Foz
Cangas de Foz acollerá o IV Cross Popular Os Castros e o campionato galego de cross o 22 de outubro.
O club de atletismo Ría de Foz organiza a cuarta edición do Cross Popular Os Castros para o 22 de outubro, domingo, en Cangas de Foz. Será pola tarde e nesa mesma xornada pola mañá haberá tamén o campionato galego de campo a través.
Os organizadores explican: “este ano o noso club dá un pasiño máis organizando o campionato galego de cross por equipos nas categorías Sub16, Sub18, Sub20, Sub23, Absoluta e por Relevos Mixtos. Na xornada da mañá do 22 de outubro celebrarase o Campionato Xunta de Galicia, mentres que pola tarde organizaremos a IV edición do Cross Popular Os Castros. Se estás federado, fala cos teus compañeiros/as e inscribe ó teu equipo para participar no campionato galego. (Inscricións en sdp.rfea.es). Se non estas federado ou non sodes suficientes para formar un equipo poderás participar pola tarde no IV Cross Os Castros. (...
leer más
Xa se coñecen os nomes das gañadoras e dos gañadores dos 1.000 euros en vales de compra que AciaFozCCA sorteou na súa campaña de Volta ao Cole.
O sorteo, que tivo lugar esta mañá en Radio Foz, foi conducido por Anxo Rivas. Na cita participaron a concelleira de Comercio, Katy Navarro, e a xerente de AciaFozCCA, Ana Segade.
Os premiados con 50 euros en vales de compra foron:
Carmen Álvarez, por unha compra feita en Ginzo Hombre Mujer
Ester Sánchez en Don Zapato
Rocío Nicolás en Mi casa
Iñaki Aznares en Alain Afflelou óptico
Manuel Fernández en pastelería Xoyma
Raul Freijanes en Xoguetería Bahía
Teresa Rivera, en Tien 21 Electrodomésticos Celso
Chicha Ferreiro por unha compra realizada en Unique 2
Maruja Eijo en Carnicería Mercedes
Mari Fernández en...
A Delegación de Xuventude e Deportes do Concello de Foz organiza a Festa da Bicicleta Solidaria este domingo, 24 de setembro.
A actividade empezará ás 11:30 horas no parque municipal de tráfico. Haberá agasallos para todas e todos os participantes e sortearanse tres vales de 200 euros.
Para participar hai que aportar un quilo de alimentos. A inscrición está aberta ata o 22 de setembro a través do correo electrónico bici@concellodefoz.es.
As escolas deportivas municipais de Foz ofrecen para a tempada 2023-24 nove especialidades: ximnasia rítmica, patinaxe, teatro, cerámica, multideporte, tenis coreodance kids, badminton e kickboxing.
As actividades, que son para nad@s entre os anos 2007 e 2019, empezarán o 2 de outubro e a inscrición pode facerse ata ao 29 de setembro. Para máis información os interesados poden dirixirse á Casa da Xuventude, teléfono 982.133.037.
A Delegación de Xuventude e Deportes do Concello de Foz agradece ao CEIP O Cantel e ao CEIP Nº 1 pola cesión das súas instalacións para o desenvolvemento destas actividades.
O xoves, 21 de setembro, ás 20:30 horas na Libraría Bahía, de Foz, terá lugar un encontro coa escritora vasca Edurne Portela e o autor galego Xosé Monteagudo.
Este encontro enmárcase no programa Afinidades Electivas, promovido e financiado polo Ministerio de Cultura.
Edurne Portela doctorouse nos EUA oonde exerceu tamén como docente e investigadora. Vive en España dende o ano 2016 onde publica e colabora en prensa e radio. A súa obra, de grande calidade literaria e ao mesmo tempo capaz de chegar ao gran público, constitúe unha indagación nas distintas formas de violencia, os relatos que construímos sobre a mesma e as feridas que deixan no plano individual e social. Publicou o ensaio El eco de los disparos sobre ETA e a violencia no País Vasco, que vai pola terceira edición e as novelas Mejor la ausencia, Los ojos cerrados e Formas...
leer más
O Concello de Foz presentou hoxe, xoves, a súa programación cultural para os meses de setembro, outubro e novembro. A concelleira de Cultura, Inés López Couto, anuncia que “este outono chega cargado de novidades teatrais, musicais e de cine”.
A edil de Cultura explica que “a primeira novidade son as sesións de cine, que se ofrecerán todos os venres de setembro, con películas galegas premiadas nos Goya. Serán na Casa da Cultura ás 20.30 horas. A pesares de que Foz carece de cine, queremos que continúe tendo ese servizo, xa que en Galicia contamos cun cine da mellor das calidades”.
Inés López Couto engade que “outubro comeza con Entroido, xa que o día 14 realizarase na Sala Bahía o acto de elección da raíña ou rei desta festa, que por fin conseguiu que se recoñecera que é espectacular e que atrae a moitos visitantes...
leer más
O IES de Foz oferta este curso 2023-24 unha aula de capacitación dixital, na que se ofrecerá formación para adquirir coñecementos dixitais básicos sobre temas como solicitude de citas previas, obtención de certificados, comunicación con entidades financieiras, seguridade nas redes, compra online, correo electrónico, videoconferencias, etcétera. Os cursos serán gratuítos e os asistentes recibirán certificación da Xunta. As persoas interesadas poden solicitar información no IES de Foz, a través do teléfono 982.87.02.87.
A directora do centro, Leticia Maseda, explica que para este curso 2023-24 “temos unha novidade no IES de Foz, que é a oferta da aula de capacitación dixital, que ofrece formación para todas aquelas persoas que non estean cursando ningún outro tipo de estudos e queiran formarse en coñecementos dixitais básicos: por exemplo...
leer más
A asociación Os Sendeiros, de Foz, organiza para o 24 de setembro, domingo, unha ruta por Balboa, en León. A saída desde Foz será ás 07:00 horas e ás 07:20 horas desde Ferreira do Valadouro.
Os prezos desta actividade, incluído o xantar, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata o 20 de setembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
A asociación O Noso Foz e o Concello de Foz abriron a inscrición para ser rei ou raíña do Entroido de Foz 2024, que se elixira nun acto público que terá lugar na Sala Bahía o día 14 de outubro deste ano, sábado.
“Tes máis de 18 anos e queres ser raíña ou rei do Entroido de Foz o próximo ano? Envía, antes do 15 de setembro, a onosofoz@gmail.com os teus datos persoais (nome e apelidos, DNI e data de nacemento) e dúas ou máis fotografías recentes”, explican os organizadores.
Este xoves, 31 de agosto, venres 1 e sábado 2 de setembro Foz poderá desfrutar de tres grupos de teatro afeccionado que representarán ás súas obras en diferentes emprazamentos da vila. Por mor das previsións meteorolóxicas as obras do venres e do sábado serán en interior.
A concelleira de Cultura, Inés López Couto, explica que “o xoves 31 será a compañía Os pícaros de Lagoa a que poña en escena a obra Era boa si colara, que se representará na Praza Conde de Fontao ás 21.30 horas. O venres 1 comezaremos setembro coa compañía O Centiño e a obra De poucas luces, que será tamén ás 21.30 horas pero na Casa da Cultura. O sábado 2 será a compañía A Adala quen representará Marina Club, tamén na Casa da Cultura ás 21.30 horas”.
A edila móstrase “moi feliz xa que contamos con moitas compañías de teatro afeccionado que nos...
leer más