Belén
O Concello de Viveiro inaugura este venres, día 6 de decembro, o belén con figuras a tamaño real ‘Viveiro Ante o Berce’, e procederá ao acendido das luces de Nadal. Haberá chocolatada gratuíta para todos os asistentes.
‘Viveiro ante o Berce’, situado como sempre no atrio de Santa María e nas súas inmediacións, vaise inaugurar ás 19:30 horas, coa actuación do coro do CEP Lois Tobío e ofrecendo un chocolate aos asistentes, para o que se instalará unha pequena carpa no espazo entre as rúas Teodoro de Quirós e Pedro Fernández Orol. A esa mesma hora, ademais, procederase ao tradicional acendido das luces.
A alcaldesa, María Loureiro, explica “a importancia de acender o alumeado coincidindo coa ponte de decembro, alongando un mes o Nadal e favorecendo ao comercio e ao sector servizos. O belén é un referente a nivel...
leer más
O Concello de Cervo programa unha nova edición do Belén de Plastilina que confeccionan cada ano os nenos e nenas do municipio. Nesta ocasión a data elixida para desenvolver a actividade é o sábado 7 de decembro e será ás 12:00 horas en Cervo, na Casa do Concello, e ás 17:00 horas, na Casa da Cultura, en San Ciprián.
Os beléns de plastilina permanecerán expostos ao público durante todo o Nadal.
A Asociación de Belenistas da Diocese de Mondoñedo-Ferrol organiza para este sábado, 27 de xaneiro, co gallo da clausura do belén da catedral mindoniense, unha mesa redonda para falar dos Reis Magos. Será ás 20:00 horas no Salón de Coengos do Real Seminario Conciliar de Santa Catalina, na rúa Padre Sarmiento 1, de Mondoñedo.
O título é “Os Reis Magos: memoria, iconografía, literatura” e será unha viaxe máxica dende o belén da Catedral de Mondoñedo á infancia de Carlos Casares. Contará coa presenza do presidente da Fundación Carlos Casares, Xavier Casares; Carlos Henrique Fernández Coto, presidente de APATRIGAL; o escritor e xornalista Ramón Loureiro; e Gustavo Adolfo Garrido, secretario da Fundación Carlos Casares. Presenta e modera José Luis Fernández (Keno), presidente da Asociación diocesana de Belenistas.
A sala de exposición da biblioteca municipal de Viveiro acolle ata o día 6 de xaneiro, sábado, o belén instalado pola asociación Bágoas da Terra. Pode visitarse de 12:00 a 13:30 horas e de 17:30 a 20:30 horas
É un belén que ten figuras ataviadas co traxe tradicional galego, algunhas delas en movemento, e construcións feitas a man polo artesán Hortensio Gómez. Os murais e o cartel son obras de Esther Raposo.
A igrexa de Vila do Medio, en Burela, acolle un belén que pode visitarse este xoves 21 e o sábado 23
Na igrexa de Vila do Medio, en Burela, está instalado un belén tradicional elaborado pola veciñanza dese barrio. Poderá visitarse este xoves, 21 de decembro, de 17:30 a 19:30 horas e o sábado 23 de 12:00 a 13:30 e de 17:30 a 20:00 horas.
O Concello de Burela agradece á veciñanza do barrio de Vila do Medio o seu traballo para crear ano tras a ano este tradicional belén.
O tradicional belén da Rigueira, no municipio de Xove, leva realizándose por estas datas desde hai máis de tres décadas grazas á iniciativa e dedicación da veciñanza desa parroquia. E desde o pasado domingo, 10 de decembro, pode visitarse tódolos sábados, domingos e festivos de 16:00 a 19:00 horas na Igrexa da Rigueira, excepto Noiteboa e Fin de Ano, días nos que pechará ás 18:00 horas.
El belén de la Catedral de Mondoñedo será inaugurado el 23 de diciembre, sábado, a las 17:00 horas.
El acto incluye un pregón a cargo del periodista y escritor Ramón Loureiro y la bendición del belén por parte del obispo de la Diócesis Mondoñedo-Ferrol, Fernando García Cadiñanos. Participarán también los músicos Daniel Pérez y Carlos Fernández y el campanero catedralicio Valentín Ínsua.
Xa está aberto ao público o belén 'Viveiro ante o berce' no atrio da Igrexa de Santa María de Viveiro.
O belén considérase como un dos máis importantes de Galicia, destacando pola súa beleza, a dimensión das súas pezas, a extensión do conxunto do propio belén e por estar instalado nun enclave histórico-monumental único.
"O belén é un dos referentes do Nadal da Mariña e de Galicia, e constitúe un importante reclamo turístico e cultural para o municipio. A súa relevancia atrae a unha gran cantidade de visitantes, o que supón un impulso económico destacable para a economía local", asegurou a alcaldesa, María Loureiro.
Viveiro ante o berce estará aberto ata o 14 de xaneiro.
A asociación Os Sendeiros, de Foz, anuncia que o sábado 23 de decembro porá o tradicional Belén de Cumes e nesta ocasión a cima elixida será o alto do Virín, no municipio de Foz. Esta actividade é gratuíta e os participantes poderán levar algunha figuriña para o belén.
A saída será ás 10:00 horas desde a capela do Carme, en San Martiño. E o último día para anotarse é o 22 de decembro. Os interesados poden contactar cos teléfonos 606.71.84.82 (Laura) ou 670.36.90.17 (Morís).
Viveiro inaugura o martes 5 de decembro o belén de gran tamaño Viveiro ante o berce e as luces de Nadal.
A alcaldesa, María Loureiro, explica que “Viveiro foi un Concello pioneiro en acender o alumeado coincidindo coa ponte de decembro, coa intención de alongar a campaña de Nadal e favorecer así ao comercio e ao sector servizos”.
Ademais deste acendido das luces, inaugurase tamén o propio día 5 o belén Viveiro ante o berce, organizado polo Concello e financiado pola Deputación de Lugo a través dun convenio.
A concelleira de Cultura, Lara Fernández, sinala que este belén é “un referente a nivel galego, e como tal atrae a moitísima xente de toda Galicia que vén a Viveiro para velo, contribuíndo así tamén á dinamización do sector servizos”.
Con motivo da inauguración desta...
leer más