musica
Hoxe, venres, chega á cidade do Landro o Grupo de teatro Down Lugo coa obra 21/3. Enmárcase no ciclo “Táboas cheas de emocións” da Vicepresidencia Deputación Provincial de Lugo.
Será ás sete da tarde no Teatro Pastor Díaz. A entrada é de balde ata completar aforo.
Este grupo formouse en decembro de 2004 a partir dun obradoiro de achegamento ao teatro que de inicio contaba con 7 participantes. No 2007 o grupo ampliou o seu número de membros consolidándose como tal. Na actualidade está formado por 16 actrices e actores afeccionados, todos eles con capacidades diferentes, de idades comprendidas entre os 22 e os 55 anos.
21/3 trata sobre cada un dos membros deste grupo, sobre as súas inquedanzas: como nos ven?, como nos gustaría que nos visen?, somos aceptados?, porque temos que ser...
leer más
A compañía Ibuprofeno Teatro chega a Viveiro o vindeiro sábado, 12 de novembro con Smoke on the water. Será ás 20:30 horas no Teatro Pastor Díaz. Trátase dunha traxicomedia con música en directo. A duración é de 85 minutos. O elenco de actores está formado por: Josito Porto. Belén Constenla, Adrián Ríos, María Costas, Mon Orencio
Sipnose: Traxicomedia sórdida con música en directo. Trátase dunha historia de sexo, drogas, rock and roll, enfermidade, violencia, prostitución, vandalismo, morte e, por suposto, de amor.
Ritchie (Blackmore) vive ancorado no Rock and roll dos 70, ten unha tenda de discos e vinilos de colección. Janis (Joplin) xa hai anos que non canta, estuda filosofía na universidade. A súa unión sobrevive despois de case 25 anos de crise matrimonial permanente, formando un círculo vicioso enfermizo, un...
leer más
Dentro da programación cultural do Concello de Alfoz, setembro é o Mes da Música e este sábado, día 17, poderase gozar da agrupación Sons de Celeiro ás 20:30 horas no Pavillón Municipal.
Sons de Celeiro está formada por unha vintena de voces mixtas, acompañadas de guitarra, teclados e harmónica, dirixidas por Daniel Fernández Caxete e Antón Docampo. Fados, boleros, habaneras, cancións de toda a vida e outras compostas por Daniel Fernández Caxete forman o repertorio desta agrupación musical da Mariña.
Como en anos anteriores ata o 15 do presente mes de setembro, está aberto o prazo para inscribirse na Escola Municipal de Música de Burela
Para formalizar a inscrición deberán acudir á Sede na Escola Municipal de Música de Burela, en horario de 10:00-14:00, onde se lles facilitará a documentación necesaria para a matrícula. Asemade, se así o desexan, poderán descargar o impreso da páxina web do Concello de Burela ou ben do Facebook da Escola
Durante este curso, como en anos anteriores, a Escola de Música traballará na organización e desenvolvemento de cursiños de educación musical, concertos didácticos, talleres, etc., nos que se traballarán diversos contidos coma: apreciación musical, discriminación auditiva, coñece-los elementos da música, práctica instrumental, etc.
Continuará aberta...
leer más
O Concello de Alfoz nomea setembro coma o mes da música e celebrarano con actuacións de varios grupos musicais, que serán todas ás 20:30 horas no Salón de Actos da Casa da Cultura.
O sábado 3 actuará Mar Aberto. O seguinte grupo será Sons de Celeiro o sábado 17. E por último o venres, 23 de setembro, actuará Toxo Guayaba.
A entrada é libre e de balde, para poder disfrutar do bo facer e da calidade musical destas tres formacións da Mariña e ofrecer un repertorio variado para todos os públicos.
O vindeiro 20 de agosto celebrarase en Foz a II Panceparty, unha pancetada organizada por Éche O Que Hai, coa colaboración do Concello.
