Rapaces
O Concello de Ribadeo abre o prazo de inscrición para as actividades infantís e xuvenís de verán o vindeiro luns, día 7 de maio. No programa inclúense colonias, acampada e escolas deportivas.
Para as colonias e a acampada xuvenil o prazo de solicitude de prazas estará aberto do 7 ao 16 deste mes, o sorteo das prazas será o día 23 e o período para presentar o xustificante de pago empezará o 28 de maio e rematará o 8 de xuño. Para as escolas deportivas o prazo de inscrición comeza tamén o vindeiro luns.
As colonias de verán terán lugar no colexio Gregorio Sanz durante 4 semanas do mes de xullo e haberá tres grupos: para alumnos de Infantil; de 1º e 2º de Primaria; e de 3º, 4º, 5º e 6º de Primaria.
A acampada multiaventura é para rapaces e rapazas a partir de 12 anos de idade e celebrarase...
leer más
A Concellaría de Cultura ven de convocar o II Certame Xuvenil Literario e de Artes Plásticas Concello de Ribadeo no que poderán participar xoves mariñáns con idades comprendidas entre os 16 e os 31 anos. O prazo de presentación de traballos estará aberto do 7 de xaneiro ao 31 de marzo. Haberá un premio de 500 euros para cada unha das tres categorías: relato curto, poesía e debuxo e pintura.
O edil de Cultura, Farruco Graña, explicou que “neste Certame poderán participar todas aquelas mozas e mozos nacidos entre o 1 de xaneiro de 1987 e o 31 de decembro do ano 2001 e que naceran e/ou vivan en calquera dos Concellos da Mariña mindoniense. Co ánimo de facilitar a participación do reducido número de estudantes de Bacharelato Artístico no IES Monte Castelo de Burela, aquelas persoas que estean estudando no mesmo o Bacharelato de Artes e non...
leer más
O Concello de Cervo, a través da delegación de Xuventude, deseñou un nova edición do programa Xuventude no Nadal, dirixido aos mozos e mozas de entre 12 e 25 anos.
A edil de Xuventude, Dolores García Caramés, achegouse ata o IES Marqués de Sargadelos para presentarlles as actividades aos rapaces, que se desenvolverán os días 26, 27, 28 e 29 de decembro,
En concreto, o martes 26 de decembro, a partir das 17:00 horas, no Pavillón da Veiga, haberá volei 3x3, baloncesto 3x3 e fútbol 3x3; ademais de pádel e ultimate; que é un deporte de equipo que se xoga con frisbee.
O mércores 27 de decembro, tamén a partir das 17:00 horas, no Pavillón da Veiga, os rapaces poden practicar sumo e loita, divertirse no rocódromo, na pista americana, nos karts a pedais, na barredora, no toro ou coa zorb ball....
leer más
O Concello de Cervo programa varias sesións de cine na Casa da Cultura. Comezarán o xoves, 7 de decembro, ás 19:30 horas, coa película infantil Coraline. Este film foi gañador dos premios Annie á mellor música, deseño de personaxes e deseño de produción. Recibiu ademais nominacións aos Oscar e aos Globos de Ouro como Mellor Película Animada.
O sábado, día 9, proxectarase tamén ás 19:30 horas, a película xuvenil La Famille Bélier que recibiu seis nominacións aos Premios César, gañando o César á mellor actriz revelación Louane Emera.
O día 26 proxectarase Ballerina, e o 3 de xaneiro Paddington, ambas dirixidas ao público infantil.
O Concello de Cervo, a través da delegación de Educación, programou diferentes obradoiros de motivación e reforzo das habilidades do rapaces.
Tal e como explicou a edil responsable, Dolores García Caramés, os talleres serán impartidos por profesionais especializados na Casa da Cultura de San Ciprián.
En concreto, tal e como apuntou a edil, deseñáronse tres cursos. O programa FORTIUS, que promove competencias persoais, mediante un conxunto integrado de coñecementos, habilidades e actitudes, co fin de fortalecer psicoloxicamente ao rapaz, traballando a prevención de dificultades emocionais, contribuíndo a desenvolver unha personalidade saudable e a fomentar o seu benestar. Vai dirixido a rapaces de entre 8 e 12 anos, e impartirase todos os martes de 18:30 a 19:30 horas. O prazo de inscrición remata o vindeiro luns,...
leer más
Os días 7 e 8 de outubro celebrarase o Campamento de Outono no Pereiro, en Alfoz, organizado por Chao de Castro Altair de Burela.
