Mulleres
A Concellaría de Igualdade organiza unha viaxe ao balneario Forus, de Xixón, o vindeiro 29 de maio. Forma parte das actividades de lecer para as mulleres que este departamento retoma despois da pandemia do covid. O Concello costea un autobús con 50 prazas e as asistentes aboarán 18 euros por acceder ao balneario. O prazo de inscrición ábrese mañá, 12 de maio, e rematará o 25.
A edil Mariluz Álvarez Lastra dixo que “coa chegada da pandemia, os últimos anos, esta iniciativa non se puido levar a cabo. Con todo, agora recuperamos esta actividade dirixida exclusivamente a mulleres adultas. As interesadas poderán anotarse enviando un correo ao CIM: cim@ribadeo.org ou chamando ao telefono 982 120 739. Temos 50 prazas dispoñibles”.
A concelleira de Igualdade sinalou que “con esta...
leer más
Somos Unidos por el Cáncer organiza o próximo 31 de maio a partir das 19.00 horas no Salón de Actos do Hospital Público da Mariña, unha conferencia titulada ‘El sujetador y su función para la salud’.
A charla será impartida por Bego Bermúdez, asesora de roupa íntima.
As persoas interesadas en acudir poden inscribirse chamando ao teléfono 699925296.
Estratexias para a busca de emprego é o título do curso que se impartirá a vindeira a semana, os días 19 e 20 de abril, na Aula CeMIT co Concello de Ribadeo. Está dirixido a mulleres de 18 a 65 anos.
Segundo explican desde a Aula CeMIT “trátase dun curso presencial, que se desenvolverá en horario de tarde de 17 a 20 horas. Esta formación ten coma destinatarias ás mulleres de entre 18 e 65 anos. O obxectivo principal é fomentar a empregabilidade e o emprendemento das mulleres, mediante o uso das novas tecnoloxías que temos o noso alcance”.
O día 19 a temática que se abordará estará centrada nas competencias dixitais para a busca de emprego, usando o ordenador. E o día 20 as asistentes afondarán en cómo afrontar unha entrevista de traballo.
As mulleres interesadas en acudir a este curso...
leer más
O 29 de abril a Casa da Cultura de Burela acollerá ás 21:00 horas a estrea de "Lara Hierro", un espectáculo multidisciplinar protagonizado por tres mulleres da xeración milenial.
Lara pon o movemento, Alma a voz e Pneuma a música para falar da fráxil situación do sector cultural e da crise emocional, social e medioambiental que estamos vivindo. As tres figuras que compoñen a peza navegan entre o mundo cotiá e un plano de ensoño onde os seus corpos e discursos se encontran.
"Lara Hierro" é unha chamada ao recoñecemento dos sentimentos de frustración, parálise e esgotamento provocados pola pandemia e a precariedade inherente á nosa xeración.
Un espectáculo de carácter poliédrico dirixido a un público adulto onde as ferramentas a través das que falan son a danza, a palabra, a música e a...
leer más
Este domingo, 27 de marzo, a agrupación musical lucense Lucus Ensemble, ofrecerá o concerto «Notas Femininas» no que repasará o papel da muller na historia da música.
A Concellería de Igualdade de Barreiros pecha así o ciclo de actos organizados este mes de marzo dedicados á muller dentro do programa “Barreiros con M de Mulleres”.
A actuación terá lugar ás 19.00 horas nos colexios vellos de San Miguel con entrada libre e ata completar aforo.
"As que limpan" fala da loita organizada das camareiras de piso dos hoteis para conseguir uns dereitos laborais e sociais xustos. Na súa fronte, a avaricia dos propietarios das cadeas hoteleiras. Neste espectáculo as artistas formulan 3 preguntas: É posible revalorizar este traballo e desligalo do xénero? Existe o turismo sostible? Quen limpa na casa da limpadora?
"As que limpan" non só fala de traballadoras da limpeza, fala de mulleres e do chan mollado sobre o que camiñamos cada día.
A obra está prevista para as 19:30 horas do vindeiro domingo, día 6, na Casa da Cultura de San Ciprián.
O Concello de Barreiros dará continuidade á programación de Entroido con diversos actos que se encadran dentro do slogan “con M de Mulleres” e que se desenvolverán ao longo do mes de marzo. Con esta programación quérese dedicar este mes de marzo ás mulleres mariñás, que serán as protagonistas da meirande parte dos actos.
O programa comeza coa actuación musical do grupo “Habelas Hainas”. Grupo feminino formado en 2010 e que toma como punto de partida a música de raíz. Combinan, de xeito brillante, un son enérxico, fresco e orixinal, sempre desde unha perspectiva de xénero. Esta actuación está financiado pola Área de Igualdade da Deputación de Lugo e terá lugar este domingo, 6 de marzo, no centro sociocultural de San Cosme ás 19 horas.
Para o domingo 13 de marzo ás 18 horas, tamén no centro sociocultural de San...
leer más
Ribadeo celebrará o Día Internacional das Mulleres con teatro, cunha exposición de fotos e coa presenza da rapera de orixe marroquí Miss Raisa. As actividades desenvolveranse do 6 ao 12 de marzo, segundo deu a coñecer a concelleira de Igualdade, Mariluz Álvarez Lastra.
A edil ribadense dixo que “un ano máis, a Concellaría de Igualdade de Ribadeo, conmemorará unha data tan importante como 8 de marzo, Día Internacional das Mulleres, con diferentes actos lúdico reivindicativos tomando como referencia A Educación: a porta para o cambio social”.
Álvarez Lastra explicou que “comezaremos o vindeiro domingo, 6 de marzo no Teatro, ás 20:00 horas co espectáculo O Benquerer(se) da compañía Aldaolado. Neste espectáculo as poetas Lucía Aldao e María Lado mesturan poemas, música e historias para facer visibles as...
leer más
A compañía De Ste Xeito representará "Feminíssimas" na Casa da Cultura de Burela o 18 de Marzo ás 21:00 horas.
Un congreso feminista na cidade de Vigo. Tres amigas da adolescencia que hai anos que non se ven. Tres maneiras moi distintas de entender o “feminismo". Por exemplo: feminismo radical, feminismo liberal e teoría queer. Este é o punto de partida da creación de Esther F. Carrodeguas, Noelia Blanco, Stephy Llaryora e Xavier Castiñeira.
Trátase dunha peza teatral con altas doses de humor, ironía e complicidade para poñer a amizade a proba mentres analizamos -desde a comedia- de...
leer más
A Casa da Cultura de Burela acollerá a representación de Bravas con Isabel Risco. A función terá lugar o 11 de febreiro ás 21:00 horas. O prezo da entrada é de 3 euros.
Trátase do segundo espectáculo unipersoal protagonizado por Isabel Risco no que presenta a súa particular visión da historia das mulleres galegas. Dirixido por Fran Rei reivindica e visibiliza persoaxes femininos da historia e da mitoloxía de Galicia, como María Soliña ou María Castaña, pero tamén a mulleres anónimas que se involucraron en movementos e loitas sociais como as cigarreiras de A Coruña que levaron a cabo a primeira folga feminina en 1831.
Colaboran na organización deste evento: Concello de Burela, Xunta de Galicia, AGADIC, Rede Galega de Teatros e Auditorios e Xacobeo 21-22.