Pinturas
O Concello de Cervo anuncia que este venres, día 2 de agosto, será inaugurada a exposición de pintura titulada Espazos Habitados, de Blanca Dacal. O acto está previsto para as 19:00 horas na sala de mostras da Casa da Cultura, en San Ciprián.
Espazos Habitados é o título elixido para a exposición que “é unha viaxe de 25 anos a través da cor polos lugares non que viviu, sentiu e desenvolveu a autora a súa obra pictórica, A Alcarria, Madrid, Cádiz, Bos Aires, A Coruña, Xixón e San Ciprián. Son cadros que, resistindo a 15 mudanzas e reubicacións, mantivéronse decorando e creando espazos. Estas pinturas son testemuñas, compañeiras, reflexos de miradas, paseos, sonos, achados, partícipes de familia, amigas, amigos, vínculos, chanzos e moitas veces só presenza de espazos”.
Este verán a Sala das Carboeiras, en Sargadelos, acollerá unha nova e marabillosa exposición de pintura titulada “Da cor ao Xesto”, unha mostra de pinturas e tintas de Costafreda. A inauguración terá lugar o próximo venres, 12 de xullo, ás 19:00 horas, e a exposición permanecerá aberta ao público ata o 15 de agosto.
A mostra incluirá uns 60 cadros de diferente formato, abarcando acrílicos, sumi-é tradicional e técnicas mixtas en tinta, ofrecendo así unha variedade de estilos e técnicas para o deleite dos visitantes.
Como actividade complementaria, a artista impartirá un taller intensivo de pintura Zen sumi-é, promovido polo Concello de Cervo. Este obradoiro terá lugar os venres 26 de xullo e 2 de agosto de 19:00 a 21:00 horas.
A inscrición para o taller é gratuíta e pode realizarse na...
leer más
O complexo cultural Regal Xunqueira, en Viveiro, acollerá unha exposición de pinturas de María José Redondo Goicoechea desde o día 7 de xuño ata o 17 de xullo. A mostra, titulada “Pintando el interior. El camino inverso”, será inaugurada este venres ás 20:30 horas. No acto “servirase un viño e algo de comer”, anuncian.
Desde Regal Xunqueira explican que María José Redondo “nació en San Sebastián en 1935. De 1952 a 1956 fue discípula de dibujo y pintura de Manuel Gutiérrez-Navas. Estudia Bellas Artes en la Real Academia de San Fernando y fue profesora de dibujo por la Facultad de Bellas Artes de la Universidad Complutense de Madrid. De 1955 a 1962 participa en exposiciones colectivas en Madrid, Valencia, Ciudad Real, Puerto Llano, Talavera y Segovia. Estudia cerámica y realiza murales exteriores para organismos privados. De 1971 a 1974 fue...
leer más
A sala de exposicións da Biblioteca Municipal de Viveiro acollerá desde este mércores, 24 de abril, ata o 4 de maio unha mostra de pinturas realizadas pola artista holandesa Simone Nijkamp, que faleceu en Baroso (Ourol) no ano 2021. É unha actividade organizada polo Seminario de Estudos Terra de Viveiro.
A exposición, titulada “Miradas / Olladas”, será inaugurada este mércores ás 20:00 horas. Intervirán no acto a alcaldesa de Viveiro, María Loureiro; o alcalde de Ourol, José Luis Pajón; o presidente do Seminario de Estudos Terra de Viveiro, Carlos Nuevo; ademais de familiares e amigos de Simone Nijkamp. E haberá unha actuación musical a cargo de Lino Rico e Esperanza Pérez.
A sala de exposicións da Casa da Cultura de Burela acollerá unha mostra de pinturas do artista Jesús San José Arranz do 23 de febreiro ao 22 de marzo. Titúlase “El traje de luces” e inclúe obras pintadas ao óleo con pasamanería.
A inauguración desta exposición será o venres 23 de febreiro ás 18:00 horas e poderá visitarse de luns a venres de 11:00 a 13:00 e de 18:00 a 21:00 horas.
A Casa da Cultura de San Ciprián acolle ata o 31 de outubro unha mostra pictórica de Xosé López Losada "Xolo", composta por 21 obras seleccionadas polo artista entre máis de 600 creacións que ten na súa colección persoal.
Na inaguración da mostra que se poderá visitar durante todo o mes de outubro, o artista estivo acompañado pola rexedora, Dolores García Caramés, pola tenente alcalde, Mali Méndez, por unha representación do tecido asociativo e social da Mariña, e por moitos dos membros da familia da asociación Saúde Mental A Mariña, da que forma parte Xolo, encabezada pola directora técnica xeral da entidade, María José Nóvoa.
O artista agarda que a veciñanza desfrute moito das súas pinceladas baixo o título "Arte con futuro".
A partir do 8 de agosto e ata o 8 de setembro poderá visitarse na sala das Antigas Carboeiras no Conxunto Histórico Artístico de Sargadelos a exposición de pintura de Alfredo Erias Martínez “Muller e poder en Roma”.
A mostra conta con 15 cadros do artista nado en Presedo (Abegondo). Erias Martínez é un historiador, pintor, debuxante e gravador galego que foi tamén director do Museo das Mariñas de Betanzos durante case 40 anos.
A exposición enmárcase na programación cultural de verán do Concello de Cervo.
O complexo cultural Regalxunqueira de Viveiro acolle a exposición de pintura e fotografía Sobre as nosas cabezas de Cristina Castro.
A mostra presenta un recorrido que nace en 2005 en Guinea Bissau, onde a imaxe das mulleres africanas porteando na súa cabeza, devolve á autora a Galicia que, na súa memoria infantil, visualiza imaxes das súas avoas cargando na cabeza. Dende entón comeza a profundizar nesa imaxe desde o punto de vista sociolóxico e artístico. Cristina Castro comeza deste xeito un proxecto de investigación de onde nacen os retratos fotográficos que mostra nesta exposición con mulleres de Cabo Verde, Brasil, Haití, República Dominicana, Galicia e India, na busca de nexos común entre a muller que portea en diferentes culturas tan distantes.
Sobre as nosas cabezas tamén presenta pinturas nas que...
leer más
O venres 3 de marzo ás 19:30 horas terá lugar na Casa da Cultura a inauguración da exposición de Pinturas Mariñas do Paseo Marítimo de Burela, de Jesús San José Arranz.
A mostra poderá ser visitada ata o 24 de marzo en horario de 11:00 a 13:00 horas e de 18:00 a 21:00 horas de luns a venres e de 18:00 a 21:00 horas os sábados.
O complexo cultural Regal Xunqueira, no municipio de Viveiro, acolle a exposición Xoias Rurais, con pinturas de Marisa Walsh Iglesias. Esta mostra poderá visitarse ata o 11 de febreiro de 2023.
Corría o ano 1964 cando Marisa veu por primeira vez a Galicia para visitar á súa avoa e, en palabras súas, con tan só 15 anos de idade quedouse totalmente prendada do lugar. Marisa é de nai galega e pai británico.
Vivindo en Londres descubriu o seu amor pola arte ós “trintaetantos” e apuntouse entón a Escola de Artes Putney. En 2014 prexubilouse e veu vivir a Mañón (A Coruña). Mercou unha casa na aldea, onde era visitada a cotío polos cabalos e vacas da veciñanza. Foi así como comezou o seu romance coa vida no campo. Empezou un diario onde realizaba unha pintura por día. Algúns veciños pedíronlle que retratase os seus...
leer más