Barreiros
Volta o Cine na Rúa coa película "Eroski Paraíso" que se proxectará en Vilamar este sábado, 28 de agosto, ás 22:00 horas.
Sinopse: Eroski Paraíso é unha comedia documental que explora a memoria colectiva, a deriva vital e a transformación das relacións dentro dunha pequena comunidade, a partir de historias reais recollidas sobre a sala de festas O Paraíso, que funcionou en Muros, un pequeño pobo da costa galega, entre 1972 e 1990, e que ao cabo dos anos foi convertida nun supermercado Eroski. Un feito que, cambiando os nomes, repetiuse en infinidade de lugares de toda España, onde os cines, salas de festas e outros espazos de socialización fóronse transformando en espazos de consumo. Unha metáfora viva da transformación social ocorrida nos últimos 35 anos.
A proxección será no Campo da Festa de Vilamar ás dez da...
leer más
Este domingo, 22 de agosto, chega a Barreiros o VIII Festival Bal y Gay co concerto do grupo Hércules Brass Quinteto de metais.
Hércules Brass Quinteto de metais nace na Coruña no ano 2012 e está formado por novos profesionais de vento metal cunha longa experiencia tocando xuntos, principalmente na Orquestra Nova da Sinfónica de Galicia e na Joven Orquesta Nacional de España (JONDE).
A cita será o domingo, 22 de agosto, na Capela de San Bartolo ás 13 horas. Entrada libre ata completar aforo.
A actividade desenvolverase atendendo ás medidas sanitarias, polo que as persoas que asistan deben facelo exclusivamente polo lugar habilitado, previa identificación e permanecer nos asentos asignados. Non estará permitido o consumo de comida ou bebida no recinto. Uso obrigatorio de máscara durante...
leer más
O cine volve a Barreiros e desta vez faino con unha película para público familiar. “Peter Rabbit chega este sábado para facernos pasar un serán do máis divertido”, sinalan desde o Concello. Será no Canteiro en Benquerencia ás dez da noite
A actividade desenvolverase atendendo ás medidas sanitarias, polo que as persoas que asistan deben facelo exclusivamente polo lugar habilitado, previa identificación e permanecer nos asentos asignados.
Non estará permitido o consumo de comida ou bebida no recinto. Uso obrigatorio de máscara durante toda a proxección.
O concelleiro de dinamización, Dani García, e a concelleira de educación e igualdade, Montse Porteiro, presentaron o Barreiros ConVidate que achegará música e cine a distintos puntos do concello durante os meses de xullo e agosto.
“As actividades están pensadas para realizar ao aire libre e encher as prazas e os espazos públicos das distintas parroquias de cultura, achegando así a música e o cine aos distintos puntos do municipio e contribuíndo a que as persoas se despracen e coñezan Barreiros, ao tempo que se fomentan as relacións sociais”; explicou Dani García.
O edil explica que tamén se programarán outras actividades, fóra deste programa que achegarán máis espectáculos a outras parroquias e lugares que poidan non estar incluídas nesta ocasión.
A programación comeza este mesmo...
leer más
O Programa de Emprego para as Persoas Mozas Vencellos da Memoria, que se está a desenvolver nos concellos de Ribadeo e Barreiros -unha operación cofinanciada pola Unión Europea a través do Fondo Social Europeo (FSE)- inaugurou este venres a exposición Viaxe no Tempo na praza do Concello de Barreiros. Colabora a Vicepresidencia da Deputación de Lugo a través da Rede Museística Provincial de Lugo.
Viaxe no Tempo foi deseñado, creado e organizado pola especialidade de Produción Fotográfica do Programa de Emprego para as Persoas Mozas Vencellos da Memoria que está composta por: Joaquín Dorado, Lucía Expósito, Cristina García, Sara García, Cristian Prado, Araceli Rasilla, Noemí Rubio e Mónica Santos.
A inauguración contou coa presenza da xerente da Rede Museística Provincial de Lugo (Vicepresidencia da Deputación de...
leer más
Barreiros pon en marcha un novo punto de información turística situado na Praia de Coto.