Será no Campo da Cabana a partir das 20:00 horas, pero xa ás 13:00 horas se poderá desfrutar da sesión vermú, que contará con música en directo e DJ.
Nesta festa poderase elixir entre panceta con chourizo ou langostinos, e con cada ración vai incluído pan, auga, viño e unha rifa. O sorteo será ás 00:30 horas
O prezo do tícket é de 10€, pero con venta anticipada a pode conseguirse a 9€ na web www.echeoquehai.com
Desde a organización sinalan que “o próximo día 30 de xullo volveremos ter unha cita nos Xardíns de Viveiro para disfrutar de balde dalgúns dos mellores artistas de electrónica e urbano”.
O cartel estará formado por Mark Broom, Bárbara Lago, Chica Gang, Drea, Karras Martínez, Soffmm, Adrián Roma, Llonas, Edmuk JP
E explican: “despois da paraxe provocada polo COVID-19, a 5ª edición do festival de música eletrónica ETHER - An Electronic Odyssey será nos Xardíns Noriega Varela de Viveiro no día 30 de xullo. A localización do festival terá lugar nun enclave único: entre a histórica Porta de Carlos V e a beleza da ría de Viveiro. O festival será gratuíto e os asistentes poderán desfrutar dos DJ sets a partir das 13:00. Se isto non fora suficiente, en Viveiro e a súa contorna hai extensas praias e montañas para os...
leer más
Ata o día 15 de xullo permanecerá aberto o prazo de matrícula para novos alumnos na Escola Municipal de Música de Burela.
O director do centro, Xan Carballal, sinala que “como en anos anteriores a escola impartirá as especialidades de canto, guitarra, violín, viola, violonchelo, contrabaixo, piano, frauta, clarinete, óboe, fagot, saxofón, trompeta, trombón, trompa, bombardino...,con prazas limitadas, así como clases de grupo de diversas formacións coma orquestra, banda, grupo de coro, grupo de Jazz e música moderna, clases de formación musical para adultos e clases de formación musical para nenos dende os catro anos”.
E engade que “para formalizar a matrícula ou resolver calquera cuestión, a escola permanecerá aberta, nas datas indicadas, en horario de 10 a 14 horas nas instalacións da Rúa da Igrexa, no edificio...
leer más
Musiqueando polas parroquias da Escola Municipal de Música e Danza de Ribadeo chegará o 28 de xuño a Piñeira.
Segundo explica o responsable da EMMeD, Hugo García, “continuando cun dos principais obxectivos do centro, que é ser motor socio-cultural do concello, a escola vén de programar esta pequena actuación en Piñeira o martes, 28 de xuño, ás 19:00 horas no Teleclub, para que as persoas que non residen no casco ribadense, e lles poida resultar máis complicado asistir ás actividades que a EMMeD habitualmente programa, as poidan coñecer máis de cerca. Farase unha mostra do traballo que leva feito unha parte do alumnado do centro ao longo do curso”.
Este curso será o terceiro ano no que este programa se leva a cabo, polo que xa está incorporado dentro da programación anual do centro.
...
leer más
O Presidente da Deputación de Lugo, José Tomé Roca, vén de asinar un convenio de colaboración co presidente da Fundación Xesús Bal y Gay, Enrique Rodríguez Baixeras, no Pazo de San Marcos polo cal a institución provincial achega 12.000€ á organización do Festival Bal y Gay deste ano, que se celebrará do 12 ao 24 de agosto en diferentes concellos da Mariña Lucense.
Tomé Roca puxo en valor a traxectoria e o traballo destafundación “para converter este festival nun referente que sitúa á Mariña e á provincia de Lugo nun lugardestacado do panorama nacional e internacional da música e da cultura”.O Presidente sinalou que“dende a Deputación compartimos plenamente a súa aposta por acercar a música clásica á xente a través deescenarios e lugares de alto interese patrimonial”. Engadiu que, polas súas características e itinerancia, “esta cita...
leer más