Charlas
A charla médica do ciclo organizado polo Concello de Foz que estaba prevista para este mércores 15 -sobre a próstata, a cargo do urólogo Marco Antonio García Expósito- aprázase para o día 29 deste mes co mesmo horario e lugar: ás 20 horas na Casa da Cultura. Anunciouno a concelleira de Sanidade, Kathy Navarro.
Dentro deste ciclo para o mércores 22 está programada a charla do psiquiatra Diego Gonzalez Peña, que falará sobre A saúde mental na actualidade.
As xornadas de divulgación do coñecemento da cultura marítima na comunidade educativa de Viveiro, denominadas Vivemar, desenvolveranse do 13 ao 19 de novembro nos colexios do municipio: Cep Lois Tobío, Ceip Covas, Ceip Celeiro, Ceip Plurilingüe Santa Rita de Galdo, CPR Landro. Están coordinadas por Lucas Requeixo, de Vivemar, e patrocinadas pola Consellería do Mar.
O programa de actividades empezará o luns 13 ás 20:30 horas coa inauguración da exposición “O mar en Xosé Conde Corbal” na Sala Multiusos do Concello de Viveiro. O martes 14 ás 20:30 horas proxectarase o documental "A Construción da Dorna Irmandiña", tamén na Sala Multiusos do Concello de Viveiro, onde o mércores 15 ás 20:30 horas poderá verse o documental "As bateas e o mexillón" e o xoves 16 ás 20:30 horas haberá a charla e proxección “A obra mariñeira de Xosé Conde Corbal”,...
leer más
Ribadeo unida pola igualdade, forte contra a violencia é o lema elixido polo Concello para a conmemoración do 25N. A programación das actividades, que se desenvolverán do 11 ao 26 de novembro, foi presentada pola concelleira de Igualdade, Begoña Sanjurjo, e polo subdelegado en Galicia da Asociación Española de Gardas Civís, Germán Vale.
A edil ribadense dixo que “na antesala do 25 de novembro, o Concello álzase con determinación baixo o lema Ribadeo unida pola igualdade, forte contra a violencia. O lema convida a tod@s, a unirse neste esforzo conxunto por un futuro onde a igualdade prevaleza sobre a violencia”.
O subdelegado en Galicia da Asociación Española de Gardas Civís, Germán Vale, indicou que “desde a Asociación Española de Gardas Civís de Galicia estamos moi sensibilizados coa violencia de xénero, xa que...
leer más
O auditorio da Casa da Cultura de San Cibrao (Cervo) acollerá o sábado 11 de novembro as XII Xornadas de Construción Naval en Madeira, tituladas "Un mar de madeira: singraduras pendentes", que organiza a Asociación Galega de Carpintería de Ribeira (Agalcari), que conta coa colaboración do Concello de Cervo.
As actividades desenvolveranse a partir das 10:00 horas, co acto de inauguración a cargo do conselleiro do Mar, Alfonso Villares Bermúdez; a alcaldesa de Cervo, Dolores García Caramés; e o presidente de Agalcari, Ramón Collazo Mosquera. E a xornada será clausurada ás 14:00 horas pola directora xeral de Desenvolvemento Pesqueiro, Susana Rodríguez Carballo.
Para o venres 17 de novembro ás 19:30 horas a Fundación Galiza Sempre organiza no Salón de Usos Múltiples do Concello de Viveiro unha palestra coloquio baixo o título 'A situación enerxética galega', a cargo de tres membros do Colectivo de Debate Enerxético Bidán: Manolo Cabarcos, Quico da Silva e Fernando Branco.
A organización di que é “unha excelente oportunidade para coñecer e afondar no modelo enerxético que Galiza precisa da man de tres especialistas”.
O deputado de Promoción Económica e Social, Pablo Rivera Capón, participou no Pazo de San Marcos na presentación da cuarta edición das xornadas Terra de Miranda, que terá lugar os días 10 e 11 de novembro na Casa da Cultura da Pontenova. Esta iniciativa que impulsan os concellos de Meira, Riotorto, Trabada e A Pontenova, en colaboración coa Nova Escola Galega, ten como obxectivo analizar a situación do medio rural desde a óptica educativa e en concreto este ano centrarase no despoboamento e na importancia de potenciar o turismo sostible no territorio.
