Foz
A aula CeMIT de Foz organiza un curso para aprender a utilizar os teléfonos móbiles smartphone que se desenvolverá do día 30 deste mes ao 6 de xuño. Será impartido por Carmen Seco.
A organización anunciou hoxe que “desde o día 30 de maio ata o 6 de xuño en horario de 18 a 19:30 horas realizaremos un curso para aprender a utilizar os móbiles smartphones na aula CeMIT sita na Casa da Xuventude. O obxectivo é coñecer o smartphone e controlar as súas funcións, sacarlle partido en base ás necesidades de cada persoa. Os participantes poderán traer os seus móbiles e aprender a configuralos, descargar aplicacións, coñecer as medidas de seguridade a seguir,… e poder controlar e gozar da tecnoloxía desde a súa man. Ás persoas que non teñan smartphone e desexen aprender todo isto deixarémoslles un para practicar sen medo. Partiremos do básico, así...
leer más
A Asociación Socio Cultural A Pomba do Arco organiza o 27 de Maio un roteiro polo “Patrimonio de Nois”, seguindo como fío condutor da visita a historia, a etnografía, o patrimonio artístico e os espazos naturais de valor ecolóxico e paisaxístico. A actividade estará guiada polo estudoso da historia local de Nois, Antonio Sixto.
O percorrido polo “Patrimonio de Nois” vai comprender a visita á Ribeira, aos castros da Calexa e de Arealonga, ao conxunto de hórreos do porto de Nois, ás antigas fabricas de salgazón de Bengochea e dos Pillado, ao antigo porto baleiro do século XVII, as turbeiras de Arealonga e a area de Covas.
As persoas interesadas en participar desta actividade, deberá inscribise previamente no correo electrónico da propia asociación, apombadoarco@gmail.com,...
leer más
O Colexio Martínez Otero de Foz organizará e acollerá o vindeiro sábado, 20 de maio, o campionato provincial escolar de xadrez, a través do seu programa XOGADE. Este certame reunirá aos mellores axedrecistas bexamíns, alevíns, infantís e cadetes da provincia. Sumando, así, un total de 25 equipos que competirán nas diferentes categorías.
O evento foi presentando, nas dependencias do club de xadrez do Colexio Martínez Otero, por Antonio Alonso (Director do Colexio Martínez Otero), Javier Castiñeira (Alcalde do concello de Foz) e Fernando Rodríguez (Adestrador de xadrez no Colexio Martínez Otero). Manolo Cadramón, responsable do Servizo Provincial de Deportes de Lugo, desculpou a súa ausencia por incompatibilidade de axenda.
Na Librería Bahía celebrarán o día das letras galegas o 18 de maio por ser festivo o día 17.
Desde este establecemento explican que “organizamos en colaboración co club de lectura da Pomba do Arco un coloquio co escritor vivariense Manuel Lopez, xerente de Gráficas Lar, editor e autor do relato Tres Balas, editado por Edicións Embora”.
Tres Balas é o relato do último día da vida dun fuxido da Guerra Civil. A través dos acontecementos e pensamentos do seu personaxe, Manuel da conta cunha prosa fermosa e concisa do que foi a realidade dos fuxidos e de todos aqueles que, dende as vilas e aldeas, mantiveron contacto con eles. Unha historia próxima aínda no tempo que cómpre manter viva.
Ademais do coloquio que se celebrará o xoves, 18 de maio, ás oito e media da tarde, durante todo o día o libro galego terá un 10...
leer más
A asociación Sendeiros de Foz organiza unha ruta de irmanamento co grupo Rebollín de Salas que discorrerá por Somiedo en Asturias, o sábado 20 de maio.
A saída será ás 7:00 horas do Concello e o prazo para anotarse remata o día 17.
Os prezos para os socios federados é de 30 euros, 34€ para os socios non federados e 40 euros para os non socios. O ingreso debe facerse en conta bancaria.
É obrigatorio anotarse e pode facerse nos números de teléfono 676 561 594 e 670 369 017, ou no e-mail ossendeiros@yahoo.es
Os organizadores recomendan levar equipo de sendeirismo e informan que a dificultade da ruta é media.
