Barreiros
A Comisión de Festas de Vilamar organiza a X edición da Festa dos Callos que se celebrará este sábado, 18 de xaneiro.
Esta cita gastronómica dará comezo ás 21:30 horas. Terá lugar no campo da festa e desenvolverase nun local pechado con calefacción.
O menú estará composto por callos, elaborados por Azucena, costela asada con pementos e patacas, postre, viño, auga, refrescos, café e chupito. O prezo será 23 euros por persoa, e 10 euros para nen@s de 6 a 12 anos. A festa estará amenizada polo grupo Lecer.
Patrocinan este evento: Xunta de Galicia, Xacobeo 2021 e Concello de Barreiros.
A Coral Polifónica de Barreiros organiza o Concerto de Nadal que se celebrará este domingo, 29 de decembro. Terá lugar no centro sociocultural Manuel Díaz Sampedro, ás 18:00 horas.
Actuarán a Coral Eo de Vegadeo, a Coral Lunch de Lugo e a Coral Polifónica de Barreiros.
O Concello de Barreiros colabora coa organización deste concerto.
A Rede Museística Provincial inaugurou o ciclo “Culturas en diálogo - Somos migrantes, abrimos camiños”, un programa de actividades que reflexiona sobre a pegada económica, social e cultural dos movementos migratorios a través de exposicións, relatorios, proxeccións e obradoiros que se desenvolverán ata o vindeiro 12 de xaneiro nos catro museos provinciais e noutros espazos culturais.
O Museo Provincial de Lugo abriu o programa coa inauguración da mostra fotográfica “Diálogo Azul” e a proxección das pezas documentais “Microhistorias de ida e volta” cos testemuños de mulleres que viviron en primeira persoa experiencias migratorias, recollidas pola Asociación de Rioplatenses en Lugo.
No marco deste ciclo cultural, coincidindo co Día Mundial das Migracións -18 de decembro-, abriuse nas antigas escolas habaneras de...
leer más
O Concello de Barreiros presenta un programa de actividades de Nadal que se prolongarán ata o día 12 de xaneiro.
Este venres, 13 de decembro, ás 21:00 horas, no centro sociocultural, terá lugar unha proxección do ciclo Seráns de Cine co filme Trote de Xacio Baño. Está organizado polo colectivo cultural Ollomao.
O sábado 14 haberá unha recollida solidaria de alimentos non perecedoiros, no pavillón municipal. Ademais celebraranse partidos de fútbol sala Praias de Barreiros entre: Ben. A-Santiago de Foz B; Benx. B-Celeiro CDM; Alevín-Celeiro CDM B; Infantil-Celeiro CDM; Cadete-San Ciprián; Senior Masc.-ADFS Bueu; e Senior Fem.-CD Burela FSF.
O domingo 15 disputarase o encontro de 2ª Rexional que enfrontará a Iberia e Meira, en As Valgas (San Miguel).
O mércores 18...
leer más
A exposición fotográfica “A Mariña Somerxida” promovida polo GALP A Mariña-Ortegal, dos fotógrafos Carlos Gil e Hugo Fernández, remata o seu itinerario. Estará exposta dende o día 28 de novembro ata o día 10 de decembro no Salón de Actos do Centro Sociocultural de San Cosme de Barreiros, onde se poderá visitar en horario de luns a venres de 10:00 h.-14:00h. e de 17:00 h.-19:30h.
Cunha grandísima acollida no resto de concellos, esta exposición fotográfica única na Mariña Lucense, mostra un patrimonio natural descoñecido pola maioría e pon en valor a biodiversidade somerxida a través de instantáneas orixinais. Se aínda non tiveches a sorte de vela, aproveita esta última oportunidade e visita San Cosme para descubrir os fondos mariños da costa de Lugo.
As augas da Mariña Lucense ábrense nesta exposición para...
leer más
A Irmandade Augas Santas Santo Estevo do Ermo de Barreiros organiza as V Xornadas Micolóxicas que se celebrarán os días 30 de novembro e 1 de decembro.
O sábado, 30 de novembro, ás 20:00 horas, na Aula Cemit de Barreiros (Teleclube de San Cosme), terá lugar a charla que correrá a cargo de Xesús Blanco García, presidente da Asociación Os Bolouros de Foz.
O domingo, 1 de decembro, haberá unha saída ao monte na procura de cogomelo. Os asistentes partirán, ás 10:00 horas, da Praza do Concello de Barreiros, e ás 14:30 h., terán un menú degustación no Restaurante La Barrica de Lorgi. O prezo da comida é 25 euros por persoa. A charla e o roteiro son gratuítos. As reservas poden facerse no número de teléfono 679 455 109.
A organización informa que a ruta ten un nivel de dificultade baixo, apto...
leer más
O colectivo Ollomao de Barreiros organiza o ciclo Seráns de Cine que se celebrará dos días 22 de novembro ao 13 de decembro. As proxeccións terán lugar ás 21:00 horas no centro sociocultural Manuel Díaz Sampedro.
Hoxe, 22 de novembro, ofrecerase a película A língua das bolboretas de J.L. Cuerda.
O día 29 de novembro proxectarase Doentes de Gustavo Balza.
O 6 de decembro pasarase a cinta Sempre Xonxa de Chano Piñeiro.
E o día 13 de decembro poderá verse Trote de Xacio Baño.
Ademais das proxeccións das películas haberá unha pequena presentación das mesmas por parte da organización e un posterior debate.
Colaboran na organización desta actividade: Concello de Barreiros e Deputación de Lugo.
O vindeiro domingo, 24 de novembro, haberá teatro en Barreiros. O grupo Faro Miño representará “Sintrón nin són”. Trátase dunha obra cómico-satírica sobre a realidade sanitaria galega, a través da retranca e da retórica galegas.
A representación terá lugar ás 18 horas no centro sociocultural Manuel Díaz Sampedro.
A actividade enmárcase no proxecto teatral Buxiganga, da Deputación de Lugo. Colabora coa institución provincial o Concello de Barreiros.
O grupo de teatro Adala representará a obra "Comeza a función" este domingo, 10 de novembro, ás 18:00 horas no centro sociocultural Manuel Díaz Sampedro de Barreiros.
A historia transcorre nunha aldea nos anos 40 contada en ton de comedia.
A representación inclúese no proxecto teatral Buxiganga da Deputación de Lugo.
O Concello de Barreiros colabora na organización deste evento, a través da súa concellería de Dinamización e Participación Cidadá.