Sendeirismo
18/03/2015
A Asociación de Sendeirismo Terras de Lourenzá realizará a ruta dos Muíños de Poñente, en Castroverde, o vindeiro domingo, 22 de marzo. Segundo explican os organizadores “a distancia desta ruta é de 12 quilómetros e a dificultade de realización é media-baixa. A comida será por libre na feira de Castroverde. As persoas interesadas en inscribirse poden facelo ata mañá, 19 de marzo, ás dúas da tarde por correo electrónico terrasdelourenza@gmail.com ou por teléfono no 982 12 10 06 (Pepe) ou 658 09 71 33 (Miguel).
O prezo para os socios será de 5 euros e para os non socios de 8 euros. A saída para a ruta será o domingo ás 8:30 horas desde o Cantón de Vilanova de Lourenzá.
17/03/2015
O Grupo de Montaña Peña Tallada, de Ribadeo, fará unha viaxe ao Valle de Baztan (Navarra) durante a Semana Santa.
Segundo explican desde a organización o aloxamento será no hotel Urgain en Oronoz-Mugaire. Ata o momento son 38 as persoas inscritas para participar nesta actividade, que inclúe varias rutas: unha polo monte Buciero, en Santoña (Cantabria); outra polo parque natural Señorío de Bertiz; e unha terceira pola Peña Planta/Atxuria e Covas de Zugarramurdi. A viaxe concluirá cunha visita a San Sebastián.
O prezo da habitación dobre é de 44 euros (ive incluído) e da individual de 33 euros (ive incluido). O prezo do xantar ou cea: 11 euros e o almorzó 4 euros.
09/03/2015
O próximo domingo, 15 de marzo, a partir das 19:00horas na Aula de Formación do Concello de Xove o Grupo de Sendeirismo da ACD Xove. E fará a presentación das rutas de sendeirismo para o presente ano 2015.
Un total de 8 Rutas, dende o mes de marzo ata o mes de novembro. A primeira será o día 22 de marzo.
O Grupo de Sendeirismo da ACD Xove está formado por cerca de cen persoas.
Esta sección de Sendeirismo está dada de alta na Federación Galega de Montañismo, e 30 dos seus membros teñen licenza ca citada Federación.
02/03/2015
A Asociación Pasada das Cabras de Burela ten previsto facer o vindeiro sábado, 7 de marzo, a ruta Camiños de Santaballa en Vilalba. Son 12 quilómetros e a dificultade é baixa.
O prezo será de 25 € para os socios e de 30 para os que non o son e inclúe autobús, comida e seguro. A saída será ás 9 da mañá da Estación de Autobuses de Burela. Recoméndase levar botas e bastón.
Para participar é imprescindible anotarse en Gráficas Arfe ou ben n o teléfono: 982 580 504 antes do xoves día 5 de marzo ás 20.00 horas.
27/02/2015
Os Sendeiros de Foz teñen programada unha nova saída ao Desfiladero de las Xanas, en Proaza (Asturias). Será o 15 de marzo, domingo.
A saída está prevista para as 7.30 horas desde as inmediacións do Concello focense. O prezo para os socios é de 30 euros e para os non socios de 35 euros. No mesmo inclúese o xantar.
As persoas interesadas en asistir a este andareiro poden anotarse ata o 11 de marzo nos seguintes teléfonos: 670 369 017 ou 696 236 020. Tamén poden facelo enviando un correo electrónico a ossendeiros@yahoo.es
Desde a organización recomendan levar equipo de sendeirismo. A dificultade da ruta é media.
04/02/2015
A Asociación de Sendeirismo Terras de Lourenzá organiza unha nova ruta a pé por Trabada para este sábado, 7 de febreiro. A andaina partirá ás 9:45 horas do Cantón de Vilanova de Lourenzá e recorrerá unha distancia de 13,5 quilómetros, a través da denominada Ruta do Vento, de Trabada. A dificultade do itinerario será baixa e os interesados poderán anotarse ata mañá xoves, 5 de febreiro, antes das 14:00 horas, nos teléfonos 982 12 10 06 (Pepe) e 626 98 69 40 (Javier).
Os organizadores desta ruta de sendeirismo informan de que o custe desta actividade será de 20 euros para asociados e 25 euros para non asociados. Ademais, aconsellan aos participantes que acudan con botas de auga e vestimenta adaptada ao frío para facer esta ruta que rematará cunha comida conxunta no...
leer más 04/12/2014
A Asociación de Sendeirismo Terras de Lourenzá prepara xa a que será a súa derradeira andaina deste ano 2014. Desta volta, como non podía ser doutro xeito, toca pisar terras de A Fonsagrada, para disfrutar da ruta Fornaza-Praia Fluvial da Pena do Inferno, que ten unha distancia duns 10 km e a dificultade é media. Ao rematar a ruta xantarase un Súper Cocido nun coñecido restaurante da zona. Sairase ás 08:15 horas do Cantón de Lourenzá. E moi importante levar botas e bastón. O prazo de inscrición remata o xoves 11 de Decembro ás 14:00, nos teléfonos 982 121006 (Pepe), 658 097133 (Miguel) ou a través do correo electrónico terrasdelourenza@gmail.com. O prezo será de 25€ para os socios e de 30€ para os...
leer más