Eventos
En Burela quedan suspendidas todas as actividades organizadas polo Concello, entre as que se atopan as culturais, as destinadas ás persoas maiores e aos estranxeiros, entre outras. Tampouco haberá escolas deportivas e nas vindeiras horas decidirase si se pecha a biblioteca municipal. Polo momento mantense o mercado semanal previsto para mañá. O alcalde, Alfredo Llano, fai unha chamada á tranquilidade e á responsabilidade da poboación.
O rexedor dixo que “o Concello de Burela, como é normal, tamén está sensible a todo isto do virus que está afectando dunha maneira preocupante e simultaneamente en moitos lugares. As medidas que se están adoptando son aquelas que considero que se deben tomar de forma consensuada e coordinada, a través da Xunta e de organismos que realmente sexan capaces de abarcar todo o territorio, ese é o mellor método...
leer más
Este xoves, 12 de marzo, dá comezo o Programa de Difusión Cultural ADRAL, organizado pola Xunta de Xunta de Cofradías da Semana Santa de Viveiro. Será co concerto que ofrecerá o Coro do Conservatorio de Música de Viveiro ás 20:30 horas na Igrexa das MM Concepcionistas.
O venres, 13 de marzo, ás 20:30 horas na Sala Multiusos do Concello terá lugar a conferencia inaugural titulada As mulleres nos relatos evanxélicos da paixón, que correrá a cargo de Antonio Menduiña Santomé, director do Instituto Teolóxico San José de Vigo. Pechará este acto o Obradoiro de Canto Coral do Conservatorio de Música de Viveiro.
O sábado, 14 de marzo, ás 20:30 horas na Igrexa de Santa María ofrecerá un concerto a Banda Municipal de Música O Landro de Viveiro. Este concerto terá como mestre de cerimonias ao guía actor Suso Martínez, que...
leer más
A Deputación de Lugo organiza nos seus centros de atención a maiores, en Trabada, Pol, Ribadeo e A Fonsagrada, un programa de actividades para os usuarios e usuarias con motivo do Día da Muller.
Está previsto que fagan lecturas conxuntas de obras escritas por mulleres, participen en charlas-coloquio sobre o papel de mulleres galegas referentes, desenvolvan obradoiros de realización de agasallos e visualicen unha serie de vídeos nos que as protagonistas son as mulleres que viven en cada unha das residencias.
Centros e actividades
CAM de Trabada
-8 de marzo: Obradoiro de elaboración de agasallos para as mulleres do CAM de Trabada.
-11 de marzo: Charla-coloquio Os fitos alcanzados polas mulleres ao longo dos anos. Homenaxe ás mulleres galegas que fixeron historia. Ademais, proxectarase o vídeo A...
A Concellería de Cultura de Burela inicia a súa programación de mes de marzo coa ópera Rigoletto, que se presentará este domingo, 8 de marzo, ás 19:00 horas no Auditorio Municipal.
Esta representación da ópera Rigoletto, de Giuseppe Verdi, correrá a cargo da Orquestra e Coros do Teatro Nacional de Moldavia e solistas internacionais convidados. As entradas, á venda en ataquilla.com, están case esgotadas pero o propio día do espectáculo poranse á venda na billeteira arredor de 50 localidades.
O 14 de marzo haberá teatro a cargo do grupo Andanzas de Viveiro, que porá en escena a obra El caso de la mujer asesinadita, de Miguel Mihura e Álvaro de la Iglesia. A actuación será no Auditorio Municipal ás 20:30 horas e a entrada será de balde.
O 17 de marzo terá lugar a presentación da Semana Santa...
leer más
A Federación de Comercio de A Mariña (FCAM) organiza unha xornada informativa destinada a empresas e emprendedores. Esta actividade terá lugar o 5 de marzo no Cenima de Foz a partir das 12 do mediodía. A entrada é libre.
