Curso

O Concello de Burela abre este xoves, 20 de setembro, o prazo de inscrición no curso de Bailes de Salón, que organiza a Delegación de Servizos Sociais, Facenda e Mar.

As persoas interesadas en asistir poden achegarse ata a Casa do Concello para facer a súa inscrición, “dado que esta terá que ser presencial”, segundo indica a edil Patricia Otero. 

A concelleira de Servizos Sociais explica que “o curso de Bailes de Salón dará comezo o 2 de outubro e rematará o 18 de decembro. Terá lugar os martes e haberá tres quendas a elixir. A primeira de 18:45 a 20:00 horas, a segunda de 20:00 a 21:15 horas e a terceira de 21:15 a 22:30 horas.

As/os interesadas/os poden obter máis información chamando ao número de teléfono 982 58 06 09.

A Escola Municipal de Música de Burela organiza o IX Curso de Música Interdisciplinar, que se desenvolverá dos días 2 ao 6 de xullo. A actividade, que é gratuíta, foi presentada hoxe polo concelleiro de Cultura en Burela, José Díaz, a quen acompañaron o director da escola, Xan Carballal e a profesora de canto Irina Semkina. 

Neste curso preparase unha adaptación musical da zarzuela galega Non chores Chabeliña, composta por Gustavo Freire en 1943 e con libreto en galego de Xosé Trapero Pardo. Traballaranse distintos aspectos musicais, tanto individuais como de grupo, e tamén haberá un apartado de caracterización, decorados e preparación dos personaxes desta zarzuela.

No curso incluirase un obradoiro infantil no que poderán participar todos os nenos e nenas que o desexen desde os 4 anos. Ofrecerase ademais a...

Os Sendeiros de Foz, en colaboración coa Escola Galega de Alta Montaña, organiza un curso de montañismo estival durante o mes de xuño.

O obxectivo da actividade é iniciar aos participantes no montañismo para chegar a realizar con autonomía e seguridade itinerarios sinxelos por montaña, non balizada, en terreos non nevados. O lugar de celebración será na comarca de Foz, e o sitio e a data poderán variar en función das condicións meteorolóxicas.

O prezo é 70 euros para as persoas federadas e 78€ para as non federadas, debendo aboarse na conta do Banco Sabadell. O aloxamento correrá a cargo de cada un, e a organización recomenda que a manutención sexa coa comida típica de monte e bebida que terá que levar á montaña cada día. Para o transporte os organizadores suxiren compartir coche co fin de facer un uso racional do...

O Concello de Foz organiza un curso para aprender a usar os teléfonos móbiles smartphone. Será na Casa da Xuventude desde o día 28 deste mes ata o 6 de xuño de 18:00 a 19:30 horas.

A concelleira Mercedes González dá a coñecer un novo curso “para dominar os teléfonos intelixentes. Despois do éxito da pasada edición, e da demanda que había, este ano volvemos a ofertar este curso. Do 28 de maio ao 6 de xuño faremos un obradoiro no que coñecer as posibilidades que nos dan estes teléfonos: aprender o seu uso, instalar aplicacións, sacarlles partido,… E para as persoas que non teñan facilitámoslle un para que poidan aprender desde cero”.

O curso será impartido por Carmen Seco e as prazas son limitadas. A inscrición pode facerse na Casa da Xuventude ou chamando ao teléfono 982.133.037.