Mondoñedo
O delegado territorial da Xunta en Lugo, Javier Arias, mantivo unha reunión con representantes do Concello de Mondoñedo e da asociación xuvenil Xoldra aos que lles confirmou o apoio do Goberno galego para a terceira edición do festival BreaSon, que se celebrará na localidade mariñá o venres 8 e o sábado 9 de novembro.
O festival contará coas actuacións de recoñecidas bandas e artistas da música galega actual, como Terbutalina, Cool Nenas, De Ninghures, Brassica Rapa, Ortiga, a Duendeneta ou as Meniñas da Mariña, e tamén da banda municipal Pascual Veiga. Haberá ademais actividades complementarias para todas as idades, como a celebración dun magosto popular.
A Xunta colaborou xa economicamente nas edicións anteriores deste festival, que se celebrou por primeira vez en novembro de 2022 coincidindo coa conmemoración...
leer más
A asociación cultural O Pasatempo anuncia que “este sábado, 28 de setembro, ás 19 horas no Auditorio de Mondoñedo, as nosas amigas de Lîlâ Teatro presentan a obra titulada Rara Avis”. Con entrada de balde.
“Disfruta dunha xornada teatral antes de As Vésperas dos nosos amigos do BreaSon!!!”, engade O Pasatempo.
A asociación xuvenil Xoldra organiza unha cea popular para este sábado, 28 de setembro, baixo o nome As Vésperas, na Praza do Concello de Mondoñedo, a partir das 20:00 horas.
Xoldra explica que “o menú consistirá nunha saborosa e abundante ración de arroz con costela, cun prezo de 10 euros para maiores e 5 euros para pícaras e pícaros. A cea estará acompañada de música en directo e teatro na rúa, coa actuación de Lila Teatro, que nos presentará Rara Avis, para o goce das persoas asistentes. Ademais, o evento contará coa actuación da Gaitaescola, que achegará o seu talento para amenizar a noite, colaborando coa Asociación Xuvenil Xoldra. Tamén haberá sorteos e dispoñerase de carpa coa axuda da asociación O Pasatempo”.
Os beneficios obtidos nesta cea destinaranse integramente á organización do Festival Breason, que...
leer más
A asociación organizadora das feiras e festas de As San Lucas, en Mondoñedo, anuncia os participantes no espectáculo de doma nocturna de cabalos que haberá os días 18 e 19 de outubro, venres e sábado, ás 21:00 horas na Praza da Catedral mindoniense. Son Marie Alice, Santiago Amador, Kevin Ferreira e Javier Simón.
Os organizadores explican que “Santiago Amador foi campión de Andalucía, de España e do mundo en alta escola española; Kevin Ferreira, dende Francia repite como o mellor volteador de Europa; Marie Alice Simeoni, tamén dende Francia, traballa con 4 ponis en liberdade acompañados de dous cans, que fan desta domadora un espectáculo único; e Javier Simón, o culpable de que sigamos contando con este evento un ano máis, que nos acompañará co seu poni Jeromi”.
O Proxecto Ríos, iniciativa da organización ecoloxista ADEGA, convoca un curso formativo orientado a profesorado con ganas de facer actividades de educación ambiental sobre os ríos canda ao seu alumnado. Será o día 2 de outubro, mércores, no IES Plurilingüe San Rosendo, de Mondoñedo, de 16:30 a 20:00 horas.
O obxectivo desta formación é facilitar ferramentas ao profesorado para que poida desenvolver actividades de coñecemento dos ecosistemas fluviais, así como da fauna e flora dos ríos, desde un enfoque práctico. O curso contará cunha charla para coñecer o proxecto, unha saída a carón do rego de Valiñadares para a recollida de mostras de macroinvertebrados e a súa posterior identificación para determinar a calidade ecolóxica do río.
A inscrición é gratuíta para esta actividade que financia Augas de Galicia.
El centro comarcal de Mondoñedo acogerá una charla sobre alimentación saludable organizada por el colectivo local Sendeiriña y la Asociación Española contra el Cáncer (AECC). Será el día 23 de septiembre, lunes, a las 17:00 horas.
Intervendrán en el acto la psicóloga y técnica de prevención Andrea Casais Amor y la trabajadora social Rocío Fernández Alonso.
“Una vez más siguen nuestras colaboraciones con AECC. Está vez nos comentarán sobre lo que nos ofrece la asociación en la Mariña y también un poco sobre alimentación saludable”, anuncia Sendeiriña, de Mondoñedo.
A cantante segoviana de neofolk Isabel Aaiún, que é coñecida polo tema Potra Salvaje, actuará en Mondoñedo o día 19 de outubro, sábado, dentro da programación das festas e feiras das San Lucas. Anunciouno a asociación organizadora dos festexos.
O concerto será ás 22:00 horas na Praza do Seminario e as entradas estarán á venda na oficina de turismo mindoniense a partir do 1 de outubro. O prezo será de 5 euros.
A asociación Gaita Escola de Mondoñedo organiza este sábado 14 de setembro a XII Xuntanza de Cantos de Taberna. O encontro terá lugar ás 20:00 horas onde 13 grupos de diferentes puntos de Galicia cantarán e tocarán polos bares e tabernas. O evento está máis que consolidado e a organización conta con xuntar ao redor 160 participantes entre músicos e cantareiros/as.
Nesta edición propoñen iniciar a xornada cun obradoiro de iniciación ao baile tradicional que se impartirá ás 17:30 horas na Praza do Concello. É unha actividade aberta a todos os públicos e de balde onde se poñerán en práctica os principais puntos de muiñeira e xota.
Pero aínda hai máis, Gaita Escola convida a seguir a festa cunha foliada aberta na Praza do Concello a partir das 23:30 horas onde todo o mundo ten cabida para tocar, bailar e gozar coa...
leer más
O día 21 de setembro, sábado, a partir das 18:30 horas terá lugar a sexta edición da carreira Mondoñedo Monumental, que organiza o Concello mindoniense. Todas as probas terán saída e chegada na Praza da Catedral.
A entrega de dorsais será a partir das 16:00 horas. Ás 18:30 empezará a carreira de cativos (non competitiva para nenos e nenas nacidos no 2017 e anos posteriores), nunha distancia de 200 metros. Ás 18:35 saíra a sub-10 (para nenos e nenas nacidos nos anos 2015 e 2016), cunha distancia de 950 metros. Ás 18:45 empezará a sub-12 (para nenos e nenas nacidos nos anos 2013 e 2014), nunha distancia de 1.900 metros. Ás 19:05 sairán as de sub-14 e sub16 (nenos e nenas nacidos desde o 2009 ata o 2012), cunha distancia de 2.850 metros. E ás 19:15 horas será a saída da carreira absoluta.
A área de Rural, Mar e Mocidade da Vicepresidencia da Deputación de Lugo impulsa un curso de Formas de manexo da colmea para a loita contra a Velutina en Mondoñedo. O IES San Rosendo acollerá esta formación o 23 e 24 de setembro en horario de mañá (de 10.00 a 14.00 horas) que permite formar a apicultoras e apicultores na loita contra a vespa asiátiva. As persoas interesadas en asistir poden anotarse no enderezo electrónico casadomel@vodafone.es ou no teléfono 661.003.616.
Persoal técnico da Casa do Mel de Goente explicara ás persoas asistentes métodos preventivos para protexer as colmeas desta especie invasora, con contidos teóricos e unha parte práctica. O curso forma programa de formación en apicultura que está a desenvolver a área provincial, co obxectivo de ampliar e actualizar os...
leer más