A actividade está dirixida a nen@s de 7 a 14 anos e abarca dende música, ata cociña pasando por sendeirismo, animais e lecer ao aire libre. O prezo para os non soci@s de Altair é de 28 euros, e inclúe transporte, comida, material, seguros e póliza de accidentes ademais da cota do mes de outubro para quen queira continuar na asociación. O prazo para anotarse remata o 6 de outubro, e as inscricións poden facerse nos números de teléfono 685 325 153 (Bruno-educador), 659 737 312 (Fátima-educadora) e 639 669 134 (Geno-nai representante das familias asociadas, o una dirección de correo chaodecastro.altair.burela@gmail.com.
O programa Noites Alternativas de Foz comezará este vindeiro luns, día 10, e foi presentado pola concelleira de Xuventude e Deportes, Mercedes González, e por Ibán García, da empresa IG10. Haberá fútbol praia, fútbol sala, volei praia, baloncesto e patinaxe e as actividades desenvolveranse no Campo da Cabana e na praia da Rapadoira.
Dende a organización explican que “é un programa completo que enche as noites do verán de deporte para mozos e mozas. Participa tanto xente nova de Foz e doutros concellos da Mariña como doutros lugares de España, que están a pasar as súas vacacións aquí. A inscrición faise ao inicio da actividade. Se algún rapaz ou rapaza dubida en participar por non ter grupo, non hai problema; o primeiro día formamos equipos. Este programa ten un gran éxito todos os veráns e axuda a formar amizades entre persoas que veranean...
leer más
Hoxe martes, 4 de xullo, comenza o proxecto “Diververán Xove”, cun obradoiro de Drons, no que participan un total de 30 rapaces e rapazas de idades entre os 10 e 16 anos. Durante a mañá coñeceran as pezas e a montaxe de Drons, participaran na pilotaxe de Drons, tanto en voo dirixido coma simulado.
O proxecto “Diververán Xove”, está organizado pola OMIX do Concello de Xove e conta coa colaboración de 5 mozas voluntarias. Durante os meses de xullo e agosto organizaranse diferentes actividades (Educación Vial, cociña saudable, realidade virtual, informática, xogos populares,…) de martes a xoves en horario de 10:00 a 14:00, coa finalidade de ofertar ocio alternativo á xuventude do Concello de Xove.
O Concello de Cervo, a través da delegación de Xuventude, pon en marcha este verán o programa Avívate en Cervo dirixido a rapaces e rapazas de entre 18 e 30 anos.
A edil de Xuventude, Dolores García Caramés, trasladouse esta mañá ata o IES Marqués de Sargadelos, para explicarlle aos mozos a proposta, que consiste na realización dunha serie de actividades encamiñadas a dotalos da motivación e das habilidades precisas para o seu futuro.
Neste senso haberá un curso de monitor de tempo libre, que se impartirá dende o 3 xullo; um obradoiro de intelixencia emocional, o 17 de agosto, cunha duración de 3 horas; o obradoiro avívate, estratexias para acadar os teus obxectivos; tamén o 18 de agosto; un obradoiro de motivación empresarial, que se desenvolverá o día 21 de agosto; un xantar de convivencia e unha actividade de ioga.
... leer más
A Concellería de Medio Ambiente, xunto ao Augas Santas Kite Club, organiza unha actividade de paddel surf, na que poderán participar tod@s @s nen@s empadroad@s en Burela e nad@s entre os anos 2001-2009.
O prazo de inscrición estará aberto do 20 ao 22 de xuño. Xa o luns, día 26, farase pública a lista de admitidos no Concello e na súa páxina web. As actividades terá lugar os luns, mércores e venres durante os meses de xullo e agosto. Desde a Concellería de Medio Ambiente Noelia Mª Ben sinala que “a adxudicación de prazas farase por rigorosa orde de inscrición, sempre que se cumpran os requisitos: saber nadar, ter entre 8 e 16 anos e estar empadroad@s en Burela. O material necesario para a actividade correrá a cargo do Concello. Os rapaces só precisarán levar bañador e toalla”
O paddel surf terá lugar na praia de...
leer más