Foz
Xa se coñecen os nomes dos gañadores dos 2.000 euros sorteados hoxe por AciaFozCCA dentro da campaña Este mes compras gratis no comercio de Foz, que se desenvolveu do 29 de setembro ao 29 de outubro.
As afortunadas con ata 100 euros en vales de compra son:
Mª Luisa Orol por unha compra realizada en Alba Vila Centro de Dietética e Nutrición
Yolanda Pedreira en Lourdes Moda Íntima
Rosa Novoa en Ferretería Fuente
Montse Tavares en Electrodomésticos Celso. Tien 21
Paloma Sixto en Alain Afflelou Optico
Ana Lamas en Chuvia
Os premiados con ata 200 euros en vales de compra son:
José Manuel Martínez por unha compra feita en N1
E Mª José Rivas en Pastelería Anduriña
A premiada con ata 400 euros en vales de compra foi:
Sofía Seijas en Infotec...
A exposición “Galiza un país de festas. Ritos e festivos singulares”, incluída no programa de Exposicións Itinerantes da Rede Museística do Museo de Lugo, estará en novembro en Foz.
A Concellería de Patrimonio celebra así o Día Internacional do Patrimonio Mundial que se conmemora o 16 de Novembro. Trátase de poñer en valor neste caso o patrimonio inmaterial recollido nun Proxecto de salvagarda que durante os últimos anos levou a cabo a Área de Cultura da Deputación Provincial de Lugo. Principiou no ano 2007 baixo a coordinación da Asociación Lugo Patrimonio, co obxectivo de dinamizar e consolidar seis ritos festivos singulares do sur da provincia de Lugo, e de conservar e revitalizar os seus espazos xeográficos, castigados polo grave despoboamento.
Dende o principio, colaboraron activamente as asociación...
leer más
A asociación Os Sendeiros, de Foz, organiza unha ruta polo municipio asturiano de Villanueva de Oscos o domingo 6 de novembro. Trátase da ruta PR 241 Senda Verde del Agüeira. A saída desde Foz será ás 07:30 horas e ás 07:45 horas desde Ferreira do Valadouro.
Esta actividade inclúe o xantar e os prezos son: 35 euros para socios federados, 39 euros para socios non federados e 43 euros para socios temporais.
O prazo para anotarse remata o 2 de novembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
A asociación cultural A Pomba do Arco organiza o vindeiro 27 de outubro ás 20:30 na casa da cultura “Poeta Manuel María” de Foz a presentación do libro de Suso Piñeiro “Castelao. Plástica e pensamento”
O traballo de Piñeiro representa un percorrido pola obra artística do primeiro Castelao, concretamente entre 1903-1916, un período de aprendizaxe e lanzamento público do ilustre artista, escritor e político de Rianxo.
A décimo sétima edición da Rota Montes da Mariña, que organiza o Club Os Correcamiños 4x4, de Foz, foi presentada hoxe, luns, e celebrarase esta fin de semana, do venres 28 ao domingo 30.
Os organizadores explican: “despois de non poder celebrar os dous últimos anos esta gran cita do mundo do motor, Os Correcamiños volven esta fin de semana á carga coa proba máis importante a nivel estatal en número de inscricións. En dúas semanas xa esgotaran as 500 prazas para quads, motos e todoterreos. Acudirán participantes de toda España e tamén de Portugal para facer rotas polos montes (sábado) e probas de habilidade (o domingo a partir das 9 horas) no circuíto da antiga fábrica de Pardiñas en Fazouro. O público poderá ver como se desenvolven estes vehículos en varios puntos: o sábado pola mañá no cortafogos da Cazolga e na canteira de Teixeira; e o sábado pola...
A Biblioteca Pública Municipal Salgado Toimil, de Foz, organiza actividades desde o luns da vindeira semana para conmemorar o Día Internacional das Bibliotecas.
