Igualdade
O Concello de Viveiro proxectará, na sala multiusos, o documental contra a explotación sexual ‘Chicas nuevas 24h’, de Mabel Lozano. A proxección terá lugar este venres, 5 de abril, ás 19:00 horas e está dirixida ao público xeral. Xunto a este documental a sala multiusos do Concello acolle así mesmo unha exposición co mesmo nome e sobre a mesma temática, que xa está dispoñible para a súa visita. A exposición permanecerá na sala ata o día 15 de abril.
A directora e documentalista Mabel Lozano denuncia, tanto no documental como na exposición e o obradoiro derivados deste, o negocio que xera a explotación sexual de mulleres e nenas.
Estas iniciativas están impulsadas pola Rede de Entidades Locais Contra a Violencia de Xénero, da que forma parte o Concello de Viveiro, e pola Consellería de Promoción do Emprego e...
leer más
O Centro de Información ás Mulleres (CIM) do Concello de Mondoñedo organiza a Comida da Igualdade, que se celebrará o domingo 7 de abril ás 14:00 horas na Finca San Antonio.
O CIM de Mondoñedo anuncia: “o domingo 7 de abril teremos a Comida da Igualdade, un encontro lúdico de mulleres e homes nos que compartir un espazo de igualdade. Haberá agasallos para sortear entre as persoas asistentes e animación musical. O prazo para anotarse e recoller as tarxetas nas oficinas do CIM e de Servizos Sociais remata o luns 1 de abril”.
O Centro de Información ás Mulleres do Concello de Mondoñedo anuncia que os premios dos concursos de debuxo e relato curto Mondoñedo en Igualdade serán entregados nun acto que se celebrará o 23 de marzo, sábado, no Auditorio Municipal Pascual Veiga.
Ás 17:00 será a entrega dos premios e media hora despois Trécola Teatro ofrecerá o contactontos “E ti, que queres ser de maior?”.
O 8 de marzo é o Día Internacional da Muller Traballadora e como cada ano, o Observatorio da Mariña pola igualdade “convoca a todo o feminismo da Mariña Lucense para combater contra as políticas que tratan de silenciarnos. Somos feministas, somos loitadoras e somos poderosas”.
Desde o Observatorio indican: “queremos expresar a nosa posición desvinculante de todas as actividades lúdico-festivas que en torno ao 8M se organizan en diferentes Concellos da Mariña: viaxes, xantares populares, concertos, etc... Este Observatorio da Mariña pola Igualdade non vai permitir que se blanqueen as palabras Feminismo, Igualdade e Sororidade nunha data imprescindible para as nosas reivindicacións”.
E subliñan: “este ano 2024 queremos visibilizar aos sectores máis vulnerables onde traballamos maioritariamente as mulleres, como...
leer más
O 16 de decembro, aproveitando o partido de liga, farase entrega do 4º Trofeo Feminino pola Igualdade, que o levará o equipo gañador do propio partido.
Fixeron a presentación de dito trofeo Ana Ermida, alcaldesa de Barreiros, Carmen Veiga, concelleira de Servizos Sociais, Manuel Otero, xefe do Servizo Deportes Xunta de Galicia, Jairo Campo, adestrador do Burela FS "B" e xogadoras e directiva do Praias de Barreiros.
O 8 de marzo de 2023 o Observatorio da Mariña pola igualdade cumpriu 15 anos de vida visibilizando e sensibilizando sobre feminismo na Mariña.
A súa actividade durante estes anos conseguiu tecer unha rede de sororidade, creando lazos e agrupando a mulleres de todas as condicións e cores posibles e de todos os concellos da nosa contorna.
As accións deste Observatorio da Mariña pola Igualdade seguirán ofrecendo espazos feministas cheos de formación e información, reivindicando para as mulleres os espazos que debemos ocupar no día a día e observando, escoitando e non calando ante circunstancias que nos acorralan.
Para poñer en valor o traballo de tantas e tantas mulleres que formaron, forman e formarán este Observatorio da Mariña pola igualdade, foi creada unha peza audiovisual que...
leer más
A exposición ‘Chicas nuevas 24 horas’, que poderá visitarse en Barreiros desde o día 12 ao 25 de abril no centro sociocultural de San Cosme, engloba tamén a proxección do mesmo documental de MabelLozano para o día 23 de abril ás 18:30h.
Este proxecto está impulsado pola Consellería de Promoción do Emprego e Igualdade da Xunta de Galicia e se enmarca no conxunto de accións promovidas pola Rede de entidades locais contra a violencia de xénero en colaboración coa Federación Galega de Municipios e Provincias no que se visibiliza a problemática da trata de persoas con fins de explotación sexual, un tema moi relevante na sociedade actual.
A proposta está integrada por diferentes fotografías e a proxección do documental Chicas nuevas 24 horas. Durante a mesma, daranse a coñecer testemuñas de mulleres e nenas de España,...
leer más
O venres, 17 de marzo, ás 20:30h no Salón de Actos da Casa da Cultura, de Alfoz, terá lugar a actuación de Caxoto con "Micromachista eu??" para fomentar a igualdade e conmemorar o Día Internacional da Muller, 8 de marzo.
Coma sempre a entrada será gratuíta para poder disfrutar de 60 minutos de espectáculo dirixido a público adulto e adolescente e reflexionar con humor sobre a igualdade e nós mesmos.
"Micromachista eu??” Certa vez falando de igualdade para un grupo de persoas adultas un home indignado foise da xuntanza preguntándolle ao mundo unha e outra vez sen dar creto “micromachista eu?”…
Esa é a reacción normal que temos cando alguén nos insinúa que podemos estar tendo unha actitude ou comportamento sexista. Poucas veces a persoa que se indigna sabe realmente identificar cales son...
leer más
O Concello de Cervo e a delegación de Muller e Igualdade, que dirixe Pilar Armada, organiza coas diferentes asociacións de mulleres do municipio -Asociación de Mulleres de San Ciprián, Amas de Casa “Alborada”, Mulleres Rurais “As Espalladoras” e Mulleres en Igualdade de Cervo- a primeira edición do Karaoke pola Igualdade en homenaxe á figura da muller.
O concurso terá lugar o domingo 12 de marzo no Auditorio da Casa da Cultura de San Ciprián ás 19:00 horas.
Os/as participantes deberán escoller unha canción composta ou popularizada por mulleres que se atope na lista de temas dispoñible no taboleiro de anuncios da páxina web do Concello de Cervo (www.concellodecervo.com). Na mesma sección atoparán a ficha de solicitude para a participación no concurso e toda a información...
leer más
O Concello de Alfoz organiza un obradoiro de Cine en Igualdade, que se celebrará este mércores, día 11 de novembro, e xoves 12. Está dirixido a rapazas e rapaces con idades entre 12 e 16 anos.
Esta actividade é gratuíta e a inscrición debe facerse antes do seu comezo. Poderán participar un máximo de dez persoas e aplicarase o protocolo covid sendo obrigatorio o uso de mascarilla.
O mércores, día 11, abordarase o tema da gravación de vídeos, e o xoves 12 a edición e creación de vídeos. O horario será de 16:30 a 19:30 horas.
Colaboran nesta actividade: Xunta de Galicia, a través de Vicepresidencia e Consellería de Presidencia, Administracións Públicas e Xustiza; Ministerio de la Presidencia, Relaciones con las Cortes e Igualdad; e Fondo Social Europeo.