Libro
O Concello de Barreiros organiza para este sábado, 16 de setembro, ás 20 horas na biblioteca pública municipal a presentación do libro ‘En Brandán’ da escritora barreirense Lucía Ferro.
Segundo conta a autora, “a obra é unha novela negra no que é a estrutura e o seu desenvolvemento argumental. Pero despois, a maiores, ten bastante humor, os personaxes son moi normais, son xente que atopas nun pobo, nunha vila. Entón tamén atopas unhas conversas máis naturais, cun algún tabú que outro que ou ben se fala directamente ou ben se deixa entender. E logo ten tamén de parte curiosa que dá un aire a obra de teatro, porque cando comecei a escribilo fun poñéndome a min mesma o reto de mellorar as conversas. Así que empecei centrándome máis aí e digamos que iso acabou por facer que sexan o que ten máis peso no libro”.
Na biblioteca...
A Asociación de Familiares de Enfermos de Alzhéimer e outras demencias (AFAN), de Burela, abre a súa axenda de actividades do mes do Alzheimer coa presentación en Burela da novela ‘Morir dos veces’, de Alejandro Seral. Será este mércores, 13 de setembro, ás 17:00 horas no auditorio da Casa da Cultura de Burela.
AFAN Burela explica que é “un libro emotivo cun enfoque valente e esperanzador sobre como o autor afrontou o Alzhéimer do seu pai. O acto constará de 2 partes: proxección e comentario dunha reportaxe feita ao autor no Programa ‘Crónica’ de TVE; e presentación da novela con rolda de preguntas”.
Organizan AFAN Burela e Alejandro Seral, coa colaboración das Concellarías de Servizos Sociais e de Cultura do Concello de Burela.
Foz acolle do 17 ao 20 de agosto a súa Feira do Libro na Praza Conde Fontao con horario de 17.30 a 22 horas. O programa conta con moitas actividades diferentes en torno aos libros, os escritores e os lectores. O evento conta coa colaboración de diferentes entidades como a Xunta, a Federación Librarías de Galicia ou o Concello de Foz.
Participarán o Servizo de Publicacións da Deputación de Lugo, Libraría Aguirre, A Gata Tola, Libraría Pedreira, Libraría Bahía, Libraría Aenea e A libraría de Rosa – Nobel Boiro. Todas elas ofrecen un 10% de desconto nos seus libros.
Hoxe foi o pregón a cargo do escritor Lionel Rexes, acompañado da actuación musical da asociación cultural O Feitizo. E a continuación houbo un encontro sobre as obras de Xita Rubert e Luisa Castro no que participaron as autoras xunto coa escritora...
leer másDo 18 ao 20 de agosto terá lugar unha nova edición das Letras no Campo, a Feira do Libro de Ribadeo.
Do 18 ao 20 de agosto terá lugar a IX feira ribadense do libro Letras no Campo. Durante eses días haberá presentacións de libros, exposicións e actividades para as crianzas e as súas familias, segundo deu a coñecer a concelleira de Cultura, Begoña Sanjurjo.
A edil ribadense explicou que “do 18 ao 20 de agosto teremos no parque a Feira do Libro Letras no Campo. Dará comezo o venres pola tarde co pregón de Lois Pérez, autor de A gruta da torre, que desenvolve a súa trama en Ribadeo. Haberá presentacións de diversos libros, uns divulgativos e outros máis intimistas, uns de narrativa e outros de poesías, uns de ficción e outros non, algúns de autores ribadenses e outros chegados de fora”.
Sanjurjo contou que “as casetas dos diferentes libreiros ofrecerán un 10% de desconto nos libros que se merquen na feira. Quero...
leer más
O Concello de Viveiro celebra desde hoxe día 12, e ata o martes 15 nos Xardíns Noriega Varela a súa Feira do Libro 2023, cunha ampla oferta cultural, actividades para nenos e encontros con diferentes escritores e escritoras.
“Durante catro días, Viveiro será a capital do libro en Galicia e asistiremos ao encontro entre os escritores e escritoras que participarán na feira e os seus lectores, un momento sempre máxico”, asegura a alcaldesa, María Loureiro.
Os establecementos e entidades participantes nesta Feira do Libro de Viveiro son a Libraría Porta da Vila; Lar Libros-Editorial Canela; Libraría Cartabón; Libraría Aguirre; A Gata Tola; Libraría Pedreira; Librería Lume; Libraría Aenea; Librería Uróboros, e os stands do Seminario de Estudos Terra de Viveiro e da Deputación de Lugo.
A...
leer más
A Libraría Bahía acollerá o xoves, 20 de xullo, ás 21 horas a presentación do libro Consciencia: a ciencia que nos rescatou da pandemia, de Sonia Villapol. A autora é neurocientífica, procedente de A Pastoriza mais afincada en Houston, onde investiga e dirixe o Centro Médico de Texas.
No seu libro, conta as consecuencias e incluso beneficios da reacción mundial fronte á COVID a hora de idear coas vacinas en tempo récord para que cesasen as mortes e que a vida puidera volver ao seu cauce habitual o antes posible.
A Libraría Bahía, situada na Avenida da Mariña, 42, de Foz, ofrece a posibilidade de adquirir o libro tanto alí como na súa páxina web.
O vindeiro mércores, 21 de xuño, ás 20:30 horas estará na Libraría Bahía, de Foz, Brais Lamela para falar o seu traballo Ninguén queda.
Con esta obra Brais Lamela acaba de gañar o premio da crítica, que recae unha vez máis nun libro escrito en galego.
Trátase dunha obra que mestura crónica e novela. Unha xoia narrativa escrita arredor dos poboados de colonización da Terra Chá do franquismo, ocupados pola xente que tivo que deixar as súas casas na montaña de Fonsagrada pola construción dun embalse. Este episodio está a ser investigado por un rapaz novo que a día de hoxe está escribindo a súa tese na cidade de Nova York e que se obsesiona polo paradoiro dunha muller que aparece nos documentos e que logo desaparece sen deixar rastro.
A obra explora o desarraigamento, a colonización física...
leer más
Elena Gallego Abad, recoñecida escritora e xornalista galega cunha dilatada traxectoria en medios de prensa e radio de Galicia, presenta mañá en Viveiro a súa novela 'El legado de la niña de la sal'.
Será mañá, 12 de xuño, ás oito da tarde no salón de actos do Conservatorio de Música de Viveiro.
Elena Gallego estará acompañada por Miguel Sande, delegado de La Voz de Galicia na Mariña.
O vindeiro martes, 23 de maio, ás 20:30 horas na Libraría Bahía, de Foz, terá lugar a presentación do libro “Tan odioso como yo”, de Antonio Rodríguez Baixeras.
Trátase da biografía de Francisco de Toledo, aristócrata do século XVI, que recorreu Europa acompañando a Carlos V e foi nomeado virei do Perú por Felipe II deixando fonda pegada nas súas tres grandes cidades: Cuzco, Lima e Potosí. En América é coñecido sobre todo por ter dirixido a execución do descendente inca Tupac Amaru.
Como é percorrer 10.000 millas en bici pola cidade repartindo comida a domicilio? Que acontece con esa experiencia en mans de quen ten capacidade de facer con ela literatura? Que nos aprende de nos e do noso entorno?
Este venres, 12 de maio, ás oito e media da tarde, estará na Librería Bahía, de Foz, Xabier Cid para falar de todos estes temas presentes no seu libro “10.000 millas de andar na bici”.
Trátase dunha actividade enmarcada no programa do club de lectura A carón dos libros, que é aberta para todo o público.