Nenos
En Foz abriu as súas portas o pasado mes de xuño Anacos de Lecer, un centro de ocio infantil, que acaba de converterse en novo asociado de AciaFozCCA.
A súa propietaria Tamara Prado conta que “no centro organizamos cumpreanos, obradoiros como un de Nadal que tivemos hai pouco e outro de decoración de cabazas coincidindo co Halloween, facemos tamén festas temáticas e ofrecemos opcións de conciliación con horas soltas, bonos, cotas mensuais e tamén facemos talleres soltos”.
A empresaria explica o calendario de actividades para o Nadal: “do 23 de decembro ao 5 de xaneiro teremos o campamento de Nadal co obxectivo de axudar coa conciliación. Está destinado a nenas e nenos de 3 a 12 anos. Será de nove da mañá a dúas da tarde, facendo adaptación de horarios segundo as necesidades das familias. Programamos actividades...
leer más
Tanxarina Títeres chega este sábado, 5 de novembro, ao Teatro Pastor Díaz, de Viveiro, con A Cazola de Lola. Trátase dun espectáculo para o público infantil dirixido por Cándido Pazó e con coreografía de A Panadaría. Será ás 18:00 horas.
“Lola sempre arrastra un cazo atrás dela.O cazo caeulle un día enriba... Non se sabe moi ben por que. Por causa deste cazo, Lola xa non é de todo coma os demais. Precisa de moito agarimo, é moi sensible e ten un gran sentido artístico. A miúdo as persoas só ven nela ese cazo que arrastra por todas partes. E atópano raro... Ademais, o seu cazo complícalle a vida. Afortunadamente existen persoas maravillosas, só fai falta dar cunha delas...”
A Biblioteca de Ourol organiza esta actividade para nenos/as e familias desde os 3 anos e ata os 99. Hocus Pocus é un espectáculo cheo de maxia, xogos, música e diversión.
Será o 20 de outubro ás 18:30 horas no edificio multiusos de Ourol.
Os asistentes gozarán unha festa aloucada, divertida, dinámica e con moitas sorpresas.
Para acudir é preciso inscribirse ata o 18 de outubro no teléfono 982 55 90 19 ou no 608694051 (whatsapp).
A entrada é de balde.
O Concello de Viveiro anuncia a representación do contacontos inclusivo titulado “A Maleta” este sábado, 24 de setembro. Esta iniciativa conmemora o Día Internacional da Lingua de Signos que se celebra este venres.
A cita será este sábado ás 18.00 horas na sala multiusos do Concello e diríxese á infancia a partir dos 5 anos. O espectáculo é gratuíto ata completar aforo e non é necesario reservar praza.
A representación inclúe un contacontos inclusivo en lingua de signos e lingua oral. O espectáculo inclúese dentro da programación “Ler conta moito”.
“No Concello de Viveiro cremos que se a cultura non é de todos e para todos, non é cultura, por iso acollemos estas iniciativas que normalizan a inclusión”, sinala a concelleira de Cultura, Lara Fernández Fernández-Noriega.
A área de Deportes do Concello de Burela vén de anunciar as actividades para este verán, do 6 de xullo ao 26 de agosto. Haberá distintas opcións como xogos na praia, rutas de sendeirismo, happy dance e rutas en bicicleta.
O prazo de inscrición será do 27 ao 29 de xuño, debendo cubrir a ficha de inscrición que se facilitará na Casa da Xuventude, no Concello ou descargándoa da web municipal, e entregándoa na Casa da Xuventude xunto coa fotocopia do DNI do pai/nai e fotocopia do libro de familia. Poderán participar nas actividades todas as nenas e nenos nados entre os anos 2025 e 2009.
As cotas de inscrición teñen un custo de 8 euros por mes e actividade, é dicir, abonaranse 16 euros por actividade. En todas haberá un número máximo de prazas para asegurar o correcto funcionamento dos grupos, así como un número mínimo...
leer más
A Delegación de Cultura do Concello de Burela anuncia que celebrará o Día do Neno o próximo 3 de xullo despois de dous anos sen poder realizarse. Nesta ocasión, non será no marco das festas patronais senón que a data trasládase ao inicio do verán.
Habilitaranse distintos xogos, inchables e obradoiros na praza da Mariña e na praza do Concello para goce do público infantil, ao que a área de Cultura quixo dar o seu espazo celebrando este día dirixido aos máis pequenos e pequenas das familias de Burela.
Segundo afirmou o edil de Cultura, Jose Díaz, “retomamos este día porque sabemos que durante as festas patronais non se puido facer, houbo que priorizar e por cuestións orzamentarias quedou pendente, polo que desde o concello ofreceremos o Día do Neno igualmente, nesta ocasión no primeiro domingo de xullo”. Díaz amosou...
leer más
Trinta e dous equipos participarán os días 11 e 12 de xuño no XVII Torneo de Fútbol Base da SD Ribadeo nas categorías de benxamín e prebenxamín. Os encontros disputaranse no estadio municipal Pepe Barrera e no campo do Ceip Gregorio Sanz.
Galicia, Asturias, Castela-León, Cantabria e Portugal son os lugares de procedencia destes xoves xogadores e das súas familias. En total arredor de 600 xogadores se darán cita esta fin de semana en Ribadeo. O concelleiro de Deportes, Jorge Díaz Freije, subliña que “entre xogadores e acompañantes estamos a falar de que recibiremos en Ribadeo a preto de dúas mil persoas esta fin de semana co que iso suporá para a economía local, sobre todo para hoteis, bares, restaurantes e tamén para o comercio”. E engadiu que “as fins de semana nas que se celebran torneos deportivos deste calibre son moi importantes para...
leer más
O Concello de Cervo programa unha nova edición de “Cervo Concilia”, unha iniciativa municipal máis que consolidada que pretende ser “esa ferramenta de axuda á conciliación das familias, en épocas nas que pode resultar complicado como é o verán”.
O programa está dirixido ás crianzas do municipio de entre 3 e 12 anos e desenvolverase desde o 27 de xuño ata o 7 de setembro “traballamos para buscar a fórmula que nos permitise cubrir o total das vacacións escolares, para beneficiar ao máximo ás familias e axudarlles na difícil tarefa de conciliar”, tal e como precisou o rexedor, Alfonso Villares.
Pola súa banda a edil de Educación, Dolores García Caramés, que coordina o programa, apuntou que xa está aberto o prazo de inscrición “que se poderá formalizar ata o 25 de xuño na Casa do Concello o una Casa da Cultura”.
... leer más
O domingo, 24 de abril, ás 12:00 da mañá estará na Libraría Bahía, de Ribadeo, o autor e ilustrador asturiano Alex Meléndez para presentar a súa obra dedicada ao público máis pequeno e editada por La Maleta Ediciones.
Segundo explican desde Libraría Bahía “poderemos escoitar as súas historias e mostrará á cativada a súa arte como ilustrador, dando vida cos debuxos aos personaxes e situacións dos seus libros”.
E engaden: “trátase dunha magnífica oportunidade para que a xente máis pequena da casa escoite e coñeza de primeira man a un autor deses libros que fan as súas delicias”.