Xove
O Concello de Xove pon en marcha durante o mes de xullo o Taller de Memoria.
O obxectivo da Concellería de Servizos Sociais, que dirixe Ana Abad, é continuar deste xeito realizando actividades dirixidas a manter un envellecemento activo das persoas maiores do municipio.
Este ano, debido ás medidas de seguridade decretadas pola alerta sanitaria do Covid-19, a actividade non será presencial. Os participantes teñen que ser maiores de 60 anos e as persoas interesadas deben contactar telefonicamente coa educadora familiar Angélica Casabella, responsable do servizo. Unha vez anotadas deberán recoller, no Concello, o material de memoria cada quince días.
No Salón de Plenos do Concello o alcalde, Demetrio Salgueiro, e a concelleira de Cultura, Dolores Meitín, mantiveron unha xuntanza coas comisións organizadoras das distintas festas parroquiais e patronais, festas gastronómicas e feiras de gando que se celebran en Xove.
Debido ao problema do coronavirus acordaron suspender este ano a celebración das distintas festas e feiras, primando neste sentido a seguridade das persoas. Todos os participantes na xuntanza asumiron que a celebración dos distintos eventos suporía un risco sanitario moi alto, dado que a previsión é que se producirían grandes concentracións de persoas nestes eventos, tendo en conta tamén que se desprazarán moitas persoas a Galicia a pasar as vacacións, “xa que fomos os primeiros en saír do estado de alarma”.
O Concello de Xove felicita á Asociación de Mulleres Bolboretas que cumpre o seu trinta aniversario despois de que se fundara oficialmente en maio de 1990.
Esta asociación ten as súas raíces na Urbanización de Palmeiro, na localidade de Xove, onde hai corenta anos chegaron vivir moitas familias novas, procedentes de distintos puntos da xeografía española. A empresa, naqueles intres Alúmina-Aluminio, hoxe Alcoa, encargou construír vivendas cerca da factoría, para que puideran vivir os empregados e as súas familias.
Contan que comezaron as súas andaduras nun entorno novo, descoñecido e con estraños, pero pouco a pouco, aproveitando todo o que esta situación lles proporcionaba como colexio, instalacións deportivas e club social, foron organizando e participando en diferentes actividades escolares e extraescolares,...
leer más
A Escola de Maiores do Concello de Xove segue en activo dende os domicilios. A Educadora Familiar, Angélica Casabella, elabora material cada 10 días para cada persoa participante, que é entregado a domicilio polo vixiante municipal.
Entre o material entregado inclúense fichas de língua, matemáticas, atención e concentración, estimulación cognitiva e memoria
Deste xeito, a Escola de Maiores continúa coas súas actividades, co obxectivo de mellorar a calidade de vida e o envellecemento activo dos seus participantes, así como a oportunidade de desenvolver a súa creatividade, aptitudes e habilidades.
O Departamento de Servizos Sociais do Concello de Xove quere poñer o seu grao de area “ante esta situación tan desesperante”. Por este motivo acaban de poñer en marcha a iniciativa Coas nosas cores buscamos o teu sorriso.
Desde o Concello explican que “esta iniciativa xurde despois de darlle voltas á maneira na que se podía axudar e, sobre todo, animar a toda esa xente que está velando por nós, nos hopitais galegos, dende o persoal sanitario, limpeza, cociña, mantemento, reparto,... ata os propios enfermos que neste momento se encontran illados, así como á xente que está a cuidar dos nosos maiores nos Centros Residenciais de Terceira Idade, e aos propios maiores, que están a pasar momentos moi duros sen poder recibir as visitas dos seus seres queridos”.
O Departamento de Servizos Sociais sinala que “para todo...
leer más
O Concello de Xove, a través dun Bando, decreta o peche de todas as instalacións municipais onde se realice calquera tipo de actividade deportiva, cultural ou de calquera outra índole. Quedan suspendidas tamén desde mañá a actividade na Escola Infantil, na Escola de Maiores, na Escola de Música, na Escola de Ximnasia Rítmica, na Escola de Natación, no Programa Ponte en Forma e nos obradoiros de longa duración.
