A Pontenova
A Escudería A Pontenova acaba de presentar o cartel da décimo primeira edición da carreira automobilística Subida A Pontenova, que se disputará os días 6 e 7 de xullo deste ano 2024.
É unha proba do Campionato Galego de Montaña e a Federación Galega de Automobilismo destaca que é “unha das carreiras con mellor trazado e seguridade de todo o certame”.
A Pontenova acollerá o día 11 de maio, sábado, a décimo quinta edición da Concentración de Sendeirismo que organizan o Concello e o Centro de Iniciativas Turísticas.
Os participantes percorrerá a nova ruta das minas, de 10,1 quilómetros e con dificultade media.
As actividades empezarán ás 09:30 horas coa concentración na Praza dos Fornos dos participantes, que sairán ás 10:00 horas cara ó comezo da ruta. Para as 14:35 horas está previsto o remate da andaina e o xantar, a base de bolos de liscos, bolos preñados, sobremesa e bebidas. E ás 16:00 horas haberá sorteo de agasallos entre os participantes.
Para participar hai que inscribirse previamente e o prazo remata o 9 de maio.
A localidade de Goios, no concello da Pontenova, celebrará as súas festas na honra da Ascensión os día 10 e 11 de maio.
O venres 10 haberá churrascada veciñal e verbena con DJ Pedro Bermúdez e Disco Bombardero.
E o sábado 11 ás 13:30 horas celebrarase misa solemne no campo de festa e despois sesión vermú amenizada pola orquestra La Florida Band e Disco Bombardero, que tamén actuarán na verbena.
As actividades da XLIV Festa da Troita desenvolveranse na Pontenova os días 30 de abril e 1 de maio.
O martes 30 de abril ás 19:00 horas inaugurarase a escultura da troita máis grande do mundo e media hora despois as novas pedras de honra no Paseo do Pescador. Para as 21:00 horas está programada a entrega de varias distincións e media hora máis tarde no salón de actos da Casa da Cultura terá lugar o pregón a cargo de Odile Rodríguez de la Fuente, que é a presidenta da Fundación Félix Rodríguez de la Fuente. Ás 22:00 farase a apertura da caseta e degustación de troitas e empezará a verbena amenizada polas orquestras Cinema e Capitol.
O 1 de maio ás 09:00 horas comezarán os concursos de pesca, que rematarán ás 13:30, hora á que empezará unha macro sesión vermú coa orquestra Trébol. Ás 14:30 horas disputarase o III...
leer más
La Asociación de Pensionistas e Xubilados Val de Miranda, de A Pontenova, organiza una comida baile para este sábado, 27 de abril. Se celebrará a las 14:00 horas en el Local de las Sociedades.
Después de la comida actuará el dúo Muralla para amenizar el baile hasta las 20:00 horas.
El plazo para apuntarse finaliza este martes, 23 de abril, y puede hacerse a través de los teléfonos 659.98.84.51, 619.41.40.23 o 676.05.33.92.
A Casa da Cultura da Pontenova acollerá unha charla sobre “A praga da velutina: prevención e control de avespas invasoras”. Será o sábado 20 de abril de 10:00 a 14:00 horas.
Será impartida por Lolo Andrade, membro de Protección Civil en Cambre e experto na loita contra a avespa velutina.
É unha actividade organizada pola Deputación de Lugo coa colaboración do Concello de A Pontenova.
A Asociación de Criadores de Ovino e Caprino de Galicia (OVICA), en colaboración coa Área de Medio Rural, Mar e Mocidade da Deputación de Lugo e o Concello de A Pontenova, organizan un curso sobre prevención de ataques da fauna silvestre, no que se falará do comportamento da fauna silvestre, dos sistemas de protección e de como facer peches eficaces, cunha parte teórica e unha parte práctica. Será o venres 26 de abril desde as 09:00 horas na Casa da Cultura de A Pontenova.
O curso é de balde e está aberto ó público en xeral. Para asistir é preciso anotarse a través do correo ovica@ovica.org ou ben do teléfono 669.128.946.
A asociación de veciños San Pedro da Ribeira, de Saldoira (A Pontenova), en colaboración coa Cruz Vermella de Lugo, organiza para o luns 8 de abril ás 17:00 horas unha charla sobre iniciación aos primeiros auxilios “coa fin de achegar coñecementos básicos neste eido”.
Para obter máis información as persoas interesadas nesta actividade poden contactar co teléfono 663.730.068.
O colectivo Equus Norte organiza a oitava edición da ruta ecuestre da Pontenova para o 13 de abril, sábado.
A saída será ás 10:00 horas desde a área recreativa do Pozo da Ola. Ao rematar a ruta haberá comida e música a cargo de DJ Bombardero.
A organización explica que os participantes na ruta ecuestre deberán inscribirse antes do día 10 de abril para obter o ticket da comida.
A Asociación Musical A Chocolateira (Eco das Minas) organiza o segundo obradoiro de acuarela, titulado “Practicamos con estampados” e que impartirá Rocío Fernández Paz.
Será o 6 de abril, sábado, de 16:00 a 18:30 horas no Local das Asociacións da Pontenova.
Está dirixido a persoas maiores de 12 anos. O prezo é de 15 euros e o prazo de inscrición remata o venres 5 de abril ás 18:00 horas.