Debuxo

Penalba-Colectivo Chilindrín convoca o VI Concurso Infantil de Debuxo Festa da Merluza do Pincho de Celeiro. O prazo para presentar os traballos remata o 29 de maio.

Etiquetas:

02/04/2018

A asociación cultural e deportiva Penalba-Colectivo Chilindrín convoca a VI edición do concurso infantil de debuxo Festa da Merluza do Pincho de Celeiro.

O obxectivo é facer partícipes desta festa a toda a poboación infantil de Celeiro, do Concello de Viveiro, e por extensión de toda Galicia e España, e facer un debuxo relacionado co evento. Poden participar todos os nen@s que o desexen ata 12 anos (cumpridos ou por cumprir no ano 2018). Os participantes deberán realizar un debuxo relacionado co pobo de Celeiro ou coa Festa da Merluza en particular. Os debuxos ou murais deberán facerse a man non valendo o uso do ordenador, e terán que levar o texto Festa da Merluza de Celeiro.

O prazo de presentación de traballos remata o día 29 de maio de 2018, e os debuxos poderán entregarse a algún membro da directiva da ACD...

Do 15 ao 29 de setembro pódese visitar no centrosociocultural de San Cosme de Barreiros unha exposición de dúas artistas locais.

Etiquetas:

Barreiros, Poesía, Debuxo

14/09/2017

O Concello de Barreiros colabora co grupo Nordés (grupo de facebook) na organización da exposición conxunta de Olivia C. Rozas e María del Carmen Santamarina que se inaugura mañá, venres DÍA 15, no centro sociocultural Manuel Díaz Sampedro en San Cosme.

Ambas artistas son veciñas de Barreiros. Na mostra Olivia C. Rozas presenta un mundo en branco e negro de onírico lirismo que intercala realismo e soño a través do grafito. Pola súa banda Santamarina pon a voz aos trazos de Olivia mediante breves poesías que nos falan do amor, o mar e a emigración.

Olivia C. Rozas é debuxante dende moi nova e o seu medio de expresión favorito é o grafito sobre papel. Defínese como unha artista autodidacta que explora as fronteiras do real e o onírico compoñendo a súa realidade a través de grisallas, aínda que de vez en cando...

O Concello de Cervo convoca o concurso de debuxo "Recunchos máxicos". O prazo de presentación de traballos remata o 31 de maio.

Etiquetas:

Cervo, concurso, Debuxo

22/05/2017

O Concello de Cervo, a través da delegación de Medio Ambiente, celebra hoxe o Día Internacional da Biodiversidade convocando o concurso de debuxo “Recunchos máxicos do Concello de Cervo”.

A edil de Medio Ambiente, Manuela Méndez, e a de Educación, Dolores García, presentaron este mediodía o certame no que poderán participar todos os nenos e nenas que se atopen cursando estudos de Infantil e Primaria.

Tal e como explicou Méndez “as obras teñen que ter como tema principal a representación dalgún dos lugares con encanto que agocha o noso municipio; a técnica será libre, premiando a orixinalidade”.

Os traballos téñense que presentar en formato A4 en horizontal, e no seu reverso os participantes deberán indicar o lugar representado.

Os orixinais entregaranse nos...

Na Casa da Cultura de Alfoz pódese visitar a exposición "Cartas de Amor" ata o 25 de xaneiro. Alude á violencia de xénero. Está organizada pola Concellería de Igualdade e Benestar.

Etiquetas:

Debuxo, Alfoz, exposición

16/01/2017

Na Casa da Cultura de Alfoz pódese visitar a exposición "Cartas de Amor" ata o 25 de xaneiro. Alude á violencia de xénero. Está organizada pola Concellería de Igualdade e Benestar.

Ata o 25 de xaneiro pode visitarse na Casa da Cultura de Alfoz a exposición "Cartas de Amor" sobre a violencia de xénero. En horario de luns a venres de 16 a 20.30 e polas mañás en horario da cafetería, excepto os xoves.

Con esta exposición “preténdese establecer un paralelismo entre o mundo romántico das primeiras relacións de parella, e a crueldade que, ás veces, vai asociada a elas”, explican desde a Concellería de Igualdade e Benestar.

