O Vicedo
O Teatro das Cortes, que está no lugar do Xestoso, en Cabanas (O Vicedo), programa música e teatro para este sábado, 28 de setembro.
As actividades comezarán ás 18:00 horas cun concerto titulado "Para nunca esquecer" a cargo do cantautor Xosé Constenla. Ás 19:30 horas haberá unha lectura dramatizada de textos de Clara Gayo e Carlos Santiago e para as 20:30 horas está programado un concerto de Cé Orquestra Pantasma.
Estas actividades, con entrada de balde, están organizadas pola asociación cultural Volta e Dálle.
Negradas, no concello do Vicedo, celebrará as tradicionais festas na honra de San Miguel o vindeiro 28 de setembro.
Os actos darán comezo ás 13:00 horas cunha misa cantada, seguida de procesión, na honra do santo patrón. A continuación, terá lugar a sesión vermú amenizada polo Grupo Fénix, que tamén será un dos encargados de poñer a nota musical na gran verbena nocturna, que comezará ás 22:30 horas. Durante a verbena, a animación estará garantida coa actuación do Grupo Fénix e a Orquestra Solara, prometendo unha noite de festa e diversión para todos os asistentes.
Ademais, a organización dispón dun amplo aparcamento gratuíto e dunha pista de baile cuberta para asegurar a comodidade dos asistentes.
O grupo de teatro A Adala, de Fazouro (Foz), representará a obra Marina Club na parroquia de As Negradas, no concello do Vicedo, este sábado, día 7 de setembro.
Será ás 19:30 horas no local social da Asociación de Veciños O San Miguel, colectivo que organiza esta actividade, coa colaboración da Área de Cultura, da Vicepresidencia da Deputación de Lugo.
O Teatro das Cortes, que está no lugar de Xestoso, de Cabanas (O Vicedo) ofrece poesía e marionetas os días 30 e 31 de agosto, venres e sábado, con entrada de balde. Estas actividades están organizadas pola Asociación Cultural Volta e Dálle.
O venres 30 ás 19 horas Marica Campo, Tareixa Campo, Olga Novo, Miguel Anxo Mato Fondo, e Xulio Pardo de Neyra participarán no recital poético titulado “Dos fíos desta casa arruinada. Encontro galego pola memoria e versos para vivirmos as horas espidas do silencio: anarquismo, mátria e xeometría”.
E o sábado 31 ás 17 horas comezará unha tarde dedicada á xente miúda e ao teatro de monicreques. A asociación Morreu o Demo trae a exposición titulada “Onde foi Barriga Verde?” e un obradoiro de construción de marionetas de papel con Larraitz Urruzola e Anxo García. E ás 20 horas...
leer más
O Concello do Vicedo organiza unha subida do río Sor en kaiaks para este mércores, día 28 de agosto, ás 10 horas.
O percorrido partirá do porto do Vicedo, cruzando a ría, pasando por debaixo das pontes sobre o Sor, visitando a Illa de San Martiño, en Negradas, e rematando, río arriba, nas Ribeiras do Sor. A volta realizarase en vehículos da empresa Actividades Estaca.
As inscricións para participar poden facerse a través do teléfono 982.59.01.95 ou do correo electrónico omix@concellodovicedo.org.
Este xoves, día 22 de agosto, ás 21 horas na terraza da Casa da Cultura do Vicedo haberá o concerto "As Mulleres Creadoras", no que Silvia Penide e Carla López interpretarán música de artistas como Amaral, Ses, Guadi Galego, Patti Smith, etcétera. Esta actividade forma parte das actividades de animación á lectura de Ler Conta Moito.
O Concello do Vicedo tamén anuncia que “para rematar a semana sociocultural o venres ás 21 horas na Casa da Cultura terá lugar a entrega de premios e coloquio cos participantes no Concurso de Fotografía Turística O Vicedo; un pequeno acto onde se entregarán os premios e falaremos entre todos das fotografías presentadas”.
O comunicador viveirense Antonio Lage-Seara falará sobre as orixes de Os Vivero, unha familia influínte na historia universal, nunha charla que terá lugar na igrexa parroquial de San Estevo do Val (O Vicedo) este sábado, 17 de agosto, ás 10:30 horas. O acto será presentado por Manuel Salgueiro.
Esta actividade está organizada polo Concello de O Vicedo, que anuncia que é unha “charla divulgativa sobre a historia dunha familia que tivo moito poder na corte, saltando a América e Asia. Os Vivero foron señores de Viveiro e más tarde de Galdo, o que incluía as parroquias de Cabanas, San Román, San Estebo,…”.
O Vicedo acolle este mércores, día 14 de agosto, unha subida polo río Sor en kaiaks e un concurso de figuras de area na praia de Xilloi.
A subida polo río Sor en kaiaks partirá ás 10 horas desde o peirao do Vicedo e terá unha duración aproximada de 2 horas. O prezo da inscrición é de 17 euros por persoa.
E ese mesmo día, o mércores 14, pola tarde na praia de Xilloi terá lugar o tradicional concurso de figuras de area para todas as idades. Será ás 16:30 horas e haberá premios para os dous primeiros grupos clasificados de cada categoría, que son de 3 a 5 anos, de 6 a 11, de 12 a 16 e desde 17 anos.
O Teatro das Cortes, que está no lugar do Xestoso, na parroquia de Cabanas (O Vicedo), acolle este sábado, día 10 de agosto, a “Ultratarde Chévere”.
As actividades empezarán ás 18:30 horas cun encontro aberto co público por parte das actrices e actores da compañía teatral Chévere. Ás 19:30 horas proxectarase o documental “A viaxe dos Chévere” e ás 21:00 horas representarán a obra titulada “As fillas bravas de Momán”.
Esta xornada está organizada pola Asociación Cultural Vota e Dálle e a entrada é de balde.
A comisión de festas en colaboración co Concello de O Vicedo organiza as súas tradicionais festas na honra a Santo Estevo e Santa Lucía. Durante 3 días o municipio encherase de música, actividades relixiosas, verbenas e diversión para todas as idades.
O venres, 2 de agosto, ás 22:45 horas, o grupo Jaque e a orquestra Fania Blanco encargaranse de abrir o evento cunha gran verbena.
O sábado, 3 de agosto, ás 11:00 da mañá pasarrúas coa Banda de Gaitas do Ortegal. Ás 12:00 horas haberá eucaristía solemne na honra aos santos seguida de procesión. Máis tarde, ás 14:00 horas sesión vermú co acompañamento musical do grupo Zona Zero. Para rematar o día, ás 22:45 horas gran verbena a cargo dos grupos Zona Zero e Pasión, ademais de Discomóbil Conxuro.
O domingo, 4 de agosto, ás 12:00, Santo Estevo...
leer más