Ribadeo
Dentro do programa Peregrinos Musicales, Ribadeo acollerá un Concerto de Nadal a cargo do dúo Dail, formado por Ilona Timchenko ao piano e o violinista Serguey Arutyunyan. Será este domingo, día 29 de decembro, ás 20:00 horas no auditorio municipal Hernán Naval.
O prezo da entrada é de 3 euros.
A Coral Polifónica de Ribadeo, que dirixe Mari Carmen Rodríguez Cancelo, ofrecerá un concerto de panxoliñas polas rúas da vila ribadense este venres, día 27 de decembro, a partir das 20:00 horas.
Empezará o percorrido no Quiosco da Música e seguirá pola igrexa da Orde Terceira, a rúa Ramón González, a Praza de San Roque, a Praza 8 de marzo e As Catro Calles.
A pintora Jovita López Veres expón parte da súa obra en Ribadeo desde este sábado, día 28 de decembro, ata o 5 de xaneiro. A mostra poderá visitarse na sala de exposicións do Campo neste horario: de 12:00 a 14:00 e de 18:00 a 20:00 horas.
É unha exposición a beneficio da Asociación Española Contra o Cancro.
A Asociación Cultural e Lúdica Catro Caños, de Ribadeo, organiza unha festa pre fin de ano este sábado, día 28 de decembro, nunha carpa instalada no parque ribadense.
Haberá racións de caldo a partir das 21:00 horas, monólogo de Federico Pérez ás 22:30 horas, badaladas, uvas, champán, actuación de La disquetera (grupo de versións de pop e rock español) e DJ Tralla ata peche; “para vivir unha noite inesquecible nestas festas”, din os organizadores.
A Banda Municipal de Música de Ribadeo ofrecerá o seu tradicional concerto de Nadal titulado Aquí como en Viena este sábado, día 28 de decembro, ás 20:30 horas no auditorio municipal Hernán Naval. Nesta ocasión levará a batuta o subdirector da formación, Rubén Solloso, que substitúe ao titular da Banda, David Ballester, que está de baixa.
Rubén Solloso anunciou que esta actuación “terá dúas partes: a primeira será con temática de Nadal e obras que van ir de menos a máis, xa verán os que vaian ao concerto a que me refiro con isto; e despois terá unha segunda parte xa máis tradicional, na liña que víñamos facendo, de temas relacionados co concerto de aninovo en Viena, con valses e ese tipo de pezas”.
Para Rubén Solloso esta será a primeira vez que dirixa un concerto enteiro da Banda de Ribadeo. Explica que...
leer más
A Escola Vella de Rinlo, no concello de Ribadeo, acollerá un concerto este sábado, día 28 de decembro ás 18:00 horas. Actuarán Erikas e Peluxías e O Resol.
Está organizado pola asociación cultural A Tribo da Travesía e o Concello de Ribadeo.
A Biblioteca Pública Municipal El Viejo Pancho, de Ribadeo, acollerá a presentación do libro titulado Hilando Cicatrices, de Teresa Ventura. Será este venres, día 27 de decembro, ás 20:00 horas.
O acto será presentado polo cronista oficial de Ribadeo, Eduardo Gutiérrez.
A Asociación Cultural a Tribo da Travesía organiza un concerto de Uxía Senlle e Pablo Novoa este xoves, día 26 de decembro, ás 20:30 horas no Círculo Habanero da Devesa (Ribadeo).
Uxía e Pablo Novoa estrean "A luz das cancións”, un repertorio no que recrean algunhas das cancións que máis os iluminaron e inspiraron aos dous. Será un paseo pola súa memoria musical e afectiva. Uxía cantará en francés, italiano, portugués, por rumba e percorrerán clásicos galegos e pezas máis recentes sen esquecer algún dos éxitos de Golpes Bajos, o grupo mítico do que formou parte Novoa nos anos 80.
As entradas poden mercarse na Pastelería Cafetería Pan de Limón (Ribadeo) ou reservarse no WhatsApp...
leer más
Cento trece persoas participarán o 30 de decembro na II Marcha Interxeracional San Silvestre, que partirá ás 12 do mediodía da rúa Dionisio Gamallo Fierros e rematará na Praza de España.
Está organizada polo CAPM A Concordia e polas Concellerías de Deportes, Mocidade e Benestar Social, que contan coa colaboración do ximnasio Origen, de Ribadeo.
Francisco José Silvent, concelleiro de Deportes, agradece a participación das asociacións e colectivos que confirmaron a súa presenza nesta cita. Son: Apned, Asociación Guillem Veiga, Asociación Fraternidad, Fundación Edes, Fundación Apertas, Asociación Saúde Mental A Mariña e Fundación Eu Son.
O edil ribadense anima “a toda a cidadanía de Ribadeo que nos queira acompañar nesta proba pola accesibilidade e pola inclusión a que se acheguen o...
leer más