Lourenzá
A alcaldesa, Rocío López, e o concelleiro de Cultura, Manuel Arango, presentaron as III Xornadas de Historia Local de Lourenzá, que se celebrarán os días 15 e 16 de febreiro.
Os responsables municipais anunciaron que “o venres 15 ás 19:00 horas proxectarase o documental Os días afogados, que foi Premio Mestre Mateo 2016. E rematará a primeira xornada coa conferencia Historia, mito e lenda do Conde Santo Osorio Gutiérrez, a cargo do historiador Carlos Andrés González Paz, que é doutor en Historia Medieval pola Universidade de Santiago de Compostela e desenvolve o seu labor investigador no Instituto de Estudos Galegos Padre Sarmiento”.
Tamén deron a coñecer que “o sábado 16 ás 19:30 horas será o laurentino Manuel Román Ramos o encargado da conferencia, que tratará sobre O Catastro da Ensenada no concello de Lourenzá...
leer más
O Concello de Lourenzá organiza un programa de dinamización das parroquias, que se desenvolverá desde febreiro ata maio. Haberá actividades de novas tecnoloxías, ximnasia de mantemento, pilates, manualidades e artes decorativas. O prazo de inscrición abriuse hoxe e rematará o 8 de febreiro.
Este programa está dirixido ao desenvolvemento de accións nas parroquias do Concello de Lourenzá co obxectivo de dotar aos seus e ás súas habitantes dunha maior e mellor oferta de actividades de formación, ocio e tempo libre. Realizaranse dous tipos de accións: oferta de actividades de lecer e formación e unha xuntanza con todas as persoas que participen no programa. O obxectivo é mellorar as relacións sociais das persoas do rural de Lourenzá como base para a súa participación social e o fortalecemento da comunidade.
O programa...
leer más
O Concello de Lourenzá organiza a primeira edición dun campionato de chinchón.
Os interesados en participar deben inscribirse na biblioteca municipal. O prazo remata o día 31 deste mes.
A nena Nathalia Cabanas Jiménez, de 11 anos de idade, foi a gañadora do concurso de carteis da Cabalgata de Reis 2019, que organiza o Concello de Lourenzá. Recibirá como premio un lote de material didáctico no transcurso da Cabalgata, que se celebrará o sábado 5 de xaneiro.
O concelleiro de Cultura, Manuel Arango, explica que “a Cabalgata sairá ás 17:30 horas do recinto feiral de Vilanova para percorrer as parroquias de San Xorxe, Santo Tomé e San Adriano. Ás 19:30 horas chegará a Vilanova, percorrerá as rúas e chegará á carpa situada no Campo dos Bolos, onde os Reis Magos recibirán a todos os nenos e nenas que ata alí se acheguen”.
Dentro da programación de Nadal do Concello de Lourenzá tamén haberá cine infantil. O mércores 2 de xaneiro proxectarase a película Richard, la cigüeña e o xoves 3, El reino de las...
leer más
A carpa instalada no Campo do Mosteiro de San Salvador acollerá a actividade denominada Planetario Ciencia Kids o vindeiro mércores, día 26 de decembro. É unha iniciativa promovida pola Deputación Provincial de Lugo.
Esta actividade está destinada a todos os públicos e desenvolverase en tres sesións dunha hora de duración: ás 16:30, as 17:30 e ás 18:30 horas.
A programación de Nadal organizada polo Concello de Lourenzá comezará este domingo, día 16, cun obradoiro e espectáculo de maxia. E rematará coa cabalgata dos Reis Magos o 5 de xaneiro.
O concelleiro de Cultura, Manuel Arango, anuncia que “este próximo domingo, 16 de decembro, a partir das cinco da tarde, Hermanager Producións trae á carpa situada no Campo dos Bolos o espectáculo Apren-Deimi e un obradoiro de maxia. Desta maneira o Concello de Lourenzá colabora coa celebración do Mercado de Nadal que organiza a ACIAL durante a fin de semana”.
Manuel Arango engade que “o venres 21 de decembro o grupo Trípode porá en escena a obra Cousas de vellos. Será na escola de San Adriano ás 19:30 horas. O domingo 23 de decembro ás 17 horas Fran Rei presenta o espectáculo cómico O conto de Barriga Verde. Será na carpa situada...
leer más
O xurado da segunda edición do certame de teatro Concello de Lourenzá deu a coñecer a relación dos nominados que optan aos premios, que serán entregados na gala que se celebrará o 9 de decembro, domingo.
Os nominados son os seguintes:
* Premio Conde Santo á mellor representación:
Avelaíña Teatro, de Pontevedra
Fauna 113, de Vigo
Rebuldeira Teatro, de Sarria
* Premio Lourenzo ao mellor actor:
Fernando Díaz, de Rebuldeira Teatro
Xulio Leal, de Avelaíña Teatro
Pablo Rodríguez, de Fauna 113
* Premio Ana á mellor actriz:
Iris Darriba, de Fauna 113
Elvira Pallares, de Rebuldeira Teatro
Amparo Urtaza, de Avelaíña Teatro
* Premio ao mellor actor de...
leer más
Coas representación desta fin de semana remata a fase de concurso da segunda edición do Certame de teatro Concello de Lourenzá. A gala de entrega de premios será o 9 de decembro nunha carpa climatizada situada no Campo dos Bolos.
O concelleiro de Cultura, Manuel Arango, explica que “o sábado 24 ás 20:00 horas o grupo Andanzas, de Viveiro, porá en escena El caso de la mujer asesinadita, de Miguel Mihura; e o domingo 25, ás 18:00 horas será o grupo Fauna 113, de Vigo, o que representará a última obra a concurso: Deus, unha comedia, adaptación dun texto de Woody Allen. As dúas representacións serán no salón de actos do Concello e o prezo da entrada é de 3 euros”.
Manuel Arango tamén anuncia que “a gala de entrega de premios será o domingo 9 de decembro ás 19:00 horas na carpa climatizada situada no Campo dos Bolos....
leer más
Os grupos Faro Miño, de Chantada, e Os Palimoquiños, de Lugo, actuarán este fin de semana na segunda edición do certame de teatro Concello de Lourenzá.
O edil de Cultura, Manuel Arango, anunciou hoxe que “esta fin de semana segue o segundo Certame de Teatro de Lourenzá con dúas novas representacións. O sábado 17 o grupo Faro Miño, de Chantada, escenificará a obra Langreira de amor e o domingo 18 tócalle a Os Palimoquiños, de Lugo, coa obra Borralliña. As dúas serán ás 20:00 horas no salón de actos do Concello”.
Este fin de semana, sábado e domingo ás 20:00 horas, haberá outras dúas representacións do certame de teatro organizado polo Concello de Lourenzá.
O edil de Cultura, Manuel Arango, comentou que “despois da gran acollida que tiveron as dúas primeiras representacións, a cargo de Bule Bule e Ollomao, nas que se esgotaron as entradas, continúa este fin de semana o II Certame de Teatro Concello de Lourenzá. O sábado ás 20 horas o grupo Rebuldeira, de Sarria, porá en escena a obra Delicadas; e o domingo á mesma hora a compañía Avelaíña, de Pontevedra, representará a obra María Castaña”.
As dúas actuacións serán no salón de actos do Concello e o prezo das entradas é de 3 euros.