Encontro

Ata o 18 de setembro está aberto o prazo para inscribirse no VIII Encontro de Palilleiras que se celebrará en Xove no mes de outubro.

Etiquetas:

23/08/2017

O día 7 de outubro vaise celebrar en Xove o VIII Encontro de Palilleiras.

A Concellería de Servizos Sociais, impulsora deste evento, ven de abrir o prazo de inscrición para participar neste encontro. Todas as persoas interesadas poderán anotarse chamando ao número de teléfono do Concello 982 59 20 01, á profesora de bolillos Mercedes Barro ao 679 894 219, ou á profesora de bordado Carmen García ao 982 59 26 86. O prazo de inscrición remata o 18 de setembro.

Ademais continúa aberta na Sala de Exposicións da Oficina de Turismo de Xove, a exposición Coas nosas mans X, organizada pola Concellería de Servizos Sociais. Trátase dunha mostra de traballos de bordado e bolillos que se clausurará o 24 de agosto.

A Basílica de San Martiño acolle o 17 de xuño o XI Encontro Internacional de Corais Villa de Foz.

Etiquetas:

Foz, Encontro, Corais

15/06/2017

A basílica de San Martiño acollerá este sábado, día 17, a décimo primeira edición do encontro internacional de corais Villa de Foz, que organiza a coral polifónica focense e que conta co patrocinio do Concello.

A partir das 19:30 horas a Coral Polifónica de Foz actuará xunto ás agrupacións Coral Erreniega, de Cendea de Cizur (Navarra) e Grupo Coral David de Sousa, de Figueira da Foz (Portugal).

Cada unha das tres corais interpretará cinco cancións e ao final do encontro as tres formacións cantarán conxuntamente O Voso Galo, peza que dirixirá a titular da coral de Foz, Carmen Alonso.

O X Encontro Chilindrín, de Celeiro, será o 3 de xuño no restaurante Louzao. As entradas para asistir estarán á venda ata o día 1.

Etiquetas:

Celeiro, Encontro, Chilindrín

18/05/2017

O colectivo Chilindrín Penalba celebra o décimo aniversario dos seus encontros anuais o día 3 de xuño.

Esta xuntanza de xente de Celeiro celebrarase nunha cea-baile que terá lugar o sábado 3 de xuño, no restaurante Louzao en Area, ás 22:30 horas.

As entradas a un prezo de 40 euros, están á venta no Bar Rolindes en Celeiro ata o 1 de xuño.

O colectivo Chilindrín leva a cabo a campaña de promoción deste evento baixo o lema Todo o que entre na rede é peixe, e convida a todos a participar nesta festa que conmemora o décimo encontro anual dos seus soci@s.

O XIV Encontro de Palilleiras reunirá a máis de 700 artesás en San Ciprián o 1 de abril. O Concello estima que unhas 2.000 persoas visitarán o municipio a fin de semana.

Etiquetas:

San Ciprián, Encontro, Palilleiras

28/03/2017

Cervo acollerá o XIV Encontro de Palilleiras este vindeiro sábado, 1 de abril. Operarios municipais están a traballar estes días na posta a punto das instalacións, adecuando o pavillón da Veiga de San Ciprián que albergará o evento, para que as palilleiras poidan traballar coa máxima comodidade.

Tamén se instalou, así mesmo, unha carpa de gran tamaño na que se ubicarán medio cento de postos de venda de produtos relacionados coa actividade, procedentes de todo o territorio nacional, que están cubertos xa dende hai semanas.

O alcalde de Cervo, Alfonso Villares, e a edil delegada de Muller e Igualdade, Pilar Armada, estiveron supervisando os traballos de acondicionamento que avanzan a bo ritmo, e xa anunciaron que se tivo que pechar a inscrición “porque o aforo do pavillón está completo con máis de 700 encaixeiras...

O X Encontro de Palilleiras de Burela será o 13 de maio. A inscrición para participar estará aberta ata o día 2 dese mes.

Etiquetas:

Burela, Encontro, Palilleiras

20/03/2017

Este mediodía foi presentado no salón de plenos do Concello o X Encontro de Palilleiras que terá lugar o día 13 de maio, organizado pola Asociación Cultural e Artesanal de Mulleres Palilleiras As Encaixeiras. Estiveron presentes nesta presentación xunto ao alcalde, Alfredo Llano, os concelleiros de Mar e Cultura, Patricia Otero e José Díaz, respectivamente, así como representantes de Absa, da Confraría de Pescadores e da Fundación Expomar.

Este encontro de palilleiras desenvolverase no porto de Burela onde se inaugurará ás 11:30 horas. Posteriormente procederase a unha degustación de empanada de pescada, que dará comezo ás 12:00 horas, así como unha viaxe ao Monte Castelo e á igrexa de Vila do Medio. Tamén haberá unha actuación de baile e canto tradicional a cargo de Arume.

O horario do X Encontro de Palilleiras será de 10:00 a 13:30 horas, e pola tarde de 16:00 a 19:...

Arredor de 700 palilleiras participarán no XIV Encontro de Palilleiras, que terá lugar en San Ciprián o 1 de abril. Haberá exhibicións e actuacións musicais.

