Ruta
Do 14 ao 16 de abril terá lugar a XVIII Ruta das Tapas de Foz, que organiza AciaFozCCA. Dez locais hostaleiros ofrecerán as súas creacións en miniatura en horario de mediodía e noite, de 13 a 15 horas e de 20 a 23 horas. O prezo da tapa será de 2 euros.
Os participantes na cita gastronómica desta Semana Santa son Anduriña, A Rambla-Pachán, Augas Santas, Dandy, Espacio Machete, Happy Days, Namarinos, O Pelolo, O Tangarte e Xoyma.
Anduriña servirá piruleta de tenreira galega en tempura sobre queixo de San Simón e redución de viño Mencía; na Rambla-Pachán poderase saborear salpicón de pescada; en Augas Santas albóndega de tenreira á cervexa negra con boniato; en Dandy hojaldre de carrilleira; en Espacio Machete poderase degustar brioche 2.2; en Happy Days pemento recheo de bacallao; en Namarinos niño de bacallau con...
leer más
O Concello de Foz pon en marcha a Ruta dos Miradoiro despois de colocar un banco de madeira no monte Cornería. O alcalde, Fran Cajoto, chancea: “estamos a poñerllo ben difícil a Loiba, o banco do monte Cornería está a un nivel superior”.
O Concello de Foz vén de poñer en valor o miradoiro natural do monte Cornería, punto central dunha das fermosas rutas de sendeirismo coas que conta o concello, e o concelleiro de Turismo, Chema Linares, explica: “colocouse un banco rústico de madeira, feito por un ebanista local, que seguro fará as delicias dos visitantes que queiran achegarse a disfrutar das impresionantes vistas, tomar unha foto e levarse un bonito recordo de Foz. Desde o banco do monte Cornería podemos divisar a ría de Foz e o curso final do Masma, co Mar Cantábrico abrazando a vila de Foz e Vilaronte aos nosos pés”.
... leer más
O Concello de Barreiros organiza, a través da súa área de Turismo, unha ruta xeolóxica pola costa de Barreiros que terá lugar o sábado 16 de abril ás 10:00h, con saída dende a praia de Arealonga e final na praia de Fontela-Valea (aprox. 3,5Km lineais). A actividade durará aproximadamente 3,5 horas, sen contar o regreso ao punto de partida estimado nuns 30 minutos. Novamente, estará guiada polo xeólogo Francisco Canosa.
O litoral de Barreiros presenta unha interesante xeodiversidade que soe pasar desapercibida, un patrimonio natural que nos axuda a entender a historia do planeta terra. Así poderase coñecer como se crean as furnas e arcos que se presentan ao longo desta franxa costeira e que recordan aos da coñecida Praia das Catedrais. Falarase tamén das diversas rochas que atopamos ao longo do percorrido e da súa xénese. Descubriremos...
leer más
A asociación deportiva de sendeirismo Pasada das Cabras de Burela organiza unha ruta pola Fervenza do Belelle, en Neda, o 9 de abril.
A saída será ás 8:30 horas da estación de autobuses de Burela.
As persoas interesadas en participar deben anotarse antes do 7 de abril en Gráficas Arfe ou nos números de teléfono 982 580 504 e 657 821 194. O prezo para os socios é de 25 euros e 30€ para os non socios. Inclúe o autobús, a comida e o seguro.
A ruta ten unha lonxitude de 8 quilómetros e un nivel de dificultade baixa. A organización recomenda levar bastón e calzado axeitado e haberá que respectar en todo momento as normas de seguridade vixentes.
A asociación Os Sendeiros de Foz participarán nunha ruta con motivo do V Día do Sendeirista de Galicia, organizado por Montañeiros Celtas, que discorrerá pola Serra do Galiñeiro o 3 de abril.
A saída de Foz será ás 6:00 horas e de Ferreira ás 6:15 h.
As persoas interesadas en participar poden anotarse ata o martes 29 de marzo, nos teléfonos 606 718 482 e 670 369 017 ou en ossendeiros@yahoo.es. Os prezos son: 38 euros para os socios federados, 42€ para os socios non federados e 46 euros para o socio temporal. Inclúese o bus e o xantar.
