Charlas
O Observatorio da Mariña pola Igualdade organiza unha conferencia en Foz este venres, 29 de xuño.
A charla, titulada Somos mulleres, non mercadoría, terá lugar no Hotel Isla Nova ás 20:30 horas.
Esta conferencia correrá a cargo da filósofa feminista Ana de Miguel. Foi profesora titular na Universidade da Coruña, e en 2015 publicou o ensaio Neoliberalismo sexual: el mito de la libre elección, cuxo contido será parte central do seu relatorio.
Este acto enmárcase dentro do ciclo Activismos fronte ao patriarcado. Debates feministas na Mariña que continuará despois do verán.
O Concello de Cervo, a través da delegación de Seguridade Cidadá, conxuntamente coa Autoescola Mundial, que dirixe Pepe Soto, e que, recentemente vén de cambiar a súa ubicación para instalarse na Avenida da Mariña, en San Ciprián, ofrecerá ao conxunto da veciñanza, o vindeiro luns, 11 de xuño, unha xornada de concienciación e seguridade vial.
A actividade, que terá como eixo central un simulador de envorco, comezarán no IES Marqués de Sargadelos. Alí, os rapaces, pola mañá e en horario escolar, poderán experimentar o que se sinte en caso de accidente co fin de "sensibilizalos da importancia de usar o cinto de seguridade e facelo de xeito correcto", apuntou Soto.
Xa pola tarde, o simulador estará instalado a disposición de toda a veciñanza no aparcadoiro do estanco, na Avenida da Mariña, desde as 15:30 horas.
A asociación cultual A Pomba do Arco organiza o mércores, 13 de xuño, ás 20:30 horas no salón de actos do Cenima, unha palestra sobre as formacións xeolóxicas da Mariña que correrá a cargo do xeólogo Xoán Ramón Vidal Romaní.
O conferenciante é un dos grandes coñecedores dos estudos xeolóxicos en Galicia e con diversos traballos sobre a realidade xeolóxica da comarca da Mariña. Destacan, entre os seus traballos recentes, as súas investigacións sobre a formación da Praia das Catedrais, e é autor de diversos estudos encargados pola Xunta de Galicia para analizar a situación do conxunto natural.
Xoán Ramòn Vidal Romaní, profesor emérito de xeoloxía na Universidade da Coruña e membro numerario da Real Academia Galega das Ciencias, fará un repaso pola historia xeolóxica da Mariña, significando aquelas formacións...
leer más
Ribadeo acolle a celebración dunha charla informativa sobre a tenza responsable de animais domésticos. Terá lugar o vindeiro xoves, día 24, no auditorio municipal Hernán Naval, ás 19:30 horas.
A charla será impartida por Virginia Torrecillas, educadora canina, e Irene Torres, avogada especialista en dereito animal, que falarán sobre as obrigas dos propietari@s de animais domésticos para evitar as sancións previstas polo incumprimento da lei. A entrada é libre e gratuíta.
Estas xornadas están organizadas pola Deputación de Lugo, Os Arcares Lucenses e a Reserva da Biosfera Terras do Miño e colaboran o SEPRONA, a Policía Autonómica e a Policía Local.
A mesma charla terá lugar en Viveiro o mesmo 24 de maio ás 16:30 horas na sala de exposicións / biblioteca municipal.
A asociación cultural A Pomba do Arco organiza o xoves, 24 de maio, ás 20:30 horas, unha charla no Centro Social “A Saíra” de Nois, titulada “A propiedade da terra en Nois”, que correrá a cargo do estudoso local Antonio Sixto.
A palestra de Antonio Sixto, acompañada dunha introdución de Xoán Ramón Fernández Pacios, pretende achegarnos a unha etapa da historia de Nois, concretamente a aquela na que os veciños da localidade se fixeron donos da propiedade da terra.
A Aula CeMIT do Concello de Ribadeo acollerá unha xornada informativa na que terá lugar a Presentación de aplicacións móbiles útiles para o sector agrogandeiro. Será o 14 de maio.
