Certámenes
A Concellería de Cultura anunciou que esta semana se reanudou o prazo para participar no IV Certame Xuvenil Literario e de Artes Plásticas Concello de Ribadeo. A data para a presentación de traballos é ata o vindeiro 20 de xuño. A edil Pilar Otero anima a participar nesta cita na que se establece un premio de 300 euros en cada categoría: relato curto, poesía e debuxo.
Pilar Otero declarou que “esta semana se reanudou o prazo para a participación no IV Certame Xuvenil Literario e de Artes Plásticas Concello de Ribadeo. Poden participar todas as persoas que naceron ou viven en calquera dos Concellos da Mariña e que, con data 20 de abril de 2020, tiñan entre 16 e 30 anos”.
A concelleira de Cultura lembrou que “se establecen tres modalidades de participación: relato curto, poesía e debuxo, cun so traballo por persoa...
leer más
A concelleira de Cultura, Pilar Otero, anima aos xoves de máis de 14 anos a participar no concurso Youtubeir@s 2020. Esta cita ten como obxectivo a creación de vídeos en galego e así aumentar a presenza da nosa cultura nas redes.
A edil contou que “xa están publicadas as bases dos premios Youtubeir@s 2020, que teñen como finalidade animar á creación de vídeos en galego e así aumentar a presenza da nosa cultura nas redes. Esta convocatoria está aberta a todas as persoas maiores de 14 anos. Pódese participar cun so vídeo, con varios vídeos ou incluso cunha canle de calquera temática ou formato sempre que se promova unha mensaxe adecuada. A participación está aberta ao ámbito internacional e é de balde”.
Otero Cabarcos engadiu: “como dixemos cada participante pode inscribir tantos vídeos ou canles coma desexe e hai...
leer más
A Concellería de Cultura anuncia a celebración da cuarta edición do Certame Internacional de Pintura Mural Amarte no mes de agosto. Os artistas interesados en participar xa poden comezar a mandar os seus bocetos. Este ano serán nove os seleccionados para pintar as súas obras no porto burelés.
O edil José Díaz explicou que “dende a Delegación de Cultura de Burela queremos anunciar que este ano, a pesares das circunstancias de todos coñecidas, imos poder facer unha nova edición do Certame Internacional de Pintura Mural Amarte, no porto”.
Díaz contou que “as datas van ser coincidentes probablemente co que sería a Feira do Bonito, que seguramente non se poderá facer como festa, non sabemos aínda como se poderá levar adiante si se pode facer algo, pero a idea sería poñer como sempre o Certame de Pintura Mural paralelo...
leer más
O Concello de Cervo, a través da delegación de Cultura que dirixe Dolores García Caramés, propón a través das redes sociais o concurso "As letras riquiñas" para conmemorar o 17 de maio, Día das Letras Galegas.
Cada persoa participante terá que elixir unha verba en galego e plasmala en calquera superficie dun xeito orixinal e especial, sacarlle unha foto á palabra e enviala ao correo cervocultura@gmail.com; entre hoxe e mañá
O domingo, 17 de maio, anunciarase a través das redes a obra gañadora e compartiremos un collage con todas as fotografías participantes.
Desde esta semana o programa #cervoquedanacasa pasa a ser unha proposta semanal que se anunciará cada luns e os/as gañadores/as daranse a coñecer os domingos.
O Concello de Cervo vén de convocar o X concurso fotográfico de medio ambiente “Cervo Respecta 2020”.
Tal e como explica a edil de Medio Ambiente, Mali Méndez, “os participantes poderán presentar un máximo de dúas fotografías, baseadas na temática xenérica do medio ambiente, inéditas e orixinais, sacadas en calquera lugar da Comunidade Autónoma de Galicia, terán que ser imaxes de natureza viva, que sirvan de exemplo de conservación do noso medio”.
Deberanse presentar en formato dixital (JPEG), en alta calidade, a unha resolución mínima de 2.048 px. sen limitación de tamaño en MB; a través do correo medioambiente@concellodecervo.com.
O prazo para presentar as imaxes remata o 29 de maio ás 23:59 horas.
