Eventos

O Concello de Ourol organiza, un ano máis, a Ludoteca de Verán para nenos e nenas empadroados/as en Ourol con idades comprendidas entre os 4 e 12 anos (cumpridos ó longo deste ano). Esta actividade terá lugar dende o 1 de xullo ata o 31 de agosto de 2021 e realizarase en horario de 10:30 a 13:30 de luns a venres.

O prazo de inscrición comeza o día 10 de xuño e rematará o día 17 do mesmo mes. No caso de quedar prazas vacantes abrirase un prazo de 1 día (18 de xuño para persoas non empadroadas). 

As solicitudes realizaranse no Concello (Rexistro/Departamento de Servizos Sociais) a partir das 9:00 horas do día 10 de xuño segundo modelo normalizado. Tamén serán admitidas as solicitudes presentadas por correo electrónico no modelo normalizado (que estará dispoñible na Sede Electrónica do Concello) na seguinte dirección...

O vindeiro 19 de xuño terá lugar a estrea das audioguías ficcionadas de Lourenzá e de Alfoz, que se suman ás xa existentes de Mondoñedo, Ribadeo e Viveiro. Esa fin de semana, os días 19 e 20 deste mes, terán lugar varios paseos ficcionados que contarán coa presenza dos actores de Chévere, o grupo de teatro que deseñou e elaborou este proxecto para a Mancomunidade de Concellos da Mariña e no que colaboran a Deputación de Lugo e a Xunta de Galicia e os concellos escenarios das audioguías.

Con motivo da presentación o próximo 19 de xuño das novas audioguías ficcionadas para Lourenzá e Alfoz, estes dous concellos xunto aos de Mondoñedo e Ribadeo, á Mancomunidade e á compañía de teatro Chévere poñen en marcha a iniciativa Chévere acompaña as audioguías ficcionadas da Mariña Lucense, acción coa que se pretende poñer en valor e dar a coñecer este...

Burela prepárase para vivir dun xeito diferente a fin de semana grande das súas festas patronais, marcadas neste 2021 pola situación sanitaria ocasionada polo covid. 

Hoxe, venres, ás oito da tarde na praza da Mariña terá lugar o concerto do grupo de rock da Escola Municipal de Música de Burela. Mañá, 5 de xuño, desde as nova da mañá na praza do Concello desenvolverase a confección da alfombra floral. E haberá pasarrúas a cargo da Mekánika Rolling Band e da A.C.M. Dambara, un entre as 12 e as 15 horas e outro entre as 19 e as 21 horas. Xa ás nove da noite celebrarase misa solemne na igrexa parroquial de Santa María.

O domingo, 6 de xuño, a Banda de Santo Inocencio de Teixeira ofrecerá un pasarrúas por Burela. E ás 12 haberá de novo misa solemne na igrexa parroquial e á unha do mediodía interpretación da salve...

A deputada de Medio Rural, do Mar e Mocidade, a nacionalista Mónica Freire ven de presentar a campaña de sensibilización mariña Coida os mares, coida a vida xunto aos representantes de Adega, a alcaldesa de Barreiros, Ana Ermida, o alcalde de Ribadeo, Fernando Suárez, e o concelleiro de Medio Ambiente, Jorge Díaz. 

Con esta campaña, a Área de Medio Rural, do Mar e Mocidade pretende poñer en valor o respecto pola biodiversidade animal e vexetal coa que contamos no litoral da provincia de Lugo para poder conservar e utilizar de xeito sostible os nosos recursos mariños.

Por este motivo, coincidindo co día mundial dos océanos o vindeiro 8 de xuño a Asociación para a Defensa Ecolóxica de Galicia (Adega) iniciará unha serie de actividades de educación ambiental, dirixidas a mozos e mozas en idade escolar en varios...