Festas
O profesor ribadense afincado en Santiago de Compostela Carlos Álvarez Lebredo será o pregoeiro das festas patronais de Ribadeo deste ano. Así o anunciou hoxe a comisión organizadora dos festexos, que tamén deu a coñecer que o acto do pregón será o día 1 de setembro, sábado, ás 20: 30 horas no Teatro e actuará a Coral Polifónica de Ribadeo.
Carlos Álvarez Lebredo é fillo do músico Carlos Álvarez Fernández-Cid, de quen se celebra este ano o centenario do seu nacemento con varios actos na vila ribadense.
O pregoeiro das festas patronais de 2018 na honra de Santa María do Campo naceu en Ribadeo, reside en Santiago de Compostela e é profesor de Literatura Galega desde 1983. Leva publicados máis de 50 artigos de crítica literaria, outros tantos de temática musical e case 100 máis de temática ribadense. É colaborador...
leer más
O Concello de Cervo convida a veciños e visitantes a desfrutar das Festas na Honra de San Luis, en Figuerido.
A cita, organizada pola Asociación Socio-Cultural Ponte da Salgueiriña coa colaboración do Concello, será o 22, 23 e 24 de xuño.
A programación comezará o venres, 22, a partir das 22:30 horas, cunha Gran Verbena a cargo do Grupo Alma Latina e da Orquestra Palladium.
O sábado, 23 de xuño, ás 9:00 horas, terá lugar o chupinazo que anuncia o inicio do día grande das Festas. Ás 11:00 horas haberá pasacorredoiras a cargo dos gaiteiros de Airiños do Xunco, de Cervo. Ás 14:00 horas terá lugar a misa solemne na honra de San Luis no campo da festa; e, a continuación, haberá sesión vermú a cargo do Grupo Alma Latina.
Haberá unha gran lumeirada de San Xoán e...
leer más
As festas patronais de Burela dan comezo este venres, 25 de maio, coa Baixada da Vila do Medio. Ás 21:00 horas celebrarase, na igrexa da Vila do Medio, a misa na honra da Virxe do Carme, e ao remate terá lugar a baixada da imaxe en procesión ata a igrexa parroquial.
O sábado, día 26, terá lugar o pregón a cargo da asociación de xubilados do mar A Moncloa, e ás 21:30 horas, no auditorio da Casa da Cultura, actuará en concerto Rosa Cedrón. O domingo 27 será o Día da Infancia e ao longo da tarde haberá festa infantil e xuvenil con hinchables. Ás 20:00 horas, na Casa da Cultura, presentarase o vídeo conmemorativo do 25 aniversario da alfombra floral.
O mércores 30 e o xoves 31, celebrarase o gran karaoke na Casa da Cultura. O día 30, ás 20:30 horas, nas categorías infantil e xuvenil, e o día 31, ás 21:00 horas, na...
leer más
A comisión organizadora das festas patronais de Burela abriu a inscrición para participar no karaoke que se celebrará os días 30 e 31 de maio.
O concelleiro de Cultura e membro da comisión de festas, José Díaz, anunciou que “a través de la comisión de fiestas de Burela queremos informar de que está abierta la inscripción para apuntarse al karaoke que será los días 30 y 31 de mayo. El 30 las categorías infantil y juvenil y el 31 la categoría adultos”.
Díaz engadiu que “hay dos sitios en los que poder apuntarse este año. Por un lado la biblioteca municipal, acudiendo en persona o llamando por teléfono al 982 58 06 83, y ahí dejar el nombre, edad y teléfono. Y la otra posibilidad es en la Casa da Xuventude llamando al 982 58 11 41”.
A parroquia de Vilamar, no concello de Barreiros, celebrará as súas festas na honra de San Xulián os días 25, 26 e 27 de maio.
O venres 25 a partires das 21:30 horas haberá unha pulpada e churrascada servida por Rochela, de Vilalba. Ás 22:30 horas dará comezo a verbena amenizada pola Orquestra Principal e o Grupo Fénix.