Este acto contou tamén coa presenza do Alcalde da Pontenova, Darío Campos, o representante de Nova Escola Galega, Paco Veiga, e o organizador das xornadas, Óscar Fernández, así como outras persoas do colectivo.
“Apoiamos estas xornadas porque na Deputación temos un...
leer más
Mariña Patrimonio organiza para o vindeiro sábado, 11 de novembro, a conferencia “A matanza do porco. Cultura e tradición”, que impartirá o doutor en Antropoloxía Social Xoán Carlos García Porral. O conferenciante ten publicada unha tese na que analiza o proceso de modernización capitalista ao que se viu sometido o sector agropecuario dende a década de 1960, e como na actualidade as comunidades rurais tentan manter a súa identidade social e cultural a través dos antigos espazos agropecuarios.
A actividade, que conta coa colaboración do Concello de O Valadouro e a Área de Cultura da Deputación de Lugo, desenvolverase no Salón de Actos da Casa da Cultura de Ferreira do Valadouro a partir das 12.00 e a ela poderán asistir, de maneira libre e gratuíta, todas as persoas que o desexen.
Mariña Patrimonio anima continuar...
leer más
A Casa da Cultura do Concello de Burela albergará mañá, venres 3 de novembro, unha charla informativa sobre enfermidades reumáticas e musculoesqueléticas impartida polodoutor John Guzmán, reumatólogo do Hospital Público da Mariña.
Guzmán será introducido por José León, xefe de proxectos sociosanitarios, que realizará unha breve presentación do movemento asociativoneste ámbitoe dos perigos das supostas medicacións milagrosas que se poden atopar pola rede.
O acto comezaráás 19:00 e a entrada será de balde, non sendo necesario realizar ningún tipo de inscrición previa. Está organizado pola Liga Reumatolóxica Galega, en colaboración co Concello de Burela e a Deputación de Lugo entre outras entidades.
O doutor Guzmán realizará nasúa intervención un repaso sobre a incidencia das enfermidades...
leer más
A Academia Xacobea ultima os preparativos para a celebración da vindeira edición das Xornadas Mar por Medio, que terán lugar do 1 ao 3 de decembro en Ribadeo, reunindo a un destacado grupo de expertos de diferentes ámbitos para debater sobre o tema “O Camiño: Cultura e tradición”. Ese é o título e o fío condutor do programa elaborado pola Academia coa colaboración da Xunta de Galicia, a Universidade de Santiago de Compostela e o Concello de Ribadeo. Durante tres días celebraranse conferencias, mesas redondas e outras propostas divulgativas sobre aspectos tan diversos como o patrimonio, a música, a artesanía ou a gastronomía en relación cos Camiños de Santiago e o fenómeno xacobeo.
Xa está aberto o prazo para que os interesados en participar poidan formalizar a súa inscrición. Para tal fin habilitouse un formulario na web da Academia...
leer más
Os mércores 8, 15 e 22 de novembro ás 20:00 horas na Casa da Cultura de Foz terá lugar unha nova edición do ciclo de charlas médicas que o Concello de Foz está a organizar estes últimos anos en colaboración co Hospital Público da Mariña.
A concelleira de Sanidade, Comercio e Turismo, Kathy Navarro, anuncia: “este ano comezamos o mércores 8 con Maite Lanza Méndez, traballadora social e técnica responsable das actividades de prevención da Unidade de Drogodependencias, que nos vén falar de Deixar de fumar: por que e como? O mércores 15 o urólogo Marco Antonio García Expósito centra a súa charla na Próstata: que deberíamos saber? E remataremos esta edición o mércores 22 co psiquiatra Diego Gonzalez Peña, que comentará sobre A saúde mental na actualidade”.
A edil de Sanidade xunto co alcalde de Foz, Fran Cajoto,...
leer más