Libros
Este xoves, 9 de maio, ás oito e media da tarde na Librería Bahía, en Foz, terá lugar a presentación do libro Luto en colores da xornalista Silvia Melero Abascal.
Trátase dunha obra que busca repensar a morte para celebrar a vida, e nace tras a experiencia persoal da autora pola perda da súa irmá. Xurdiu coa pretensión de romper o tabú da morte por suicidio, pero foise abrindo a abrazar outros tipos de dó tamén invisibilizados, como as mortes de cativos. É unha invitación á diversidade e á pluralidade porque hai moitas formas de vivir a norte, a despedida e o dó. É ademais unha aposta pola creatividade como ferramenta para superar a dor e homenaxear aos nosos seres queridos, facendo da súa ausencia unha presenza chea de aprendizaxe nas nosas vidas.
A autora, Silvia Melero Abascal, é impulsora do proxecto que leva...
leer más
O colectivo viveirés Pensamento e Sementeira programou a “Primavera Cultural 2019”.
A primeira das actividades, o 25 de abril, estará organizada en colaboración coa asociación Mariña Patrimonio e consistirá nunha charla do profesor Xosé María Leal Bóveda que dará a coñecer os postos de vixilancia que existiron na Ría de Viveiro.
Tamén en abril, o 29, darán comezo as actividades do Clube de Lectura que nace agora dentro deste colectivo. A obra escollida para esta ocasión é “Charamuscas” de Suso Lista.
Nesta primeira sesión do Clube participará tamén o escritor que no mes de decembro pasado, presentou a súa obra en Viveiro.
Xa en maio e dentro desta mesma programación, vai ser presentado o proxecto musical e artístico “A Comuna do Barruzo” por Ugia Pedreira e Abel...
leer más
A Librería Bahía de Foz acolle este venres, 5 de abril, a presentación do libro A cova do Rei Cintolo.
No acto, que dará comezo ás 20:30 horas, estarán os dous autores da obra: Xurxo Lorenzo e Javi Fouz.
A cova do Rei Cintolo é o primeiro gran libro sobre a gran cova galega, no que recolle o coñecemento completo en todos os eidos posibles, dende a historia, as lendas, etimoloxía, arqueoloxía, xeoloxía, bioloxía, descrición detallada do interior, os nomes das salas e formacións coa súa explicación, e visitantes ilustres, entre outros temas. A información presentada neste libro é resultado de anos de investigación de arquivos, periódicos e entrevistas persoais, coa contribución de máis de oitenta persoas, de Galicia e tamén de fora, que aportaron material ou información que doutro xeito teríase perdido.
... leer más
A Confederación de Espeleología y Cañones (CEC) celebrará a súa asemblea xeral o vindeiro 4 de maio en Mondoñedo, data que aproveitarán para abrir as portas do Centro Español de Documentación Espeleolóxica, que vai estar emprazado no Pazo de Santo Tomé, Centro Comarcal, de titularidade municipal. No acto participarán os presidentes de todas as federacións autonómicas e das dúas asociacións presentes na CEC.
O Centro de documentación aglutinará no espazo cedido polo Goberno local a biblioteca da Federación Galega de Espeleoloxía, así como as memorias de todas as exploracións que se fixeron en España e a documentación da antiga Federación Española. Son, tal e como explica o presidente da Federación Galega e secretario da Confederación Española, Francisco Manuel Martínez García, preto de 3.000 volumes que serán organizados nunha primeira fase...
leer más
A escritora focense Raquel Rey presentará este xoves, 21 de marzo, na Librería Bahía, de Foz, a súa novela Bon Vivant. O acto dará comezo ás 20:30 horas.
Este é a última obra de Raquel Rey, quen asina co pseudónimo de Elizabeth Bowman. Amor, sedución e esperanza son os ingredientes desta novela editada por Titania.
Bon Vivant chega tras o seu libro Magia en las Estrellas, presentado hai dous anos e que foi o primeiro en poder adquirirse no mercado español despois de varias novelas publicadas por editoriais hispanoamericanas.
