Deportes
A asociación Os Sendeiros de Foz organiza unha ruta a Pena Trevinca, en Ourense, para os días 9, 10 e 11 de xuño.
Con esta ruta Os Sendeiros de Foz pon fin á celebración do vinte aniversario da asociación visitando o punto máis alto de Galicia.
A saída será o venres 9, ás 15:00 horas, e o regreso está previsto para o domingo 11. Os participantes durmirán no refuxio de montaña da federación e o domingo antes do regreso, visitarán a zona zamorana de Sanabria.
A organización informa de que hai que levar saco de durmir e bocata para a comida da ascensión a Pena Trevinca, o resto está incluído no prezo. O prazo para anotarse remata o día 7 de xuño e o pago ten que realizarse en conta bancaria. Os prezos son: 80 euros para os socios federados, 95€ para os socios non federados e 100 euros para os non socios. A...
leer más
A Volta ás Comarcas de Lugo 2017, Desafío Volta Lugo, arranca este venres con 176 participantes inscritos e o patrocinio principal do organismo provincial. O Goberno da Deputación decidiu realizar unha achega de 65.000 euros para a celebración desta cita deportiva como dinamizadora da economía lucense, posto que terá un retorno económico aproximado de 100.000 euros para a provincia, así como pola oportunidade única que supón para promover turisticamente cada un dos 13 Concellos polos que discorre: Lugo, Castro de Rei, A Pastoriza, Riotorto, A Pontenova, Meira, Ribeira de Piquín, A Fonsagrada, OCádavo, Castroverde, O Corgo, Láncara e Guntín.
O Desafío Volta Lugo é unha das citas máis agardadas da tempada posto que se trata da única volta cicloturista por etapas desenvolvida en Galicia, e unha das poucas que se celebran a nivel nacional....
leer más
Este domingo, 28 de maio, Burela acollerá a celebración do 1º Enduro MTB Monte Castelo, proba puntuable para o Open Galego de Enduro. Máis de 130 participantes se darán cita en Burela desde mañá para participar xa nos adestramentos oficiais. O evento foi presentado esta mañá no Concello e no acto estiveron o alcalde, Alfredo Llano, e o concelleiro de Deportes, Ramiro Fernández Rey, así coma membros da organización, o Club Cerezo Bikes.
Jaime Seijas explicou que “a proba consiste basicamente nunha carreira que se fai de enduro, de bicicletas, na cal veñen facer unha competición por uns circuítos que hai no Monte Castelo, onde temos un total de catro. Os participantes teñen que subir ao Monte Castelo catro veces nuns tempos de enlace que hai, cuns tempos máximos, e as baixadas que son polos circuítos, son tramos cronometrados. O venres e o...
leer más
O Concello de Cervo, en colaboración coa Federación Galega de Kárate, acollerá o IX Campionato Galego de Katas Nihon Taijitsu (defensa persoal) o vindeiro domingo, 28 de maio.
O alcalde de Cervo, Alfonso Villares e o edil de Deportes, José Ramón Soto, presentaron o evento acompañados do director do departamento de Taijitsu da Federación Galega de Kárate, Miguel Ángel Rojo, veciño tamén do municipio.
Tal e como explicou o rexedor “dende o Concello tentamos diversificar toda a actividade deportiva que programamos, tentando dar cabida a un gran número de disciplinas, aproveitando as privilexiadas instalacións das que disponemos, como neste caso é o complexo deportivo da Veiga”.
Soto e Villares incidiron en que o que “pretendemos dende o Concello é achegar a veciños e visitantes esta arte...
leer más
Ribadeo acollerá do 26 ao 30 de xuño o II Campus da Fundación Celta de Vigo, que foi presentado esta tarde no salón de plenos do Concello. No acto participaron o coordinador de Escolas e Convenios da Fundación Celta, Diego García Sarabia, o concelleiro de Deportes, David Rivas, o técnico municipal de Deportes, Iván López, así como Juan Valle e Miguel Peña da SD Ribadeo.