Hai tres...
leer más
A burelesa Eva Luaces é a gañadora do segundo concurso de imaxes convocado en facebook polas axencias de viaxes Eroski de Burela e Ribadeo durante o confinamento.
Eva Luaces participou con 3 fotos representando unha estancia en Exipto e nas que se ve ao seu fillo, David Rega Luaces, degustando unha ensalada Baba Ghannouj, elaborada a base de puré de berenxenas, allo e sementes de sésamo, e tamén o postre Basbusa, que é un biscoito de sémola, vainilla e coco.
O premio consiste nun pack de La Vida es Bella cunha estancia dunha noite para 2 persoas.
As axencias de viaxes Eroski en Ribadeo e Burela convocaron dous concursos desde que empezou o confinamento co obxectivo de “manter o contacto cos clientes e axudar a que estean entretidos para que leven o mellor posible esta situación”.
... leer más
A nena Carla García López, de 9 anos e natural de Ribadeo, é a gañadora do concurso Polos nosos negocios, que foi convocado por Acisa co obxectivo de amosar o apoio dos ribadenses ao comercio e á hostalería locais tras este tempo de confinamento.
Desde a directiva de Acisa lembran que “do que se trataba era de deseñar un cartel e un slogan que animen á xente a facer as súas compras no comercio da vila e a consumir na hostalería local e mais agora, despois de dous meses de peche obrigado pola chegada da pandemia do Covid-19”.
Foron unha ducia os traballos presentados por nenos e adultos nos que empregaron diferentes técnicas de deseño e apostaron por diferentes lemas. A xunta directiva de Acisa analizou os traballos e realizou unha votación da que saíu elixido o cartel e o slogan de Carla García López. No debuxo,...
leer más
A Asociación Cultural e Xuvenil O Castelo, de Alfoz, convoca os Certames On Line de Relatos Curtos e Debuxo Letras Galegas 2020. O prazo de presentación de traballo remata o 10 de maio.
Establécense nos dous casos tres categorías: ata 2º curso de primaria; de 3º a 6º de primaria; e secundaria.
A temática do relato será libre e poderá ter como máximo unha extensión de 10 páxinas. Letras Galegas e Galicia é a temática elixida para o concurso de debuxo. Os traballos deben ser remitidos a asociación.ocastelo@gmail.com No correo electrónico débese indicar o nome e apelidos do autos, o curso, o centro no que cursa os seus estudos e o teléfono de contacto. Tamén debe figurar o nome do pai/nai/representante e o número do seu DNI.
Poderanse presentar...
leer más
A Asociación Barrio dos Muíños convoca un concurso de deseño do logotipo para a ABDM.
Esta convocatoria ten por obxectivo dotar á asociación dun logotipo e facer partícipe aos asociados e a calquera persoa que queira participar.
Poderán concorrer todas as persoas que o desexen e o deseño debe ser unha proposta orixinal para ser un logotipo da Asociación do barrio dos Muíños.
Os deseños, a cor e en branco e negro, terán un tamaño en A4, sen anotacións nin o nome da persoa participante. Os datos persoais, no caso de ser entregado o deseño en papel, deberán ser anexados nun sobre.
Os traballos terán que presentarse ao mail da ABDM barriodosmuinhosasociacion@gmail.com ou aos membros da directiva. O prazo de...
leer más
A Asociación de Comerciantes, Industriais e Autónomos de Lourenzá organiza a quinta edición do concurso Unha postal para mamá.
As bases establecen dous grupos para poder participar neste certame, aquel no que se incluirán os nenos e nenas do Concello de Lourenzá e outro no que se inscribirán os nenos e nenas do resto da Mariña Lucense: Mariña Oriental, Mariña Occidental e Mariña Central. Ademais establécense tres categorías por idades: a) Nenos/as nados/as entre o ano 2008 e 2011; b) Nenos/as nados/as entre o ano 2012 e 2014; c) Nenos/as nados/as entre o ano 2015 e 2017.
A temática do concurso será a realización dunha postal para conmemorar o Día da Nai, a técnica para facela é libre debuxo, collage…, e os traballos realizaranse nun folio ou cartolina tamaño A4 dobrado á metade.
Enviarase...
leer más