Teatro
Tarabela Teatro chega o sábado, 9 de marzo, a Viveiro con “Boa sorte, mala fama”. Será no Teatro Pastor Díaz ás 20:30 horas. O elenco artístico está formado por Carmen Conde (narración oral), Mariña Pena (elenco) e Nastasia Zürcher (música ao vivo)
Sempre se soubo, claro está, que as anduriñas son aves de bo agoiro, que alí onde aniñan traen fortuna, que anuncian a primavera e que os mariñeiros as tatuaban na pel por cada travesía da que lograban retornar. Pouco se fala, en cambio, do molestas que se lle fan a moita xente co seu canto agudo e de que enchen todo de excrementos. Por iso estas aves dan boa sorte, pero teñen mala fama. Ningún outro animal se parece tanto aos emigrantes galegos: estamos en cada continente, vivimos facendo colonias, temos na cabeza o camiño de volta a casa e marchamos por necesidade. E, igual que as anduriñas, gañamos mala fama,...
leer más
O grupo de teatro A Adala, de Fazouro, representa a obra titulada “Marina Club” en Trabada este sábado, 2 de marzo. Será ás 21:00 horas na Casa da Cultura.
Nesta actividade colabora o Concello de Trabada.
O clown Roi Borrallas chega o vindeiro domingo, 3 de marzo, a Viveiro co seu espectáculo “Solo”, destinado para nenas e nenos a partir de cinco anos. Será ás 18 horas no Teatro Pastor Díaz.
O hábitat natural de calquera pallaso é a escena, co seu público. Pero que pasa cando queda só? É no camerino onde se mestura a persoa e o personaxe. Onde se desdebuxa a liña que os separa. Un limbo que non é o escenario nin a vida real. É nesa fronteira onde ten lugar este espectáculo… Pasen e vexan a trastenda deste artista, as súas ideas e tolemias. Vexan como se defende da soidade e a rutina con imaxinación e humor. Pasen e vexan o que ninguén ve. Unha persoa ante si mesma. Un actor sen público, un pallaso cando ninguén o observa.
A compañía Talía Teatro presentará a obra titulada “Unha inimiga do pobo” o sábado 16 de marzo ás 20:30 horas no Teatro Pastor Díaz. Estaba programada para o pasado sábado, 24 de febreiro, pero tivo que ser aprazada debido á baixa por enfermidade dun dos actores, explicou o Concello de Viveiro.
“Unha inimiga do pobo” é un drama para público adulto, ten unha duración de 90 minutos, o director é Tito Asorey, que tamén fixo a adaptación xunto a Vanesa Sotelo, e o elenco está formado por Marta Lado, Toño Casais, Dani Trillo, Rubén Prieto, Marta Ríos, María Ordóñez, Diego Rey, Artur Trillo e Xurxo Barcala.
Talía Teatro explica que “Unha inimiga do pobo é a adaptación dunha das pezas máis significativas da literatura dramática universal. Cento corenta anos despois o texto de Henrik Ibsen segue a servir de material...
leer más
A compañía Elefante Elegante representará a obra de teatro familiar titulada Cubo este domingo, 25 de febreiro, en Ribadeo. Será no auditorio municipal Hernán Naval ás 17:30 horas.
É unha creación destinada ao público familiar e infantil, a partir dos 4 anos preferentemente. O espectáculo ten orixe na abstracción desta figura xeométrica e parte da situación de confinamento para evocar a amizade, as separacións, a necesidade de descubrir o mundo e a aventura de medrar.
A estrutura escenográfica ten 2 metros de lado e as súas caras ábrense, péchanse, móntanse e desmóntanse. A figura xeométrica de 8 metros cúbicos é incriblemente sólida para soportar os corpos dos intérpretes e maxicamente lixeira para erguerse e xirar polo escenario como un enorme xoguete de madeira.
A compañía Talía Teatro presentará a obra titulada “Unha inimiga do pobo” este sábado, 24 de febreiro, ás 20:30 horas no Teatro Pastor Díaz.
É un drama para público adulto, ten unha duración de 90 minutos, o director é Tito Asorey, que tamén fixo a adaptación xunto a Vanesa Sotelo, e o elenco está formado por Marta Lado, Toño Casais, Dani Trillo, Rubén Prieto, Marta Ríos, María Ordóñez, Diego Rey, Artur Trillo e Xurxo Barcala.
Talía Teatro explica que “Unha inimiga do pobo é a adaptación dunha das pezas máis significativas da literatura dramática universal. Cento corenta anos despois o texto de Henrik Ibsen segue a servir de material inflamable para denunciar unha forma de facer política que antepón os beneficios económicos sobre a saúde da poboación, ao tempo que permite reflexionar sobre o poder dos medios de...
leer más
Será a partires das seis da tarde no Teatro Pastor Díaz. O elenco artístico está formado por: Fran Lareu, Hector Martínez, Elena Seijo, Fernando Dacosta e Sabela Gago
Os animais sofren a peste e, crendo que é un castigo do ceo, buscan un culpable entre eles para sacrificalo. Con ese fin, acordan unha “asemblea xeral” onde cada un confesará as súas faltas. A súa principal fonte é a fábula “Os animais apestados” de La Fontaine e o seu argumento expón, no símil entre as actitudes dos animais e os humanos; a confesión pública dos pecados de cada un para librarse dunha epidemia de peste que arrasa o país e que se interpreta coma un castigo divino. Neste proceso público quedan desenmascarados os hipócritas e aduladores, o poder despótico. onstitúe unha boa crítica da inxustiza que supón a administración da xustiza cando protexe ao poderoso aínda...
leer más
Volve o teatro afeccionado á Casa da Cultura do Vicedo. Nesta ocasión o domingo 11 de febreiro ás 19:00 horas o grupo Andanzas, de Viveiro, presenta unha homenaxe aos irmáns Álvarez Quintero con 3 obriñas: "Sangre gorda", "Mañanita de Sol" e "Ganas de Reñir".
A organización desta actividade destaca que “este grupo de teatro afeccionado Andanzas xa estivo en máis ocasións no Vicedo e sempre con gran éxito”.
O auditorio municipal Hernán Naval, de Ribadeo, acollerá este domingo, 4 de febreiro, ás 20:00 horas a representación da obra titulada Made in Galiza, a cargo de Sarabela Teatro.
Esta obra, de Sechu Sende, está dirixida por Fina Calleja e protagonizada por Fernando Dacosta, Elena Seijo, Sabela Gago e Josito Porto.
O prezo da entrada xeral é de 5 euros, mentres que para persoas desempregadas, xubiladas ou estudantes é de 3 euros.
Esta actividade está incluída na programación cultural do Concello de Ribadeo para o primeiro trimestre de 2024.
O grupo de teatro Lume Escénico, da Pontenova, representará na Casa da Cultura de Trabada a obra titulada “Pontenova Fassion Wiii” este sábado, 3 de febreiro ás 21:00 horas.
Trátase dunha comedia para todos os públicos escrita por Guillermo Cancelo e a sinopse é: “A deseñadora Carme Fouzas, natural da Pontenova, recibe o Premio Nacional de Deseño de Moda, ocasión que aproveita a alcaldesa dese Concello para organizar un desfile e, dese xeito, desviar a opinión pública local da maraña de corrupción urbanística na que se atopa. O traballo da deseñadora chama a atención do mesmísimo Benancio Hortera, o cal fará todo o que faga falta para que eses deseños formen parte da súa nova colección”.