San Ciprián
A asociación Arama e a Escola de Baile Hover Cross, coa colaboración do Concello de Cervo, organiza un novo curso de bailes de salón que dará comezo este xoves, 10 de xaneiro, ás 21:00 horas, no pavillón do CEIP Península da Paz, en San Ciprián.
As clases terán lugar cada xoves, en horario de 21:00 a 22:30 horas, no pavillón do CEIP Península da Paz.
As persoas interesadas poden inscribirse ou recibir información nos números de teléfono 648 033 250 ou 620 817 300.
Esta actividade botou a andar no pasado mes de setembro, con 14 parellas inscritas. Son impartidas por profesionais titulados en vals, pasodobre, tango, foxtrot, merengue, cumbia, bachata, salsa e cha-cha-chá.
O Concello de Cervo organiza este mércores, 2 de xaneiro, unha festa acuática infantil.
O horario será desde as 17:00 ás 19:00 horas e terá lugar na piscina de Lieiro, en San Ciprián. A entrada é gratuíta.
Os nenos e nenas ata 7 anos terán que ir acompañados de pai, nai ou titor/a. Os nen@s, ata 10 anos, que non saiban nadar tamén é obrigatorio que vaian acompañad@s por pai, nai ou titor/a.
O festival terá lugar o venres 28 de decembro, na carpa instalada na Praza dos Campos.
O inicio das actividades está programado para as 18:30 horas cun karaoke destinado aos máis pequenos no que haberá premio para o máis rockeiro ou rockeira.
O comezo dos concertos terá lugar ás 20:00h coa banda viguesa PEGAS NEGRAS que nos acompañará a ritmo de country e hillbilly. A continuación actuará a banda local THE LAZY BONES, que forman parte do cartaz por segundo ano consecutivo e farán vibrar ao público a base de ritmos funky.
A terceira banda en actuar tamén procede de Vigo. SUPERNATURAL, que conta cunha potente voz feminina , toca diferentes estilos como o suothern rock, o hard rock ou soul, entre outros. Veñen de facer unha serie de concertos en Francia e encherán a carpa do festival de...
leer más
Cervo acollerá o sábado 22 de decembro o XI Campionato de Nadal de Nihon Taijitsu nas modalidades de Kata Individual e Goshin Shobu (defensa persoal).
O evento foi presentado polo rexedor cervense, Alfonso Villares, o edil de Deportes, José Ramón Soto, o presidente da Escola de Artes Marciais de Cervo e director do departamento de Taijitsu da Federación Galega de Kárate, Miguel Ángel Rojo, e por Agustín Martín, 8º Dan e director técnico da Federación Nacional deste departamento.
O escenario da competición, que comezará ás 17:00 horas, será o Pavillón da Veiga de San Ciprián
Estímase que serán medio cento os participantes, entre nenos e adultos, os que competirán no tatami que vén de adquirir a delegación de deportes do Concello de Cervo instalado para a ocasión no Pavillón da Veiga;...
leer más
A asociación Amigos da Troula organiza a segunda edición do festival Callo Fest, que se celebrará o 28 de decembro na Praza dos Campos, de San Ciprián.
No Callo Fest deste ano actuarán: Supernatural, MCkuin –tributo a Queen, The Lazy Bones e Pegas Negras.
Ademais haberá un ensaio das badaladas de fin de ano con Disco Móbil e ao remate serviranse callos de balde.
Colaboran: Concello de Cervo, Deputación de Lugo, Gadis, Buenavista Hotel Restaurante e 3agermeifter.
A Delegación de Cultura do Concello de Cervo programa para este sábado, 8 de decembro, a actuación do grupo Sons de Celeiro. Será no auditorio da Casa da Cultura de San Ciprián, ás 20:00 horas. Este evento é aberto ao público.
O grupo Sons de Celeiro presentaba este outono o seu traballo "Cantar ben ou non cantar". No seu repertorio inclúe un tema dedicado á lenda da Maruxaina.
O Pavillón da Veiga de San Ciprián acollerá o vindeiro sábado, 24 de novembro, unha exhibición de baile deportivo e de salón que contará coa participación de quince parellas procedentes de diferentes puntos da Mariña, asistentes ás clases impartidas pola Escola de Baile Hover Cross.
A cita, aberta ao público e organizada polo Concello de Cervo en colaboración coa Asociación de Rehabilitación de Alcohólicos da Mariña (Arama), será ás 20:30 horas.
Entre os bailes que se poderán ver no evento están o vals inglés, vals vienés, Rumba- Bolero, Chachachá, Tango arxentino, Roda cubana ou rock and roll.
Recordamos que o pasado mes de setembro botaron a andar as clases de baile no Concello de Cervo, promovidas pola asociación Arama e a Escola de Baile Hover Cross con gran éxito de participación,...
leer más
A Casa da Cultura de San Ciprián acolle ata o día 15 de decembro unha exposición de Sergey Sozonov titulada La chica del pazo.
A obra que este artista ruso, afincado no concello coruñés de Ortigueira, expón nesta mostra é unha serie de óleos sobre lenzo co desnudo feminino como protagonista. Como escenario das distintas imaxes aparece o interior dun pazo abandonado coa muller que podería ter sido un dos seus antigos moradores.
Este sábado, 17 de novembro, no auditorio da Casa da Cultura de San Ciprián actuará o Grupo de Teatro Afeccionado Monfortino que porá en escena a obra Os intereses creados.
A representación dará comezo ás 19:30 horas e inclúese no programa Buxiganga da Deputación de Lugo. Colabora o Concello de Cervo.
Este sábado, 10 de novembro, ás 19:00 horas o auditorio da Casa da Cultura acolle a proxección da película "Casados coa Historia dun Pobo"; unha actividade organizada pola delegación de Turismo do Concello de Cervo.
Trátase dun vídeo inédito de San Ciprián que durante 19 minutos nos traslada a unha década da que cada vez quedan menos testemuñas e na que prevalecen recordos como poden ser as rúas de area, o antigo faro, as casas, os vehículos, a roupa de época...
Estamos ante o primeiro vídeo dos anos 60 achegado por unha familia asturiana moi vinculada a San Ciprián, que pasa as súas vacacións na vila.
Nesta película remontámonos exactamente ao 17 de setembro de 1961, data na que contraían matrimonio Paco Sampedro (de Ursulina) e Maribel. Con motivo desta celebración desprazáronse ata...
leer más