A concelleira de Cultura, Inés López Couto, anuncia que “o luns 24 o grupo teatral Migallas fará as delicias dos máis pequenos con Cantacontos. A función será no salón de actos da casa da cultura ás 19.00 horas e a entrada será gratuíta. O martes 25 comeza unha nova actividade para a difusión e mellora das habilidades con idiomas: o Café de Idiomas, que é para parolar nun ambiente distendido, no que estarán a disposición libros do idioma practicado, os espazos para facelo e as gañas de todos aqueles que queiran acudir. Está aberto a todos os niveis, sendo unha actividade colaborativa para practicar a fala. Os martes de 19.00 a 20.00 horas falamos en portugués e os mércores no mesmo...
leer más
O circuíto de teatro profesional da Vicepresidencia da Deputación de Lugo chega esta fin de semana a Bóveda, San Paio de Narla (Friol), Cangas (Foz) e Guitiriz , con obras de A compañía solitaria do Dr. Monifate, Bátega, Producións Señor López e Mircromina Títeres
22 DE OUTUBRO | 19:00h | CENTRO SOCIAL DE CANGAS (FOZ)
Producións Señor López presenta A viaxe do Señor López
Público familiar
O señor López é unha persoa solitaria, triste e gris. Un día calquera acontécelle unha desas cousas solitarias, tristes e grises tan características do mundo dos adultos e a partir dese momento todo cambia. Monta unha compañía de teatro. Aprende a contar chistes. Fala idiomas inventados. Viaxa nunha balsa por un mundo cheo de cores e alegría. O señor López convértese nun paxaro-inuit. Úneste á...
leer más
A asociación O Noso Foz e o Concello preparan a celebración do próximo sábado no Campo da Cabana na que se elixirá democraticamente a próxima Raíña do Entroido de Foz entre tres candidatas.
A concelleira de Cultura, Ines López Couto, explica que “será raíña porque no período de presentación de solicitudes todas as recibidas foron femininas, polo que o actual Rei, Roberto Gómez, cederá a súa coroa no mes de febreiro, con total seguridade a unha muller. Inicialmente foron seis as solicitudes recibidas, mais finalmente, por motivos persoais, tres decidiron non optar á elección e serán tres as candidatas á prezada coroa. Son nomes moi coñecidos en Foz e no seu Entroido, que xa defenden a súa candidatura: Uxía Valmayor Forés, da comparsa Sin Xeito; Icía Fernández Gómez, da comparsa As Farangullas; e Lucía López Lombardero, da comparsa Maloserá...
leer másO alcalde de Foz e a directora da Uned en Lugo presentaron novas titulacións para o curso 2022-2023.
O alcalde de Foz, Fran Cajoto, recibiu á directora da UNED en Lugo, Ana Traseira, e presentaron a campaña de matrícula para o curso 2022-23 e as novas titulacións que se impartirán no centro lucense.
Ana Traseira explicou que “este curso vamos implantar tres novas titulacións: a de Maxisterio en Educación Infantil, o Grao en Enxeñería da Enerxía e Ciencias Ambientais. A primeira viña sendo demandada de xeito insistente polo alumnado da UNED dende hai moito tempo e por fin podemos ofertarlla aos nosos estudantes de xeito semipresencial, e polo tanto tamén aos do concello de Foz e da área da Mariña. A segunda acaba de ser creada pola UNED e aprobada pola ANECA e esta titulación creo que moi acaída nos momentos de crise enerxética que estamos a vivir e todo este inverno ao que nos temos que enfrontar supón a necesidade de revisar os nosos...
leer más
O vindeiro sábado, 22 de outubro, a partir das 19:30 horas arrinca o Entroido 2023 en Foz. Farao na carpa que estará no Campo da Cabana para elixir a quen será a nova raíña do Entroido 2023.
Haberá servizo de barra e unha pulpería con polbo, churrasco e xamón.
Desde a organización recomendan non esquecer os disfraces: “non te esquezas do teu disfraz e das ganas de pasalo ben. Desde a Asociación O Noso Foz e desde o Concello de Foz desexámoslle a mellor das sortes a todas as candidatas”.