Seguen as actividades programadas pola Concellaría de Igualdade para este ano. Carme Adán presentará o libro Feminicidio. Unha nova orde patriarcal en tempos de submisión este sábado, 16 de marzo, ás 12 da mañá no salón de actos da Casa do Mar. Xunto á autora estará a concelleira Mariluz Álvarez Lastra.
Desde o CIM e desde a Concellaría de Igualdade explican que “tras o éxito acadado na manifestación en Ribadeo e na convocatoria de folga xeral das mulleres, a Concellaría de Igualdade continúa coas actividades programadas ao longo deste ano. Seguimos con accións coeducativas nos centros educativos. Onte, 11 de marzo, en colaboración co CIFP Porta da Auga organizouse un contacontos para o alumnado de infantil do Colexio Público Gregorio Sanz e do Colexio Sagrado Corazón de Xesús. Esta actividade foi impartida polo alumnado do segundo curso...
leer más
A galería ribadense Terra Branca acollerá o vindeiro xoves, 14 de marzo, a presentación da novela A Fuxida, de Pepe Peinó. Será ás 19:30 horas e a entrada é libre.
A fuxida fala das inquedanzas da adolescencia, segundo Pepe Peinó, escritor, director de teatro e de cine.
O acto contará coa actuación especial da cantante Maika Alonso.
Desde Terra Branca o seu propietario, José Ramón Leal, anima a asistir a esta presentación: “en nuestra galería hemos venido acogiendo diversas actividades culturales, como cursos de pintura, recitales poéticos, presentaciones de nuestras creaciones artísticas, etc. Y en esta ocasión tendremos la oportunidad de escuchar al escritor mariñano Pepe Peinó hablándonos de su segunda novela, A fuxida. Animamos a los amantes de la lectura y de la música a que se...
leer más
O vindeiro martes, 5 de marzo, ás oito e media da tarde, estará na Librería Bahía a periodista Karmele Marchante presentando o seu libro “Puta no se nace”.
“Puta no se nace” é un libro denuncia contra a explotación de mulleres e nenas por parte do lobby do sexo. Nas súas páxinas, a recoñecida periodista dice basta á esclavitude do século XXI que desnuda de dereitos e de dignidade aos millóns de mulleres de todo o mundo que caen nesta lacra, e demanda a necesaria e efectiva persecución de todos aqueles que contribúen dun ou outro xeito a que este lucrativo e inhumano negocio se manteña.
Xunto á periodista participará no acto de presentación a artista plástica Katova, quen xunto a Noa, outra muller artista de Viveiro, crearon un escaparate feminista na Librería Bahía co que pretendemos dar visibilidade ás...
leer más
Este xoves, 21 de febreiro, terá lugar a presentación do libro-disco A viaxe de Brandán, ás 19:00 horas no Auditorio Municipal de Burela.
A obra está baseada no texto, do mesmo título, do escritor Xoán García “Rompe”, e música de Xan Carballal, director da Escola de Música de Burela. A autora das letras das cancións é Xulia Nogueira, profesora de violonchelo tamén na Escola de Música de Burela, e o deseño corresponde a Tomás López Retorta.
A viaxe de Brandán foi representada no ano 2012 por alumnos da Escola Municipal de Música de Burela, en colaboración con grupos teatrais da comarca, e posteriormente gravada pola Radio Televisión Galega e interpretada por alumnos da Escola.
O libro-disco A viaxe de Brandán foi editado polo Concello de Burela.
A ACR Fervenza de Sargadelos celebrará o 24 de febreiro o Día de Rosalía cunha presentación de libros.
O vindeiro domingo 24 ás 12:00 horas no Caseto de Copa, en Cervo, a escritora burelesa Antía Yáñez presentará a súas obras: O misterio de Portomarín, Senlleiras e A Reconquista. Xunto a autora estarán Ramón González Rei, coordinador do Xornal da Mariña; e Iria Fernández Moscoso, colaboradora de ACR Fervenza de Sargadelos.
Esta asociación anima a todas as persoas a participar, como peche da xornada, na lectura pública e participativa do Manifesto feito pola Asociación de Escritoras e Escritores en Lingua Galega (AELG) para conmemorar este día.