unha proxección das Viñetas Narradas polo alumnado do CEIP Pedro Caselles Rollán e do IES Illa de Sarón ás 11:00 horas no Salón de Actos. A continuación terá lugar a lectura dun manifesto e a creación de un gran lazo morado na Praza do Concello, simbolizando a importancia de cada persoa na unidade fronte á violencia contra as mulleres.
Para o día 2 de decembro, luns, está programado o taller titulado “Os cambios na pubertade e a chegada da menstruación”,...
leer más
Con motivo do Día Internacional da Eliminación da Violencia contra a Muller, o Concello de Foz programa varias actividades ata o día 4 de decembro: unha exposición, unha concentración, un espectáculo de contacontos, unha representación teatral e unha charla.
A concelleira de Muller e Igualdade, Elena Martínez Pena, explica: “como cada 25 de novembro, Día Internacional da Eliminación da Violencia contra a Muller, desde o Concello de Foz volvemos manifestar o noso constante compromiso para erradicar calquera tipo de violencia machista e transmitir á sociedade a importancia de traballar valores a prol da igualdade e o respecto polas persoas”.
A programación de actividades polo Día Internacional da Eliminación da Violencia contra a Muller en Foz xa comezou a inicios do mes de novembro coa exposición Mulleres de...
leer más
O Concello de Cervo programa do 23 ao 25 de novembro diferentes actos con motivo do Día Internacional da Eliminación da Violencia contra a Muller, que ten lugar cada 25 deste mes. Ese mesmo día, luns 25, terán lugar os actos centrais concentrados na Praza Nardo Martínez, en San Ciprián. Así ás 19:00 horas celebrarase o acto solidario “Unha vela por ti”, en colaboración coa asociación Mujeres en Igualdad Cervo. As persoas asistentes poderán adquirir alí mesmo velas como xesto simbólico, e a recadación irá integramente destinada para a vivenda tutelada para mulleres vítimas de violencia de xénero con enfermidade mental da asociación Saúde Mental A Mariña.
A axenda de actos completarase esta mesma fin de semana. Así o sábado 23 de novembro terá lugar un taller de fotografía de luz negra na Casa da Cultura, impartido por Diana Fajardo. Será en...
leer más
Con motivo da conmemoración do Día contra a Violencia de Xénero, o Concello de Lourenzá organiza dúas actividades: un espectáculo da artista Sue Moreno, previsto para o 3 de decembro, e un curso de autodefensa para mulleres, que será o día 15 do mesmo mes.
O domingo 3 de decembro ás 17:30 horas no pavillón municipal de Lourenzá a trapecista, actriz e bailarina Sue Moreno ofrecerá o seu espectáculo 4.0, que aborda as dificultades da conciliación familiar. É para todos os públicos e está incluído dentro das axudas do Pacto de Estado contra a violencia de xénero, do Ministerio de Igualdad .
E o 15 de decembro, venres, no Multiusos Ponte de Cuñas haberá un curso de autodefensa para mulleres ante situacións violentas. Será de 15:30 a 20:30 horas e para participar hai que inscribirse chamando ao teléfono 982.121.036....
leer más
A Concellería de Igualdade do Concello de Barreiros prepara actividades para escolares, lectura do manifesto polo Día Internacional para a eliminación da violencia contra as mulleres e a proxección do filme “Onde máis doe”. Estes actos desenvolveranse os días 24 e 25 de novembro.
O Concello de Barreiros tamén se suma un ano máis á campaña “En negro contra as violencias”, unha acción colectiva de sensibilización social contra as violencias machistas que xorde no 2015 en Santiago de Compostela, co impulso da Administración local, e que ano tras ano foi medrando, involucrando a máis concellos, institucións e sectores, chegando a expandirse de xeito viral mesmo fóra de Galicia.
O venres 24 de novembro haberá xornadas de sensibilización e concienciación para o alumnado dos colexios CEIP San Cosme e CEIP San Miguel....
leer más
O Concello de Ourol organiza diversas actividades, como maxia, unha andaina e unha charla, para conmemorar o 25N, pola igualdade e contra a violencia de xénero.
A primeira, que está programada para este xoves, día 23, é un espectáculo de maxia para público infantil e familias a cargo do mago Pedro Bugarín co seu novo show. Será ás 18:30 horas no Edificio Multiusos.
O venres 24 haberá a quinta andaina contra a violencia de xénero, con saída ás 12:30 horas no Paseo da Rega.
E o día 29, mércores, ás 18:30 horas no Edificio Multiusos terá lugar unha charla a cargo da actriz Berta Ojea.