A organización recomenda levar equipo de sendeirismo, pasaporte covid e mascarilla. A ruta de 14 quilómetros de recorrido ten un nivel de dificultade medio.
O Concello de Foz colabora na...
leer más
A asociación Terras de Lourenzá organiza unha ruta de sendeirismo pola Costa da Morte. Será o 26 de marzo. A saída está prevista para as sete da mañá desde o Cantón de Vilanova.
A ruta, de dificultade baixa, será de 13,5 quilómetros. Ao remate haberá un menú mariñeiro nun restaurante de Camariñas.
As persoas interesadas en acudir poden anotarse ata as oito da tarde do 23 de marzo nos seguintes teléfonos: 647 06 70 54 (Javi) e 619 82 87 84 (Pura)
O prezo para os socios será de 40 euros e para os non socios de 45.
Colabora na organización Lourenzá Turismo.
A XII edición da Ruta de Enduro Medela MTB celébrase o vindeiro domingo 6 de marzo. A cita deportiva foi presentada polo alcalde de Cervo, Alfonso Villares, o edil delegado de Deportes, David Rodríguez, e membros do Club Medela, Abel Ordas e David Riera.
A proba, de dificultade media-alta, será de 33 quilómetros, e 1.400 metros de desnivel acumulado e permitirá desfrutar de 4 tramos perfectamente acondicionados polos membros do Club “que levan meses traballando no trazado para que ese día os amantes das dúas rodas poidan gozar dunha competición de primeiro nivel no Concello de Cervo”.
Villares e Rodríguez quixeron agradecerlles unha vez máis aos integrantes da asociación o seu traballo “porque eles son os responsables do éxito desta competición á que dedican moitas horas do seu tempo logrando facer do noso...
leer más
A asociación Os Sendeiros de Foz organiza unha ruta por terras de Lalín o 13 de marzo.
A saída será ás 6:00 horas de Foz, diante de Cenor, e ás 6:15 desde Ferreira.
As persoas interesadas poderán anotarse ata o 9 de marzo nos teléfonos 606 718 482 e 670 369 017 ou no e-mail ossendeiros@yahoo.es. Os prezos serán de 50 euros para os socios federados, 54€ para os socios non federados e 58 euros para os socios temporais. Está incluído o bus e o xantar.
A ruta, cun nivel de dificultade medio, percorrerá a zona do Castro de Doade e os participantes desfrutarán dun cocido ademais de visitar un museo con obxectos tradicionais e castrexos.
A organización recomenda levar equipo de sendeirismo, pasaporte covid e mascarilla.
... leer más
A asociación Os Sendeiros de Foz organiza unha ruta pola senda costeira entre Cudillero e San Esteban de Pravia, en Asturias, o domingo 20 de febreiro.
A saída será ás 7:45 horas de Ferreira e ás 8:00 de Foz.
As persoas interesadas poden anotarse ata o 16 de febreiro nos números de teléfono 606 718 482 e 670 369 017 ou en ossendeiros@yahoo.es. Os prezos son de 30 euros para os socios federados, 34 euros para os socios non federados e 38 euros para o socio temporal. Está incluído o autobús e o xantar.
A organización recomenda levar equipo de sendeirismo, pasaporte covid e mascarilla. A ruta ten unha lonxitude duns doce quilómetros e un nivel de dificultade medio.
O Concello de Foz colabora na organización deste evento.
A asociación Os Sendeiros de Foz organiza unha ruta por terras de Trabada o 23 de xaneiro. A saída será ás 9:00 horas de Foz, diante de Cenor, e ás 8:45 de Ferreira.
As persoas interesadas poden anotarse ata o 21 de xaneiro nos teléfonos 606 718 482 e 670 369 017 ou en ossendeiros@yahoo.es. A actividade é gratuíta para os socios federados e ten un prezo de 4€ para os socios non federados e 5 euros para o socio temporal.
A ruta, que discorrerá pola fraga do monte Roxal, en Teixido-Trabada, ten unha lonxitude duns oito quilómetros e un nivel de dificultade medio.
A organización recomenda levar equipo de sendeirismo con botas e bastóns, pasaporte covid e mascarilla.
O Concello de Foz colabora na organización desta actividade...
leer más