Carreira
Quedan uns días para inscribirse na III Carreira Nocturna Rinlo-Ribadeo, que se celebrará o día 24 deste mes, sábado.
Desde a organización, que corre a cargo do Club Atletismo Ribadeo, explican que “fican uns días para que se dispute a III Carreira Nocturna Rinlo-Ribadeo, que celebrará o sábado 24 de agosto, vencellando as vilas de Rinlo e Ribadeo na proba absoluta, de 8,7 quilómetros. O evento dará comezo ás 20:00 horas para as categorías dos cativos até alevín diante do Concello de Ribadeo e na contorna do Parque de San Francisco. Os infantís e cadetes terán a súa saída dende a Illa Pancha ás 21:30 horas, mentres que a proba absoluta será ás 21:45 horas dende a Praza de Santa Catalina, en Rinlo”.
Os organizadores deste evento deportivo engaden que “haberá trofeos para todas as categorías, incluíndo á derradeira...
leer más
Os gañadores absolutos, masculino e feminino, da terceira edición da carreira nocturna Rinlo-Ribadeo levarán de premio 3 quilos de percebes. A proba, que se celebrará o 24 de agosto, foi presentada no salón de plenos do Concello ribadense polo concelleiro de Deportes, Jorge Díaz Freije, e catro membros do organizador do evento, o Club Atletismo Ribadeo: Arxi García Gómez, Rocío Díaz Mesa, Marta Fernández Díaz e Ana María Ferradás Barrera.
Desde a organización explican que “a edición deste ano terá un carácter emotivo e solidario xa que se invitará a gozar do atletismo baixo o lema Sempre vivas e libres, co que queremos homenaxear a todos os grupos sociais que sofren a violencia, facendo fincapé nas mulleres, que son as máis vulnerables desta lacra na que estamos inmersos nos nosos días. Debemos denunciar e afastar da sociedade aos modelos...
leer más
O Concello de Burela presentou a carreira Burela Bonita que se celebrará o sábado 20 de xullo. Trátase do cuarto circuíto urbano nocturno que dará comezo ás 22:30 horas, na praza da Mariña. As inscricións poden realizarse ata o 18 de xullo en www.championchipnorte.com.
O concelleiro de Deportes, Ramiro Fernández Rey, dixo que “este ano temos a carreira dos nenos que vai empezar ás sete da tarde, imos intentar axilizar a súa carreira para entregarlles os premios antes de que sexa a de adultos”.
O edil burelés subliñou que “o obxectivo que nos marcamos é que a participación siga incrementándose como ocorreu todos estes anos. É unha proba que aos atletas que a fan lles gusta moito porque ten un percorrido moi bonito. Ademais ten a peculiaridade de que é nocturna”....
leer más
O 24 de agosto celebrarase a terceira edición da carreira nocturna Rinlo-Ribadeo.
A proba ten unha distancia de 8´7 quilómetros para a categoría Absoluta, 2´5 quilómetros para as categorías Infantil e Cadete, 600 metros para os alevíns, 350 metros para os benxamíns, 150 metros para os prebenxamíns e 60 metros para a categoría Pitufos.
As inscricións poden facerse en championchip.com e o prezo, nas categorías absolutas, é de entre 8 e 10 euros.
Á categoría Pitufos corresponden @s nad@s no ano 2014 e posteriores; Prebenxamín, do 2012/2013; Benxamín, do 2010/2011; Alevín, do 2008/2009; Infantil, do 2006/2007; Cadete, do 2004/2005; e Absoluta, do ano 2003 e anteriores.
A saída será ás 20:00 horas para a categoría Pitufos, ás 20:05 h. para os prebenxamíns, ás 20:15 h. para os benxamíns,...
leer más
O Concello burelés colabora na organización da carreira 15K Banco Mediolanum que se celebrará o 16 de xuño e discorrerá entre as localidades de Burela e Foz.
O concelleiro de Deportes, Ramiro Fernández Rey, dixo que “un ano máis imos contar coa carreira 15K entre Foz e Burela. Este ano acabará na praza do Concello en Burela. É unha iniciativa que Banco Mediolanum nos propuxo no seu día esta terceira edición, e estamos colaborando desde o primeiro ano nesta carreira”.
O edil socialista salientou que “é unha aposta máis polas actividades deportivas que vimos facendo durante todos estes anos. Pensamos que é unha maneira tamén de promocionar un pouquiño o concello de Burela. É unha colaboración entre dous concellos que son veciños e somos amigos”.