Estará aberto durante xullo e agosto en horario de 17.30h a 20.00h de martes a venres e os sábados de 11.00h a 13.30h e de 17.30h a 20.00h.
A oficina de turismo do Centro Sociocultural seguirá prestando servizo de martes a venres polas mañás, de 11.00h a 13.30h.
Deste xeito, o Concello pretende achegar este servizo aos usuarios/as que acoden a Barreiros principalmente para gozar do litoral, polo que a actual oficina, situada en San Cosme, lles queda un pouco a desmán.
As súas extensas praias de area branca e fina son o seu principal recurso turístico, mais Barreiros conta con outros atractivos tanto de carácter natural coma cultural, polo que esta Oficina de Turismo contribuirá a divulgar a...
leer más
O Concello de Barreiros anuncia que, ademais dos roteiros en kaiak recentemente anunciados, tamén organizará rutas ambientais guiadas a pé por un tramo da marxe da Ría do Masma. Serán os días 16 e 30 de xullo e 13 e 27 de agosto.
Serán gratuítas para os/as participantes e discorrerán polo trazado do Camiño Natural do Cantábrico dende a praia de Altar ata a ponte do tren situada pouco despois da Lagoa dos Patos completando unha distancia aproximada de 8 quilómetros (ida e volta) a realizar nunhas tres horas.
Durante o percorrido, acompañado por un/unha guía especializado/a, poñerase o foco na importancia deste ecosistema cunha ampla diversidade de tipos de hábitats e de especies de flora e fauna propios destes humidais. Tendo en conta que esta ría constitúe un dos puntos estratéxicos de Galicia para a observación...
leer más
A Área de Turismo do Concello de Barreiros organiza para este verán varios roteiros guiados en kaiak pola Ría do Masma con saída dende o embarcadoiro da praia de A Anguieira.
Trátase dunha opción diferente para gozar da tempada estival nunha contorna natural privilexiada, a ría do Masma. Un espazo natural protexido catalogado como Zona de Especial Protección para as Aves (ZEPA) e Zona de Especial Conservación (ZEC).
Actividades coma esta, non só constitúen unha fantástica alternativa para pasar un intre divertido e facer exercicio ao aire libre coa familia e os amigos/as, senón que tamén permiten aprender sobre os valores ambientais da ría, descubrir os seus recunchos e mesmo observar as diferentes especies de aves que teñen aquí o seu hábitat.
Nestas travesías percorrerase o litoral da...
leer más
A oferta deportiva no Concello de Barreiros incrementase nos meses de xullo e agosto con máis de 100 prazas para diversas actividades como Ioga, Zumba e Jumping Fitness, tanto para mocidade (de 13 a 17 anos) como para xente adulta (maiores de 18) na que será, segundo Dani García, concelleiro de deportes,“o punto de saída cara a vindeira programación anual de actividades deportivas para todas as idades”.
As actividades terán lugar no pavillón municipal de San Cosme e estarán impartidas por Lorena Díaz e Noemí Ramajo. Terán un prezo de 15 euros ó mes cada unha delas. “Apostamos así por actividades mais novidosas como o jumping fitness, no cal se utilizan camas elásticas para realizar distintas coreografías mediante saltos, e tamén, por actividades máis coñecidas como son zumba e ioga. Todas elas se adaptarán ás distintas idades e cabe a...
leer más
O Concello de Barreiros organiza campamentos de verán para nenos e nenas durante os meses de xullo e agosto.
Os organizadores explican que “estes campamentos de verán ofrecen unha diversidade de actividades educativas e lúdico-deportivas que farán que os participantes gocen dunhas mañás moi entretidas e divertidas: talleres de música, robótica, xogos tradicionais e populares, gymkanas, xornada de reciclaxe, xogos cooperativos e con paracaídas, olimpíadas deportivas, xogos de pistas e busca, experimentos científicos, etcétera. Está dirixido a persoas nadas entre 2009 e 2017, inclusive, e desenvolverase do 5 de xullo ao 27 de agosto de luns a venres de 9:30 a 13:30 horas. A sede é o Pavillón Polideportivo Municipal de Barreiros.
O prazo de preinscrición está aberto ata o 15 de xuño e todos os trámites poden...
leer más