Este é o andareiro 122 que organiza Os sendeiros de Foz que conta coa colaboración do...
leer más
O concelleiro de Deportes, Ramiro Fernández Rey, asistiu esta mañá en Vigo á presentación da carreira de atletismo Desafío 15K Series, que patrocina o Banco Mediolanum, e que chegará á Mariña o 29 de outubro. Esa será a xornada na que os asistentes realicen o percorrido comprendido entre Burela e Foz.
O Desafío 15K Series dará comezo o 21 de maio en Ourense, seguirá o 11 de xuño en Arousa Norte, o 1 de outubro os participantes farán o percorrido denominado Atlántico, o 29 de outubro será a quenda para A Mariña e rematará nunha data por concretar en Vigo.
Fernández Rey subliñou que “seguimos a apostar por este tipo de probas polo que supoñen para o deporte, pero tamén para a promoción turística de Burela. Haberá un grande ambiente eses días na zona e consideramos que a nosa participación é positiva para A Mariña e para Burela”....
Foz acollerá do 30 de xullo ao 5 de agosto deste ano un campus de baloncesto e un campamento urbano multideportivo organizados polo CB Ensino, de Lugo. Na presentación destes eventos participou o alcalde, Javier Jorge Castiñeira.
O campus de baloncesto está dirixido a mozos de entre 9 e 17 anos e o campamento urbano para nenos desde os 3 aos 12 anos. Os dous eventos ofrecen varias posibilidades de participación: mañás, de 10:00 a 14:00 horas, cun prezo base por persoa de 60 euros; media pensión, de 10:00 a 18:00 horas, cun prezo base por persoa de 120 euros; e pensión completa, cun prezo base por persoa de 280 euros.
A organización explica que esta oferta de ocio activo é posible grazas á colaboración entre un amplo grupo de entidades públicas e privadas: Porta XI Ensino, Concello de Foz, CB Celtas de Foz e...
leer más
O Concello de Foz convoca un concurso para a elección dun logotipo que será a imaxe do Parque Infantil de Tráfico. Ademais dentro da programación cultural para este mes de maio terá lugar a Romaría de Bispo Santo, teatro infantil, cine e varias representacións teatrais.
O Concello de Foz organiza o concurso do deseño dun logotipo destinado a ser a imaxe representativa do Parque Infantil de Tráfico de Foz. O tema do deseño será libre e valorarase calquera tipo de referencia que se identifique co Parque, o logotipo deberá adaptarse a calquera soporte de difusión e cada concursante só poderá presentar un deseño. As propostas entregaranse aos directores dos colexios e o prazo de presentación remata o día 26 deste mes. Haberá un único premio consistente en material escolar por valor de 200 euros.
Ademais este venres,...
leer más
O Concello de Foz organiza de novo este novo a campaña denominada Eu coido o Santo, iniciativa que ten como obxectivo sensibilizar aos asistentes á romaría do Bispo Santo sobre a necesidade de deixar limpo o lugar onde se celebra este festexo.
“Reeditamos, despois do éxito do ano pasado, esta campaña que con motivo da celebración da romaría do Bispo Santo, do 12 ao 14 de maio, o Concello de Foz pon en marcha co obxectivo de sensibilizar aos asistentes a este festexo sobre a necesidade de deixar limpos os lugares onde acampen. Entre os participantes nesta iniciativa sortearase unha cea para un máximo de 20 persoas”, anunciaron dende o Concello focense.
Os participantes nesta iniciativa deberán colgar fotografías nas redes sociais nas que ten presenza o Concello de Foz (facebook, twitter e instagram) do antes e...
leer más
A Casa das Letras, de Ribadeo, acolleu o venres a numeroso público para asistir á presentación da publicación titulada As covas do rei Cintolo, editada por Lar e na que se recolle de forma facsimilar un libro de Daniel Cortezón, do ano 1956, e un cómic de Suso Peña.
No acto interviñeron o editor, Manuel López; o cronista oficial de Mondoñedo, Antonio Reigosa; o concelleiro de Cultura de Ribadeo, Farruco Graña; e a deputada provincial responsable da Área de Cultura, María Pilar García Porto. Tamén estiveron as viúvas dos ribadenses Daniel Cortezón e Suso Peña, Mati e Carmucha.
O responsable de Libros Lar, Manuel López, manifestou hoxe que “na presentación saíu todo estupendamente: asistiu moito público, as intervencións dos convidados estiveron de luxo, houbo moita emoción polo recordo a Daniel Cortezón e Suso...
leer más