O Vicedo
A asociación cabalar Rías Altas organiza o 26 de maio a V Ruta Cabalar O Vicedo.
A saída será ás 10:00 da mañá desde o peirao de O Vicedo e a ruta discorrerá polos paraxes do concello. Ás 15:00 horas haberá un xantar, o prezo por persoa é 20 euros e a inscrición pode facerse ata o día 23 de maio. Os teléfonos de contacto son: 677 452 735 (Alejandro) e 679 622 314 (Cristian).
A organización informa que se trata dun paseo a cabalo e non dunha competición, non se fai responsable dos danos ocasionados a terceiros e é obrigatorio o seguro do animal.
A asociación Nordés Faladora organiza este sábado, 24 de febreiro, ás 18:00 horas na Casa da Cultura de O Vicedo, unha charla sobre a orixe da toponimia e a microtoponimia neste concello.
A conferencia correrá a cargo de Xosé Luís González quen, para loitar contra a perda da microtoponimia a causa da despoboación do rural e do éxodo á cidade, creou unha serie de bitácoras on line que buscan conservar e explicar a orixe dos nomes de camiños, partes dunha aldea, montes, parroquias e regos dos concellos da Mariña e do Ortegal.
A Aula CEMIT do Concello de O Vicedo acolle o 5 de marzo, unha charla sobre os dereitos das persoas usuarias dos talleres de reparación de vehículos. Terá lugar na Casa da Cultura entre as 11:00 e as 12:00 horas.
Esta charla, impartida pola Escola Galega de Consumo, exporá os dereitos e deberes d@s usuari@s dos talleres de reparación de vehículos, así coma unha serie de recomendacións a ter en conta.
As persoas interesadas en obter máis información ou inscribirse deben dirixirse á Aula CEMIT de O Vicedo, sita na Casa da Cultura, en horario de 16:00 a 20:00 horas de luns a venres. O número de teléfono é o 982 590 195 e a dirección de correo electrónico cemit.ovicedo@xunta.es
A Casa da Cultura de O Vicedo acolle o venres, 26 de xaneiro, unha noite de xogos de mesa, que tamén terá unha edición de tarde para nen@s.
As actividades desenrolaranse cos xogos Tabú, Pasapalabra, Party & Co, Superpoly, 4 en Liña, Xadrez, Parchís, Fantamas Blitz, Torre Equilibrio, Oca, Scrabble e Pictionary entre outros.
A xornada desenvolverase entre as 17:00 e as 20:00 horas para nen@s de 4º a 6º de primaria, e de 21:30 a 00:00 horas para maiores de 12 anos (incluíndo adultos).
A asociación Os Sendeiros de Foz organiza unha nova ruta para o sábado 9 de decembro que discorrerá polo coñecido Fuciño do Porco.
A saída será ás 8:00 horas do Concello, o nivel de dificultade do percorrido é medio, e recomendase levar equipo de sendeirismo.
O prezo é 25 euros para os socios federados, 30€ para os socios non federados e 35 euros para os non socios. Está incluído o xantar e o ingreso debe facerse en conta bancaria.
É obrigatorio anotarse e o prazo remata o martes 5 de decembro. As persoas interesadas poden inscribirse nos números de teléfono 676 561 594 e 670 369 017, ou no e-mail ossendeiros@yahoo.es
O Concello de Foz colabora con esta actividade.
A Deputada de Cultura, Pilar García Porto, xunto ao Alcalde do Vicedo, José Jesús Novo Martínez, presentou a actuación musical de Lucus Ensemble que terá lugar o vindeiro sábado 11, a partir das 19:00 horas, na Casa da Cultura do concello mariñán.O Goberno da Deputación fai posible a celebracióndesta actividade grazas a unha achega de 1.500 euros, co obxectivo de dinamizar a vida social e cultural deste municipio e da súa contorna.
