Ribadeo

A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión para visitar os vales do Jerte e do Tormes os días 6 e 7 de abril.

A actividade inclúe a viaxe en autocar, guía acompañante, excursións para ver impresionante estampa dos cereixos en flor e localidades como El Barco de Ávila, Candelario, Béjar e outros lugares de interese da zona, comidas e aloxamento en hotel de 4 estrelas. O prezo é de 135 euros por persoa en habitación dobre, co seguro de viaxe incluído. 

Para a reserva de prazas desta excursión hai que dirixirse á axencia de viaxes Augasantas, que está no baixo número 6 das galerías San Francisco-Reinante, de Ribadeo, ou ben chamar ao teléfono 676.44.54.65.

Hoxe, xoves, inaugurouse no colexio Sagrado Corazón de Jesús, de Ribadeo, unha exposición con material escolar dos 50 anos de vida do centro nas súas actuais instalacións.

A mostra, titulada 50 anos: do pizarrín ó portatil, estará aberta ao público no centro ata o día 31 deste mes. Pode visitarse os días lectivos de 17:00 a 18:30 horas, os sábados de 18:30 a 20:00 e os domingos de 12:30 a 14:00 horas.

Esta exposición forma parte do programa de actividades organizadas polo colexio Sagrado Corazón con motivo do 50º aniversario das súas instalacións actuais, que están na rúa Carlos III, número 4, da vila ribadense, e que abriron as súas portas en setembro de 1969.

A galería ribadense Terra Branca acollerá o vindeiro xoves, 14 de marzo, a presentación da novela A Fuxida, de Pepe Peinó. Será ás 19:30 horas e a entrada é libre. 

A fuxida fala das inquedanzas da adolescencia, segundo Pepe Peinó, escritor, director de teatro e de cine.

O acto contará coa actuación especial da cantante Maika Alonso. 

Desde Terra Branca o seu propietario, José Ramón Leal, anima a asistir a esta presentación: “en nuestra galería hemos venido acogiendo diversas actividades culturales, como cursos de pintura, recitales poéticos, presentaciones de nuestras creaciones artísticas, etc. Y en esta ocasión tendremos la oportunidad de escuchar al escritor mariñano Pepe Peinó hablándonos de su segunda novela, A fuxida. Animamos a los amantes de la lectura y de la música a que se...

A Concellaría de Igualdade fai un chamamento ás mulleres ribadenses e as empregadas públicas do Concello de Ribadeo a secundar a folga prevista para o vindeiro venres, 8 de marzo, o Día Internacional das Mulleres.  

Desde o CIM e desde a Concellaría de Igualdade explican que “é unha folga que ten como finalidade reclamar un mundo diferente no que o noso dereito a vivir unha vida digna se coloque no centro da axenda política, económica, social, educativa.Queremos construír unha sociedade xusta, na que se garanta a igualdade de oportunidades e dereitos, na que as tarefas de coidados non recaian sempre nas mulleres, na que as mulleres teñamos voz. Unha sociedade que non nos asasine polo feito de ser mulleres. Por estes motivos nace a convocatoria a unha folga de mulleres a todos os niveis: folga de coidados, folga laboral, folga de consumo e...