Foz
A Delegación de Xuventude do Concello de Foz presenta o programa Aberto x Vacacións, que se desenvolverá durante os meses de xullo e agosto e está dirixido a nenos e nenas de 3 a 12 anos de idade.
A Concellería de Xuventude de Foz desenvolve un verán máis este programa que ofrecerá diversas actividades nas mañás de xullo e agosto, de luns a venres de 10:30 a 13:30 horas.
O programa Aberto X Vacacións está dirixido a nenos/as con idades de 3 a 12 anos, nados entre 2006 e 2014, no caso dos nados en 2014 que fosen ao colexio.
O prazo de inscrición vai do 25 ao 29 de xuño e do 26 ao 31 de xullo, no caso de quedar vacantes para o mes de agosto. As prazas son limitadas, por orde de inscrición e rango de idade.
As persoas interesadas poden obter máis información na Casa...
leer más
Os Sendeiros de Foz organiza unha ruta de encontro en Burela o 23 de xuño.
A saída será ás 9:30 horas da Praza de Galicia.
Para participar é necesario anotarse, o prazo remata o 20 de xuño. As inscricións poden facerse no e-mail ossendeiros@yahoo.es pode obterse máis información nos números de teléfono: 606 718 482 e 670 369 017.
O prezo é 10 euros para os socios federados, 15 euros para os socios non federados e 20 euros para os non socios. O ingreso debe facerse en conta bancaria.
A ruta ten un nivel de dificultade medio e a organización recomenda levar roupa de sendeirismo.
Colabora o Concello de Foz.
Mañá, 12 de xuño, ás 18:00 horas no CENIMA de Foz, terá lugar a inauguración da exposición dos centros escolares da Mariña que participaron no I Premio Juan Puchades Quilis, patrocinado polo Concello de Mondoñedo.
Esta exposición é a terceira das actividades programadas pola asociación Tá en Artes en homenaxe ao escultor mindoniense. Máis de 720 alumnos/as e 31 profesores/as levan traballando todo o curso partindo da idea da Escultura como referencia, e o patrimonio como resultado, a partires da figura de Juan Puchades Quilis.
Esta mostra presenta máis de 72 esculturas dos once centros escolares da Mariña. Permanecerá no CENIMA de Foz ata o 17 de xuño, e poderá visitarse en horario de 10:00 a 13:00 horas e de 19:00 a 21:00 h.
Na clausura da exposición entregaranse os premios do 1º Certame...
leer más
A asociación cultual A Pomba do Arco organiza o mércores, 13 de xuño, ás 20:30 horas no salón de actos do Cenima, unha palestra sobre as formacións xeolóxicas da Mariña que correrá a cargo do xeólogo Xoán Ramón Vidal Romaní.
O conferenciante é un dos grandes coñecedores dos estudos xeolóxicos en Galicia e con diversos traballos sobre a realidade xeolóxica da comarca da Mariña. Destacan, entre os seus traballos recentes, as súas investigacións sobre a formación da Praia das Catedrais, e é autor de diversos estudos encargados pola Xunta de Galicia para analizar a situación do conxunto natural.
Xoán Ramòn Vidal Romaní, profesor emérito de xeoloxía na Universidade da Coruña e membro numerario da Real Academia Galega das Ciencias, fará un repaso pola historia xeolóxica da Mariña, significando aquelas formacións...
leer más
O vindeiro domingo, 10 de xuño, terá lugar a carreira A Mariña Mediolanum 15K entre Burela e Foz. A proba presentouse esta mañá en Burela nas inmediacións do areal do Cabaliño.
A saída será ás 11 da mañá desde as inmediacións do Activity Center, en Burela, e a chegada será na praza Conde Fontao, de Foz. A proba é a segunda do circuíto 15K series Banco Mediolanum. Esa xornada tamén terá lugar unha andaina popular con saída ás 10 da mañá. Desde a organización subliñan que haberá autobuses gratuítos desde o peirao de Foz, tanto antes como despois da devandita proba.
Haberá 3 premios para os primeiros clasificados absolutos nas categorías masculina e feminina. O primeiro será de 200 euros, o segundo de 150 euros e o terceiro de 100 euros.
