Francisco Lanza
O libro titulado As receitas de A voltas co prato será presentado en Ribadeo este sábado, día 29 de marzo. O acto terá lugar na Biblioteca Municipal El Viejo Pancho ás 19:30 horas e participarán o presentador e o cociñeiro do programa A voltas co prato, da Televisión de Galicia, que son Fran Cañoto e Xulio Mato.
Está organizado pola Agrupación Cultural Francisco Lanza, que anuncia: “este sábado 29 de marzo imos ter unha nova presentación. Van vir visitarnos a Ribadeo Fran Cañoto (presentador de A voltas co prato) e Xulio Mato (cociñeiro do programa). Vannos falar, obviamente, do libro As receitas de A voltas co prato”. Presentará o acto Dores Fernández Abel.
A Agrupación Cultural Francisco Lanza, de Ribadeo, está a organizar una viaxe cultural a Sada e Betanzos para o sábado 22 de marzo.
O colectivo organizador anuncia: “achegarémonos aos pazos de Meirás e de Mariñán e tamén percorreremos as rúas de Sada para contemplar as súas edificacións modernistas e a zona histórica de Betanzos. Así mesmo visitaremos os exteriores do complexo de Cerámicas O Castro, en Sada. O límite de prazas é de 37 persoas. O prezo da actividade será de 50 euros para soci@s e 60@ para non soci@s (viaxe, xantar e entradas incluídos)”. A saída será desde a estación de autobuses de Ribadeo ás 08:30 horas.
Para participar nesta actividade “haberá que facer preinscrición (até o xoves 13) enviando correo electrónico a agrupacionfranciscolanza@gmail.com Anotaremos por rigorosa orde de chegada das...
leer más
A Agrupación Cultural Francisco Lanza anuncia que “o vindeiro venres, 17 de xaneiro, ás 19:30 horas na Biblioteca Municipal El Viejo Pancho, de Ribadeo, poderemos asistir á presentación da novela Entre a vontade e o destino (segunda parte da súa triloxía Banu Marwán: a estirpe do galego) de Xosé Henrique Costas. Presentará ao autor o noso compañeiro e amigo da ACFL Suso Fernández Acevedo (profesor de Lingua e Literatura Galegas no IES de Ribadeo Dionisio Gamallo)”.
Sobre esta publicación explica que “nesta segunda entrega, Marwán, fillo de Ianes O Galego, comeza unha nova vida acollido polos xudeus de Munt Sáluti ata que emprende camiño a Mérida. Alí, grazas aos seus contactos e á súa competencia, entra ao servizo da administración amiral e vai subindo na escala ata chegar a ser nomeado valí ou gobernador dunha cidade...
leer más
O libro titulado O gran triángulo, escrito polo ribadense Francisco Díaz-Fierros Viqueira, será presentado en Ribadeo este xoves, día 21 de novembro. Será na Biblioteca Municipal El Viejo Pancho ás 20:30 horas. No acto falarán o profesor ribadense Suso Fernández Acevedo e o autor, Francisco Díaz-Fierros Viqueira.
Esta presentación está organiza pola Agrupación Cultural Francisco Lanza e seu presidente, Farruca Graña, anuncia: “este xoves, 21 de novembro, imos ter a presentación do libro O gran triángulo, de Francisco Díaz-Fierros Viqueira, editada por Xerais. É unha novela ben interesante e de marcado carácter divulgador da actividade científica. De lectura amena e doada, paga a pena comprobar as vicisitudes polas que tiveron que pasar as xentes do mundo da ciencia para lograren desenvolver os seus descubrimentos. Pero a...
leer más
A agrupación cultural Francisco Lanza, de Ribadeo, organiza unha excursión a Lugo para o día 2 de xuño, domingo. A saída será ás 09:00 horas desde a estación de autobuses ribadense.
“Dentro da conmemoración das Letras Galegas, mais xa centrado no campo da memoria e da lingua, organizamos unha excursión á cidade de Lugo para o próximo día 2 de xuño, na que visitaremos o cemiterio de San Froilán, dentro do Programa de Cemiterios Europeos, o casco histórico e o centro cultural Vello Cárcere”, explica a organización.
O documental titulado “Luísa Villalta. A rebelión da palabra” será presentado no Teatro de Ribadeo este sábado, 18 de maio, ás 20:30 horas.
É una actividade organizada pola Agrupación Cultural Francisco Lanza, de Ribadeo, que anuncia: “o sábado 18 de maio imos ter un acto no Teatro para conmemorarmos o Día das Letras Galegas. Imos presentar, da man dunha das súas guionistas, a ribadense Alba López Álvarez, o documental "Luisa Villalta. A rebelión da palabra".