Baixo o título de Emprende, os conferenciantes facilitarán información sobre subvencións e axudas a empresas e emprendedores desde distintos organismos públicos e asociacións colaboradoras, entre outros asuntos. O presidente da FCAM, José Carlos Paleo, subliña que “o obxectivo desta xornada é animar a emprender e que a xente se anime aos traspasos de negocios. Tamén se falará do mercado do aluguer e das axudas e subvencións ás que poden optar os emprendedores”.
Na xornada intervirán: José Carlos Paleo, presidente da FCAM; Antonio Dorrego, economista de 3A Consultores; Pilar Fernández, xefa...
leer más
VIA Alfoz organiza a sexta edición da tradicional ofrenda floral na conmemoración do Día Internacional da Muller. O evento levarase a cabo o vindeiro domingo 8 de marzo ás 12:30 horas nas inmediacións do Castelo de Castro de Ouro, “estando convidados todos os veciños e veciñas que libremente queiran participar neste acto que se iniciou de forma espontánea en 2015” tal e como apuntan desde VIA Alfoz.
Efegenia Maseda, Presidenta de VIA Alfoz, será este ano a encargada de ler un manifesto enxalzando o enorme traballo das nosas mulleres, recordando que o evento realízase “coa intención de facer unha homenaxe a todas as mulleres en xeral e, sobre todo, a todas as mulleres de Alfoz, a aquelas que nos deixaron e que traballaron por este concello, e ás que están a loitar polo futuro do seu pobo onde queren poder seguir traballando”.
... leer más
O comité executivo da Fundación Expomar celebrou unha xuntanza nas últimas horas para continuar coa organización das Xornadas Técnicas e o Encontro Empresarial que se celebrarán os días 28 e 29 de maio. Na cita deste 2020 abordaranse temas como a xestión pesqueira actual e futura ou o mercado de consumo e a comercialización. A Fundación Expomar continuará a traballar nas vindeiras semanas para pechar os poñentes deste ano.
O alcalde de Burela e presidente da Fundación Expomar, Alfredo Llano, contou que “a xuntanza que mantivemos onte foi coa finalidade de ir xa atando cabos para facer unha nova edición de Expomar, coas Xornadas Técnicas e o Encontro Empresarial que corresponde facer no mes de maio. Hai que ter en conta que a feira exposición se fai cada dous anos, polo tanto este ano non toca, pero si que imos ter as Xornadas Técnicas e o...
leer más
O Concello de Foz organiza, previo á celebración do pleno ordinario da corporación municipal deste xoves, 5 de marzo, unha concentración na praza do Concello con lectura de manifesto, con motivo do Día da Muller Traballadora.
Desde o Concello focense anuncian que “o xoves 5 de marzo ás 20.00 horas convócase a tod@s @s focegas e focegos a dar apoio e visibilidade a todas esas mulleres traballadoras que co seu esforzo, día a día, moven o país e son piar fundamental da nosa sociedade”.
Ademais explican que “a brecha de xénero é palpable en tódolos ámbitos e constitúe unha grave discriminación para todas aquelas persoas que polo mero feito de nacer muller teñen graves atrancos para ter as mesmas oportunidades que os seus compañeiros varóns. Este ano queremos facer especial mención ao eido dos coidados a persoas en...
leer más
Ribadeo celebrará o Día Internacional da Muller coa Gala Por Elas e Para Elas, que terá lugar no Cine Teatro o vindeiro sábado, 7 de marzo, a partir das oito da tarde. A entrada é libre e gratuíta. O evento foi presentado no salón de plenos do Concello.
A concelleira de Igualdade, Mariluz Álvarez Lastra, dixo que “hoxe vimos presentar a acción que a Concellaría de Igualdade en colaboración co CIM, está a organizar para conmemorar o Día Internacional das Mulleres. Seguindo as liñas propostas este ano pola unión do feminismo galego,nas cales se decidiu situar os coidados no centro das reivindicacións deste 8 de marzo, baixo o lema Sen coidados, non hai vida... artellamos este acto a nivel local, para poñer o foco nos coidados das persoas da nosa vila”.
A edil nacionalista subliñou que “se trata dunha Gala que...
leer más