Etiquetas:

San Ciprián, Encontro, Palilleiras

10/03/2017

O Concello de Cervo celebrará XIV Encontro de Palilleiras o sábado 1 de abril.
Así o desvelaron o alcalde de Cervo, Alfonso Villares e a edil delegada de Muller e Igualdade, Pilar Armada, na presentación do evento, que tivo lugar na Casa do Mar de San Ciprián, onde tamén estiveron presentes mulleres integrantes de diferentes asociacións de palilleiras e bolillos da localidade.

Villares sinalou que se trata dun “evento máis que consodidado en Cervo, que cada ano atrae a milleiros de visitantes ao noso Concello, que se convirte esa fin de semana na capital deste arte, unha tradición artesanal que cremos primordial que se manteña viva con encontros como o que levamos celebrando durante 14 anos en San Ciprián”.

Así, -engadiu- “estimamos que serán máis de 700 as palilleiras as que se achegarán ata Cervo ese día...

A Librería Bahía, de Foz, inaugura o 1 de decembro o formato de encontro con autores e autoras para descubrir as súas obras. O primeiro en acudir será Santiago Jaureguizar.

Etiquetas:

Libro, Foz, Encontro

28/11/2016

A Librería Bahía, de Foz, inaugura o 1 de decembro o formato de encontro con autores e autoras para descubrir as súas obras. O primeiro en acudir será Santiago Jaureguizar.

A Librería Bahía de Foz, en colaboración co club de lectura da Pomba do Arco, inaugura o formato de encontro con autores e autoras para descubrir as súas obras.

Deste xeito o xoves, 1 de decembro, Santiago Jaureguizar estará na Librería Bahía ás 20:30 horas, para falar da súa última obra titulada Placebo.

A acción de Placebo desenvólvese na vila de Ribadeo á que regresa Roi logo de sufrir un grave accidente no que perde a memoria. Reencontrarse cun pasado que non recorda vai ser para el unha fonte de sorpresas. Tamén o vai ser para o lector nesta obra na que nada é o que parece.

Catrocentas palilleiras de Asturias, León e Galicia se darán cita o 1 de outubro en Xove no VII Encontro de Palilleiras, que organiza o Concello.

Etiquetas:

Xove, Palilleiras, Encontro

27/09/2016

Catrocentas palilleiras de Asturias, León e Galicia se darán cita o 1 de outubro en Xove no VII Encontro de Palilleiras, que organiza o Concello.

O 1 de outubro vaise celebrar en Xove a VII edición do Encontro de Palilleiras. A Concellería de Servizos Sociais, impulsora deste evento, continúa cos preparativos para ter todo listo para súa apertura.

"A inscrición para este encontro, que se pechou o pasado 16 de setembro, podemos decir que funcionou moi ben, xa que temos anotadas unhas 400 palilleiras de Asturias, León e Galicia", sinalan desde a organización.

Nestes intres o personal do Concello está a traballar a fondo no Pavillón Municipal de Deportes, lugar onde se centraliza o Encontro, para ter todo preparado para o sábado, xa que ás 10:30 horas van comezar as actividades coa recepción das palilleiras.

Ata o 16 de setembro estará aberto o prazo para inscribirse no VII Encontro de Palilleiras, que se celebrará en Xove o 1 de outubro.

Etiquetas:

Xove, Palilleiras, Encontro

24/08/2016

Ata o 16 de setembro estará aberto o prazo para inscribirse no VII Encontro de Palilleiras, que se celebrará en Xove o 1 de outubro.

O 1 de outubro vaise celebrar en Xove a VII edición do ENCONTRO DE PALILLEIRAS.

A concellería de Servizos Sociais, impulsora deste evento, abreu o 22 de agosto a inscrición de palilleiras, as cales ainda poderán anotarse ata o mesmo 16 de setembro. A inscrición pódese realizar por teléfono, chamando ao Concello ao 982592001, ou ben contactando con Mercedes Barro (profesora de bolillos) no 679894219 ou con Carmen García (profesora de bordado) no 982592686.

O II Encontro de Batukadeiras celebrarase os días 21 e 22 de maio en Burela. Está organizado polo Concello e por Batuko Tabanka.

Etiquetas:

Batukadeiras, Burela, Encontro

15/05/2016

O II Encontro de Batukadeiras celebrarase os días 21 e 22 de maio en Burela. Está organizado polo Concello e por Batuko Tabanka.

Todo está listo en Burela para a celebración do II Encontro de Batukadeiras, que organizan a Concellería de Inmigración e Cooperación e Batuko Tabanka, os días 21 e 22 de maio.

O sábado ás 12 do mediodía terá lugar a presentación da exposición Memorias de Batuko Tabanka, que se poderá ver na sala de exposicións da Casa da Cultura desde hoxe, domingo, e ata o vindeiro 15 de xuño. Xa pola tarde a partir das 18:00 horas haberá unha actuación de grupos de batuko na praza de abastos. Na cita participarán: Bibinha Cabral, Mara Panu, Finka Pe e Nos HerdanÇa. A primeira xornada do II Encontro de Batukadeiras rematará ás once da noite coa actuación de Olivio D’Alice.