A actividade desenvolverase en horario de 16:00 a 17:00 horas, e retransmitirase mediante vídeo conferencia en conexión co CDTIC de Santiago. Esta xornada ten carácter gratuíto e é de acceso libre.
Na sesión informarase sobre un software de xestión orientado aos traballadores do sector agrogandeiro. Farase unha introdución á xestión dunha explotación gandeira con AinfoVac e á xestión de cultivos con AinfoHor. Presentaranse ademais as vantaxes de empregar as ferramentas informáticas para a xestión, control e a comunicación das actividades vinculadas ao agrogandeiro introducindo as novas tecnoloxías e o software libre nas empresas deste...
leer más
Seguen as charlas, organizadas pola Concellaría de Igualdade e polo CIM, durante o mes maio nas que se abordarán cuestións como o impacto emocional da diagnose oncolóxica e a sexualidade e o cancro.
Desde a Concellaría de Igualdade explican que “o día 7, o vindeiro luns, ás 18:00 horas no Teatro a psicóloga da Asociación Española contra o Cancro de Lugo, Carmen Rubiños, falará do Impacto emocional da diagnose oncolóxica, como xestionala a propia persoa e os seus familiares. Tamén se informará do novo servizo de atención psicolóxica gratuíta a pacientes oncolóxicos e ás familias na Mariña lucense, situado en Burela, que ven de poñer en marcha a AECC”.
A seguinte e última conferencia deste ciclo será o 31 de maio.
As charlas, subliñan desde Igualdade, son abertas a toda a cidadanía. ...
leer más
A Concellaría de Igualdade organiza tres charlas durante os meses de abril e de maio nas que se abordarán cuestións como a sexualidade da muller nas diferentes idades, o impacto emocional da diagnose oncolóxica e a sexualidade e o cancro.
Desde a Concellaría de Igualdade sinalan que “co inicio da primavera comezan as gañas de parolar, debater, informarnos e por iso desde a Concellaría de Igualdade temos previstas unhas serie de charlas abertas ao público en xeral e centradas en diversas problemáticas que teñen que ver coa saúde das mulleres”.
E explican que “o vindeiro 26 de abril teremos con nós a sexóloga Martina González Veiga que impartirá unha charla-obradoiro sobre a Sexualidade da muller nas diferentes idades. O que aprendemos sobre sexualidade lévanos a entendela dende un modelo reprodutivo, no que hai...
leer más
A asociación cultural A Pomba do Arco organiza do 23 ao 26 de abril a VI edición das Xornadas Sertirmos a Arte. O programa consta de catro conferencias que terán lugar no salón de actos do Cenima de Foz, ás 20:30 horas.
O luns, 23 de abril, Xaime Miranda Méndez falará de Os Vídeoclips no tempo dos vídeoclip.
O martes, 24 de abril, Silvia García abordará o tema da Arte, artesanía e deseño.
O mércores, 25 de abril, Soledad Penalta pronunciará a charla titulada De obxecto a suxeito.
O xoves, 26 de abril, Xiao Berlai e Ernesto González Torterolo presentarán Desconhecido, un proxecto de Berlai: música, poesía e banda deseñada.
Este xoves, 19 de abril, terá lugar na Librería Bahía de Foz, unha charla-coloquio titulada "Luto en colores, repensar la muerte para celebrar la vida", e ao mesmo tempo presentarase o conto "La vida de Sira, 9 meses y 40 minutos", baseado nunha historia real.
Esta charla está organizada pola asociación Luto en colores que vai dar unha serie de charlas por Galicia para presentar o seu traballo e visibilizar o tema da morte e o luto, facendo especial fincapé nas mortes máis duras de asumir como poden ser os suicidios ou a morte de pequenos.
Librería Bahía organiza esta actividade ao entender que é un tema moi sensible, central dentro da vida das persoas, sobre todo das que sufriron unha perda especialmente dolorosa, e considera que é moi importante crear espazos nos que se poida falar, compartir e dar saída ás...
leer más