O edil nacionalista dixo que “desde o Concello queremos dar a benvida por segundo ano a este campus da Fundación Celta de Vigo. Sentímonos moi gratificados, despois de ser sede dun evento deste tipo, de que unha entidade como o Celta teña en conta Ribadeo para facer este tipo de actividades. Nosoutros somos un Concello que sempre presumimos de apostar polo deporte base, de que case o 70 por cento de nenas e nenos en idade escolar forman parte dalgunha escola deportiva, de...
leer más
A Delegación Municipal de Deportes organiza a primeira Milla Popular Concello de Lourenzá, que se celebrará o día 29 de xullo, sábado.
Anunciouno hoxe o concelleiro de Deportes, Francisco Dasilva, quen explicou: “contaremos coa colaboración das dúas entidades deportivas que temos na vila en materia de atletismo: o Club Atletismo Lourenzá e as Escolas Deportivas Lourenzá; así como de Protección Civil, para o bo desenvolvemento da proba”.
Francisco Dasilva destacou a importancia da celebración desta primeira milla “tanto pola súa novidade como pola repercusión que terá a nivel deportivo, xa que gozará de moita afluencia de atletas. Ademais estudarase a colaboración e patrocinio de varias entidades e da hostalería local, co fin de que o sábado 29 de xullo Lourenzá sexa unha festa deportiva”.
... leer más
Xa están a disposición dos interesados os tíckets para acudir á XXI Clausura Oficial Edición Das Escolas Deportivas,que será o vindeiro 27 de maio ás 22:00 horas cunha gran cea na Feira Nova.
Os nen@s estarán invitados (os tíckets distribuiranse nos adestramentos) e para as familias están á venda en Morrigan e Neli. Os tíckets de adulto terán un prezo simbólico de 10 euros e os nenos pequenos que non formen parte das Escolas 5 euros. O prazo para a retirada dos mesmos será o 25 de maio.
O Pavillón da Veiga acollerá o III Torneo de Voleibol “Concello de Cervo” o 27 de maio.
A cita foi presentada no propio escenario da competición, no Pavillón da Veiga, polo alcalde de Cervo, Alfonso Villares, o edil de Deportes, José Ramón Soto, e unha representación das tres categorías de voleibol que hai no seo das Escolas Deportivas Municipais do Concello de Cervo: Infantil e xuvenil feminino, e xuvenil masculino.
Ao longo de toda a xornada xogaranse 12 partidos de xeito practicamente ininterrompido nas categorías infantil e xuvenil feminino, e xuvenil masculino.
No campionato participarán o EDM Cervo, o C.D. Aldebarán San Sadurniño, o C.V. Naron Volea e o C.V. Emeve Lugo.
Haberá trofeos e medallas para os participantes.
Unha das...
leer más
Mañá, 17 de maio, vaise celebrar no Pavillón Municipal de Deportes de Xove o XXIV TORNEO CONCELLO DE XOVE DE XIMNASIA RÍTMICA, unha das competicións deportivas de rítmica con máis solera da nosa Provincia.
O Torneo, organizado polo Concello a través da Concellería de Deporte e a Escola Municipal de Ximnasia Rítmica, vai comezar ás 16:00 horas, no Pavillón Municipal de Deportes de Xove, coa presencia de 9 equipos: as Escolas Municipais de Xove, Vilalba e Castro, o C. Porta Norte de Burela/Ribadeo, o C. Filigrana de Lugo, o C. Ximnasia de Viveiro, o C. Ximnasia Areoura de Foz, o C. Violeta de Baamonde, o C. Abrente de Pontevedra e o Club Xirandela de Sarria.
Mañá, martes, ábrese o prazo de inscrición nas escolas deportivas de verán 2017 do Concello de Ribadeo, que nesta edición ofertan como novidade rugby praia. Están destinadas a rapaces/as nad@s entre 2002 e 2009. O concelleiro de Deportes, David Rivas, subliña que “o prezo de cada escola segue sen subir e mantense nos 40 euros”.
Nenas e nenos ribadenses poderán gozar este verán de actividades como pesca deportiva, piragüismo, remo, surf, vela e rugby praia. Rivas explica que “o prazo de matrícula estará aberto desde mañá ata o inicio da escola ou fin de prazas. Pode facer na Casa da Xuventude de luns a venres de 9 a 14 horas e os xoves de 16 a 19 horas”. As persoas interesadas en obter máis información poden dirixirse ao seguinte teléfono 982 129 889, ao correo deportes@ribadeo.org ou ao perfil de...
leer más