Debido á situación orixinada polo problema sanitario do coronavirus, recibiron no Concello a comunicación de suspensión de varias actividades para ese fin de semana:
-Suspéndese a celebración da XV FESTA DO LACÓN E FOLIADA DA MARIÑA que a Asociación Saiñas de Xove tiña previsto celebrar no Pavillón de Deportes de Xove este vindeiro sábado, 14 de marzo.
-Suspéndese a celebración da...
leer más
O Concello de Xove mantén aberto, ata o vindeiro día 21 de febreiro, o prazo de inscrición para participar no desfile de Entroido que se celebrará o sábado 22 de febreiro.
Haberá premios para: Carrozas, con 500€ para o primeiro, 350€ para o segundo, 250€ para o terceiro e o cuarto, e 200€ para o quinto e sexto; Comparsas e Grupos de 10 ou máis persoas, con 300€ para o primeiro, 250€ para o segundo, 200€ para o terceiro e cuarto e 100€ para o quinto e sexto; Grupos de Adultos de 3 a 9 persoas, con 130€ para o primeiro, 100€ para o segundo, 70€ para o terceiro e cuarto e 60€ para o quinto e sexto; Parellas de Adultos, con 70€ para o primeiro, 60€ para o segundo e 50€ para o terceiro e cuarto; e Individuais Adultos (de 14 anos en diante), con 60€ para o primeiro, 50€ para o segundo e 40€ para o terceiro e cuarto.
Na...
leer más
Dentro do amplo Programa de Actividades do Concello para este Nadal, mañá sábado, 4 de xaneiro , celebrarase o día do neno. Haberá:
-XOGOS ACUÁTICOS NA PISCINA MUNICIPAL de 11:00 a 14:00 e de 16:30 a 19:30 horas. Na Piscina a entrada vaise facer por grupos de idade:
De 11:00 a 12:00 horas de 5 a 8 anos.
De 12:00 a 13:00 horas de 9 a 11 anos
De 13:00 a 14:00 horas de 12 a 15 anos
De 16:30 a 17:30 horas de 12 a 15 anos.
De 17:30 a 18:30 horas de 9 a 11 anos
De 18:30 a 19:30 horas de 5 a 8 anos.
En cada turno hai cabida para 30 nenos/rapaces.
-INCHABLES E XOGOS NO PAVILLÓN MUNICIPAL DE DEPORTES de 16:00 a 20:00 horas. Concretamente, van a disfrutar das seguintes actividades: LA GRANJA, MULTIARCOS, MOTO GP, TOBOGÁN XIGANTE, TOBOGÁN DÍSNEY, BARREDORA,...
leer más
O Concello continúa coas súas actividades de Nadal. Deste xeito, mañá venres, 3 de xaneiro, ás 19:00 horas no Salón de Actos do Centro Cívico, haberá unha función dobre de teatro a cargo dos membros de Aspanane de Viveiro.
O grupo de teatro de Aspanane vai representar dúas obras: Cegos e o elefante e O pícaro de Viveiro.Esta última xa figurou no programa do Nadal do pasado ano, pero foi cancelada debido á enfermidade dalgún dos seus compoñentes. Pois ben, este ano teremos dobre disfrute con este fantástico grupo.
Lóxicamente, desde o Concello invitan a todas as persoas da Mariña a que asistan a esta dobre e estupenda función de teatro en Xove.
Mañá, martes, 31 de decembro, e para rematar o ano continúa o amplo Programa de Actividades de Nadal do Concello de Xove, neste caso dedicado aos nenos. As 11:00 horas haberá unha Festa Infantil de Fin de Ano coas seguintes actividades:
-11:00 horas. Festa Infantil no Pavillón Municipal de Deportes con xogos e actividades para todos os nenos e pais.
-12.00 horas. Celebración Infantil Fin de Ano coa toma das 12 uvas e champín por parte dos nenos asistentes. Neste caso farémolo na Praza do Centro Cívico coas badaladas do reloxo do Concello.