No acto de presentación Serafín Martínez, director...
leer más
O Pico da Frouxeira acollerá unha recreación histórica o día 8 deste mes, venres. O acto, que é para todos os públicos con entrada gratuíta, comezará ás 21 horas, pero o público debe estar no lugar con media hora de antelación como mínimo porque o acceso ao escenario da representación pecharase 30 minutos antes do inicio do evento. Titúlase A historia cobra vida na Frouxeira e está organizado polos concellos de Alfoz e Foz.
Ese mesmo día, pero ás 11 e media da mañá, na Frouxeira haberá outra recreación histórica, pero neste caso dirixida aos alumnos e alumnas de 5º e 6º de Primaria dos colexios de Alfoz e Foz.
Os organizadores explican que se trata dun acto dos concellos de Foz e Alfoz para a promoción da Frouxeira, iniciativa que se suma á sinalización dunha ruta e dun miradoiro nese lugar, actuación que conta...
leer más
O Centro Comercial Aberto de Foz colabora cunha campaña solidaria a favor da AECC (Asociación Española de Loita Contra o Cancro) que se desenvolverá do 1 de xuño ao 31 de xullo. Denomínase Colabora dulcemente. As pastelerías Amarena, Anduriña e Xoyma porán á venda galletas solidarias ao prezo de 2 euros co fin de recadar fondos para a delegación local da AECC.
A campaña foi presentada hoxe por Ángeles Piñeiro, de Xoyma; Ángeles Casas, de Amarena; Moncho Castro, de Anduriña; e Toñita García Fra, presidenta da AECC de Foz.
Desde o Centro Comercial Aberto de Foz fan unha chamada á solidariedade e á colaboración doce con esta causa “mercando estas ricas galletas en calquera das pastelerías que participan na campaña. Calquera de nós pode precisar da axuda da AECC nalgún momento”.
Os Sendeiros de Foz, en colaboración coa Escola Galega de Alta Montaña, organiza un curso de montañismo estival durante o mes de xuño.
O obxectivo da actividade é iniciar aos participantes no montañismo para chegar a realizar con autonomía e seguridade itinerarios sinxelos por montaña, non balizada, en terreos non nevados. O lugar de celebración será na comarca de Foz, e o sitio e a data poderán variar en función das condicións meteorolóxicas.
O prezo é 70 euros para as persoas federadas e 78€ para as non federadas, debendo aboarse na conta do Banco Sabadell. O aloxamento correrá a cargo de cada un, e a organización recomenda que a manutención sexa coa comida típica de monte e bebida que terá que levar á montaña cada día. Para o transporte os organizadores suxiren compartir coche co fin de facer un uso racional do...
leer más
A Delegación de Cultura do Concello de Foz programa para os vindeiros días actividades de música e teatro.
Mañá, xoves, a compañía Ubú Teatro interpretará a obra Leonardo e os fontaneiros, de María Victoria Moreno, escritora homenaxeada este ano no Día das Letras Galegas. A actuación terá lugar na Sala Bahía ás 11:00 horas con entrada gratuíta e está dirixida a alumnos e alumnas de 5º e 6º de primaria.
Este venres, 25 de maio, dentro das actividades do Festival de Voces Xóvenes actuará o grupo vocal Entrelas de A Coruña. Terá lugar na igrexa parroquial de Foz ás 20:30 horas. A entrada é gratuíta.
E o sábado 2 de xuño na escola de música focense haberá unha masterclass impartida por Pablo Castaño, saxofonista, arranxista e compositor que exerce a docencia no Conservatorio de Grado Medio de...
leer más
A asociación cultural A Pomba do Arco en colaboración coa Mesa pola Normalización Lingüística organiza o sábado, 26 de maio, a partires das 12:00 h enfronte da Casa do Mar de Foz unha xornada lúdica artística dedicada ao público infantil que ten como obxecto divulgar, dar a coñecer e achegar aos máis novos aos nosos escritores.
O acto, que no caso de choiva se trasladaría as instalacións da propia Casa do Mar, consistirá en colorear por parte dos cativos e das cativas presentes undepregábel onde aparecen rostros de diversos escritores galegos, personaxes da súa obra así como diferentes espazos singulares das súas localidades natais.
O despregábel, elaborado pola Mesa pola Normalización Lingüística baixo o título d´O país das letras. é un poster xigante de 100 x 70 cm realizado polo recoñecido ilustrador galego...
leer más