O sábado 26 ás 13:30 horas celebrarase a misa e a procesión. Despois haberá a sesión matinal coa orquestra Samba, e ás 23:00 horas terá lugar a verbena coas orquestras Samba e Panorama.
E xa o domingo 27 ás 13:30 horas haberá a misa e procesión, seguida da sesión matinal co Dúo Epo-K.
A organización comunica que haberá amplos aparcamentos e o campo estará cuberto con carpa. Colabora con este evento o Concello de Barreiros.
A comisión das festas patronais de Ribadeo 2018 comezou xa a traballar. Nuns días visitarán os domicilios e os negocios locais en demanda de axuda económica para sufragar os gastos dos festexos que se celebrarán do 5 ao 9 de setembro. O pregón será o día 1. A comisión, que foi presentada nas últimas horas, está formada por Juan José Otero (como presidente), Avelino Martínez e Marta Saiz. Ao seu carón estiveron o alcalde, Fernando Suárez, e o concelleiro de Cultura, Farruco Graña. O rexedor confirmou o apoio pleno do Concello á comisión, que tamén organizará as festas de San Roque o 16 de agosto.
O presidente da comisión das festas patronais de Ribadeo, Juan José Otero, agarda que “sexa polo menos como o ano pasado ou incluso un pouco mellor”. E anunciou que “empezaremos a semana que ven a facer o libro, e despois seguido ata ter todo feito...
leer más
Os días 18, 19 e 20 de maio terán lugar as Festas de Obispo Santo en San Martiño, en Foz, a carón da ermida de San Gonzalo.
O venres a festa-verbena estará amenizada polas orquestras Nueva Banda e Jerusalén.
O sábado ás 13:30 horas celebrarase a misa e despois haberá sesión vermú co grupo Taxi. Na festa-verbena actuarán o grupo Taxi e a orquestra New York.
O domingo ás 13:00 horas terá lugar a misa, seguida de sesión vermú.
Durante os tres días haberá pulpo, xamón cocido e churrasco servido pola pulpería A Rochela, de Vilalba.
Os festexos están organizados pola asociación cívico-cultural Obispo Santo coa colaboración do Concello de Foz.
O 28 de abril darán comezo As Quendas de Mondoñedo coa lectura do pregón a cargo de Ruth Chao, directora e produtora audiovisual premio Mestre Mateo. Será ás 20:30 horas no auditorio Pascual Veiga.
O 29 de abril celebrarase a I Xuntanza de Vespas, Lambrettas e Motos Clásicas. Haberá ademais unha exhibición hípica, con concurso de saltos, na Granxa, e ás 19:30 horas, no auditorio, actuará o grupo Daboapipa, a entrada será de balde. Tamén actuarán as orquestras PK2 e La Fórmula.
O 30 de abril ás 21:00 horas Xosé A. Touriñán presentará o seu Monólogo. Será no auditorio e o prezo da entrada a 5 euros. A música desa xornada correrá a cargo das orquestras Palladium e Claxxon.
O 1 de maio terá lugar a Feira de Gando e o Mercado de Produtos do campo galego. Ademais celebrarase a XXXV Festa da...
leer más
Trabadela, localidade da parroquia de Sante, no concello de Trabada, celebra as súas tradicionais festas na honra de San Xosé os días 31 de marzo e 1 de abril, sábado e domingo.
Os festexos empezarán o sábado 31 de marzo ás dúas da tarde coa sesión vermú que estará amenizada pola orquestra Compostela, que tamén actuará na verbena, a partir das dez e media da noite, xunto co grupo Montreal.
O domingo 1 de abril haberá misa solemne ás 13:30 horas e a continuación sesión vermú coa orquestra Abanico, que tamén actuará na verbena, programada para as dez da noite.
O recinto festivo estará cuberto con carpa.
Os organizadores das festas de Trabadela son Sara, José Luis, Josefa, Antonio, Venancio e Jose.