Lourenzá
A Asociación de Sendeirismo Terras de Lourenzá organiza un percorrido pola ruta dos Viñedos de Belesar, no concello de Chantada, para o 13 de abril, sábado. A distancia a percorrer son 10 quilómetros e a dificultade é baixa. Ao rematar a camiñada os participantes xantarán nun restaurante.
A saída será ás 08:00 horas desde o Cantón de Vilanova de Lourenzá e as inscricións deben facerse antes das 20:00 horas do 10 de abril, chamando aos teléfonos 699.70.60.31 (Mahía) ou 658.09.71.33 (Miguel). O prezo é de 40 euros para os socios do colectivo organizador e de 45 euros para os que non o son.
Volve a Lourenzá o Vilou Spring Fest, que nesta edición conta coas actuacións das orquestras Panorama e El Combo Dominicano. Será o 28 de marzo, día de Xoves Santo, no recinto feiral de Vilanova de Lourenzá, onde estará instalada unha carpa de grandes dimensións.
Haberá sesión vermú desde as dúas da tarde cos DJs Billy e Dani Rego e a partir das 10 e media da noite celebrarase o festival cos mesmos DJS e as orquestras El Combo Dominicano e Panorama, que presenta a xira 2024.
O desfile de Entroido de Lourenzá, que se celebra tradicionalmente o Domingo de Piñata, trasládase ao día 17 de marzo a partir das 16:30 horas. Foi aprazado o 18 de febreiro polas eleccións autonómicas e o 25 do mesmo mes debido ás adversas condicións meteorolóxicas.
A inscrición deberá facerse unicamente a través do correo electrónico entroidolourenza@gmail.com ata o venres 15 de marzo de 2024 ás 21:00 horas. A organización confirmará a inscrición, sendo preciso que faciliten un teléfono de contacto.
Os participantes que xa estaban apuntados para o desfile previsto para o 25 de febreiro non teñen que volver enviar a folla de inscrición, pero si deben confirmar a participación nesta nova data.
A recollida de dorsais para participar no...
leer más
O Sindicato Labrego Galego organiza un curso sobre dixitalización na actividade agraria para os días 18, 20 e 22 de marzo en Lourenzá, cunha duración de 12 horas. Será no Multiusos Ponte de Cuñas de 16:00 a 20:00 horas.
O prazo para inscribirse remata o 14 de marzo e as persoas interesadas en máis información poden contactar a través dos teléfonos 982.121.376 e 698.159.667 ou do correo electrónico lourenza@sindicatolabrego.gal.
É unha actividade financiada polo Ministerio de Agricultura, Pesca y Alimentación (MAPA).
A Asociación de Sendeirismo Terras de Lourenzá organiza percorrido pola ruta Mina Carmina, no municipio asturiano de San Martín de Oscos, para o 16 de marzo, sábado. A distancia a percorrer son 11 quilómetros e a dificultade é baixa. Ao rematar a camiñada os participantes xantarán nun restaurante.
A saída será ás 08:00 horas desde o Cantón de Vilanova de Lourenzá e as inscricións deben facerse antes das 20:00 horas do 13 de marzo, chamando aos teléfonos 699.70.60.31 (Mahía) ou 647.06.70.54 (Javier). O prezo é de 35 euros para os socios do colectivo organizador e de 40 euros para os que non o son.
O Concello a través das súas redes sociais comunicou onte á noite á suspensión do desfile do Domingo de Piñata, debido ao mal tempo previsto para este domingo, día 25: “debido ás condicións meteorolóxicas previstas para a xornada de hoxe, dende o Concello e a Acial vémonos na obriga de aprazar o desfile de Domingo de Piñata. Nos vindeiros días publicaremos a nova data”.
E engaden: “lamentamos ter que tomar esta decisión e pedimos desculpas polas molestias que se puideran ocasionar. Que o mal tempo non nos saque a ninguén a ilusión do Entroido. Vémonos en breve”.
O Desfile de Entroido de Lourenzá, que se celebrará o vindeiro domingo, 25 de febreiro, a partir das 16:30 horas, repartirá máis de 5.500 euros en premios. Na categoría infantil haberá premios para os mellores disfraces individuais, parellas e grupos. E na categoría de adultos: individual, parellas, grupos de 3 a 10 persoas, grupos de máis de 10 persoas e premio especial ao máis chistoso. Tamén haberá premios para as mellores carrozas, charangas e comparsas.
Inicialmente a entrega de premios está previsto que se desenvolva na praza do Conde Santo. Actuará o Dúo Belinda.
O Desfile do Domingo de Piñata está organizado polo Concello coa colaboración da Acial.
Edicións Positivas presenta o libro titulado “Chorente, unha aldea no tempo dos soños”, escrito por Xosé Henrique Rivadulla Corcón, en San Cibrao (Cervo) e Arroxo (Lourenzá) os días 23 e 24 de febreiro, respectivamente.
Sobre a presentación programada para o día 23, venres, ás 20:30 horas, anuncian que será “no porto de San Cibrao, acollidos pola lúa, a viruxe a as tabernas que resisten”.
E sobre a prevista para o día 24, sábado, ás 12:30 horas, din que se desenvolverá “na biblioteca Maravilhas, na escola de Arroxo, en Lourenzá. Ver este espazo e esta biblioteca que descoñecemos ha de ser emocionante”.
O libro trata sobre “unha aldea que cre no soño para construír un mundo mellor, e que os mellores soños son os imposibles. Este é o pensamento dos habitantes de Chorente. E non é para eles...
leer más
A Asociación de Sendeirismo Terras de Lourenzá organiza unha ruta por Río de Porcos, en Negueira de Muñiz, para o 24 de febreiro, sábado. A distancia a percorrer son 12 quilómetros e a dificultade é baixa. Ao rematar a camiñada os participantes xantarán un cocido tradicional nun restaurante da zona. As prazas están limitadas polo aforo do local.
A saída será ás 07:30 horas desde o Cantón de Vilanova de Lourenzá e as inscricións deben facerse antes das 14:00 horas do 20 febreiro, chamando aos teléfonos 619.82.87.84 (Pura) ou 647.06.70.54 (Javier). O prezo é de 45 euros para os socios do colectivo organizador e de 50 euros para os que non o son.
O colectivo organizador explica: “a ruta de febreiro levaranos por primeira vez ata Negueira de Muñiz. Trátase dunha ruta por asfalto, polo que non son precisas botas de...
leer más
A Escola de Arroxo-Biblioteca Maravilhas, no municipio de Lourenzá, exporá unha mostra de xilografías de Luís Seoane do 24 ao 31 de xaneiro para conmemorar o nacemento de Maruja Seoane.
A inauguración da exposición está programada para este mércores, día 24, ás 19:00 horas.
Para máis información as persoas interesada poden contactar coa organización desta actividade por WhatsApp co teléfono 638.41.85.45.