Fernández Rey considera que “é unha maneira...
leer más
A Asociación Cultural Deportiva As Minas de A Pontenova organiza a segunda edición da Carreira Vía Verde do Eo que se celebrará o 8 de xuño.
A carreira, de 10 quilómetros de percorrido, dará comezo ás 17:30 horas e pasará polos municipios de San Tirso e Trabada para rematar na Praza do Fornos en A Pontenova.
Este ano renderase unha homenaxe a Manuel Valcárcel Lastra “Ventura”, veciño de A Pontenova, que aos seus 71 anos segue sendo atleta en activo e gran impulsor deste deporte en toda a comarca.
Ao remate da proba, na praza do Concello, haberá unha pinchada popular para os corredores e a actuación do grupo coruñés Os Piñeiros, que amenizará a tarde-noite coas súas versións de pop español dos 80 e 90.
As persoas interesadas poden formalizar a súa inscrición na web...
A Casa de Galicia, en Madrid, acolleu a presentación da IX Carreira de Montes de Viveiro CAMOVI 2019, que terá lugar o vindeiro 27 de abril no municipio da Mariña Lucense, co apoio da Deputación e do municipio viveirense. No acto participaron o voceiro do Goberno Provincial, Álvaro Santos Ramos; a Alcaldesa de Viveiro, María Loureiro García; o Delegado da Xunta en Madrid e Director da Casa de Galicia, José Ramón Ónega López; o Director Técnico da CAMOVI, Pedro Esmorís García; e o Social Media Manager da carreira, Horacio Albo Pérez.
Concello e Deputación achegan 8.000 euros para a celebración deste evento deportivo, que se ten convertido no referente das carreiras por montaña de Galicia e que reunirá, na súa novena edición, a preto dun millar de participantes. En total haberá 6 probas, con diferentes percorridos, adaptados a todos os...
leer más
O 21 de abril terá lugar en Barreiros a VII Carreira Popular das Praias. O evento foi presentado por varios organizadores e afeccionados ao atletismo popular, que estiveron acompañados polo alcalde, Alfonso Fuente Parga.
A carreira comezará ás 11.00 horas na praia de Altar en Barreiros (Lugo). As carreiras infantís serán todas no propio areal con distancias adaptadas en cada categoría, mentres que a absoluta terá a saída na praia de Arealonga (Reinante) e percorrerá todas as praias de Barreiros ata rematar en Altar. Trátase dunha distancia aproximada de 10 quilómetros.
A entrega de dorsais será en Punta Anguieira, diante do Hotel Ría do Masma, habilitando a organización un servizo de autobuses para o traslado de participantes dende a zona de meta á saída. Ao remate da carreira será a entrega de trofeos e haberá...
leer más
O Presidente da Deputación, Darío Campos Conde, presentou este mércores na Praza Maior de Viveiro, a cuarta edición doRaid Gallaecia, unha proba multideportiva que se celebrará entre o 10 e o 19 de maio nos concellos da Comarca da Mariña e en Muras, e na que participarán máis de 150 deportistas de todo o continente. No acto, Campos Conde estivo acompañado polo Deputado de Deporte, Pablo Rivera Capón,a Alcaldesa de Viveiro, María Loureiro García, o Presidente da Mancomunidade da Mariña, Alfredo Llano García, os organizadores e representantes de varios dos concellos polos que descorrerá a proba.
O Presidente destacou que “A Mariña descóbrese como espazo cunha gran potencialidade para as competicións que unen deporte e o patrimonio natural, así se demostrou fai unhas semanas co Illa Pancha Challenge, un evento que encheu Ribadeo de...
leer más
Unha nova iniciativa deportiva acaba de porse en marcha no Concello de Xove, denomínase XOVE COSTA TRIAL (XCT).
O día escollido para esta cita é o domingo, 24 de marzo. Nesta carreira imos ter dúas distancias: unha de 25 km (XCT25KM) e outra de 13 km (XCT13KM), así como unha ANDAINA DE 11 KM.
A saída desta carreira farase dende o Cabo de Morás, transcurrindo pola costa de Xove, pasando por lugares tan atractivos coma a Illa de Sarón, Coto da Vela, Punta Merixe, Praia de Portocelo, San Tirso, Roncadoira, Ensenada de Coído, Punta Mansa, Praia do Muiñelo, etc. ata chegar ao Centro Cívico. O percorrido vai pasar polas seguintes parroquias do Concello: Morás, Portocelo, Xuances, Sumoas, Lago e Xove.
A concentración inicial realizarase na Praza do Centro Cívico, onde os participantes...
leer más