García Porto subliñou que “nesta anualidade destinamos preto de 8.000 euros á organización de eventos lúdicos e culturais no Vicedo, entre os que se atopan o Xuvenlugo, xogos tradicionais na Festa dos Avós e Netos, e esta actuación de Lucus Ensemble que hoxe presentamos. Así mesmo, promovemos as prospeccións arqueolóxicas en Moutillóns e Coelleira. Todo isto co obxectivo de colaborar co Concello na posta en...
leer más
Teatro Crea, de Viveiro, presenta este sábado, 21 de outubro, en O Vicedo, a obra E ti, sabes de que cor son todas as laranxas?.
Inspirada en pezas de Carlos Casares, está dirixida por Lara Fernández Noriega.
Esta representación, para nen@s maiores de 5 anos, terá lugar na Casa da Cultura de O Vicedo a partires das 18:00 horas, con entrada gratuíta.
A asociación Espazo Crea de Viveiro presenta a adaptación desta obra pensada para un público infantil. Tamén durante este ano ten representada en varios puntos da provincia lucense, a obra Xoguetes Cómicos baseada en textos de Chejov.
Este sábado, día 21, terá lugar en O Vicedo o cuarto sorteo da campaña de A Mariña Federación, que daba comezo o pasado mes de setembro. Será ás 20:30 horas nas inmediacións da Casa da Cultura. En xogo estarán outros 1.500 euros en vales de compra.
Aquelas persoas que realicen as súas compras entre o 15 e o 21 de outubro nos establecementos asociados poderán canxear os seus tíckets de importes superiores a 10 euros por papeletas para participar no sorteo presencial que se celebrará este sábado en O Vicedo. Ese día entre as 11 e as 14 horas pola mañá e entre as 17 e as 20:30 horas pola tarde será cando se poidan obter as papeletas na carpa que a FCAM instalará nas inmediacións da Casa da Cultura.
En O Vicedo, ao igual que xa aconteceu en Ribadeo, en Foz e en Xove, sortearanse 1.500 euros en vales de compra,...
leer más
Xa están aquí as IV Xornadas Micolóxicas de Nordés Faladora.
O sábado, 21 de outubro, haberá unha saída ao monte da man do micólogo José Luis Cuba para 25 persoas, dende as 08:00 da mañá ata pasado o mediodía. Por iso recomendan levar non só os útiles mesmos (cesta, navalla) e roupa e calzado axeitado, senón tamén un bocadillo. “Quedaremos ás 08:00 horas nun aparcamento situado pasado o cruce da estrada de Grañas do Sor coa de As Pontes. Se sodes socias ou socios esta actividade é de balde. Se non o sodes, só son 5€ por persoa. Si vos apetece só tedes que chamar ao 653756454 ou enviar un e-mail a asociacon.nordes@gmail.com”, sinalan desde Nordés Faladora.
E engaden que “se non vos interesa tanto recoller, pero si comer, ou as dúas cousas, temos un plan para a noite do sábado:...
O programa comezará o venres coa lectura do pregón a cargo do xornalista Ernesto Sánchez Pombo, ás 19:30 horas na Casa da Cultura. Ás 19:45 horas tamén na Casa da Cultura, terá lugar a charla que ofrecerá o arqueólogo Iñaki Sagredo baixo o titulo Resultados da investigación arqueolóxica e histórica en Os Moutillós, lugar situado sobre a praia de San Román. Tamén ese día empezará a ruta das tapas polos locais do Vicedo.
O sábado, 29 de xullo, é o día principal e ás 12:30 horas terá lugar o desembarco viquingo na praia de Area Grande en San Román, e posteriormente a recreación da batalla. Ás 12:45 horas comezará o espectáculo matinal con Queiman e Pousa para escenificar a loita entre viquingos e veciños de O Vicedo. A partir das 17:00 horas haberá obradoiros para todas as idades. A xornada rematará co espectáculo de Milson´s ás 22:30 horas...
leer más