E engaden que “para iso propúxoselles a debuxantes que plasmasen nunha imaxe situacións ou momentos que considerasen como violentos entre adolescentes, co obxectivo de por de manifesto a necesidade de mudar esas actitudes por outras nas que prime o respecto á parella. Deste xeito, amósanse traballos...

A Concellería de Cultura de Lourenzá convoca os concursos infantís para o cartel anunciador da Cabalgata dos Reis Magos e de Poesía de Nadal.

Etiquetas:

Lourenzá, Debuxo, Poesía

15/11/2016

A Concellería de Cultura de Lourenzá convoca os concursos infantís para o cartel anunciador da Cabalgata dos Reis Magos e de Poesía de Nadal.

A Concellería de Cultura de Lourenzá convoca a segunda edición do concurso infantil para o cartel anunciador da cabalgata dos Reis Magos 2017 e o tradicional certame de poesía de Nadal que organiza a biblioteca pública municipal.

O concurso para o cartel da cabalgata dos Reis Magos “vai dirixido ós escolares de educación Infantil e Primaria do municipio. Os traballos deben ser pintados ou decorados con motivos fagan referencia á festividade dos Reis Magos nunha cartolina tamaño folio A-4 e é recomendable que a cor da cartolina non sexa moi escura. No reverso teñen que figurar os datos do participante: nome e apelidos, enderezo e teléfono. Empregarase a lingua galega”, segundo se explica nas bases.

A Oficina de Turismo de Ribadeo acollerá do 9 ao 19 de xullo unha exposición da artista ribadense Carla Méndez. "Aires dos anos 30" é unha mostra de 14 láminas realizadas con técnicas mixtas.

Etiquetas:

exposición, Debuxo, Ribadeo

07/07/2016

A Oficina de Turismo de Ribadeo acollerá do 9 ao 19 de xullo unha exposición da artista ribadense Carla Méndez. "Aires dos anos 30" é unha mostra de 14 láminas realizadas con técnicas mixtas.

Do 9 ao 19 de xullo estará aberta ao público na Oficina de Turismo a mostra Aires dos anos 30, Exposición de debuxo da artista ribadense Carla Méndez. Trátase dunha selección de 14 láminas, realizadas con técnicas mixtas como acuarela, tinta china, pastel ou sanguina.

Carla Méndez explica que “forman parte dun caderno de campo que fixen o ano pasado, que ven sendo unha carpeta de debuxos principalmente para estudio ou experimentación do propio artista con diferentes técnicas ou temas. Un caderno deste tipo é algo moi persoal, xa que ao ser de experimentación mostran totalmente a expresividade e personalidade de cada artista. Estamos acostumados a ver sempre as obras acabadas, polo que me pareceu interesante mostrar o camiño que...

O 14 de xuño serán entregados os premios aos gañadores do IV Concurso de Debuxo Infantil da Festa da Merluza do Pincho de Celeiro.

Etiquetas:

Debuxo, Merluza, Celeiro

06/06/2016

O 14 de xuño serán entregados os premios aos gañadores do IV Concurso de Debuxo Infantil da Festa da Merluza do Pincho de Celeiro.

O pasado 2 de xuño ás 20:00 horas reuniuse no Clube de Remo Celeiro, local social da ACD PENALBA, o xurado do IV Concurso de Debuxo Infantil organizado para a Festa da Merluza do Pincho de Celeiro, edición 2016.

Foron 120 os debuxos e carteis presentados dos que o xurado decidiu por unanimidade conceder os seguintes premios:

•PRIMEIRO PREMIO: TRABALLO CONXUNTO DA AULA DE 4º DE E. PRIMARIA DO CEIP PLURILINGUE DE GALDO.

•SEGUNDO PREMIO: INÉS CACHÓN OULEGO. CEIP Pedrosa Latas de Celeiro.

•TERCEIRO PREMIO: INÉS ALONSO OTERO. CEIP Pedrosa Latas de Celeiro.

Os premios...

Ata o 25 de maio pódense presentar os traballos ao Concurso Infantil de Debuxo, que organiza o Colectivo Chilindrín pola celebración da Festa da Merluza do Pincho de Celeiro.

Etiquetas:

Debuxo, concurso, Celeiro

04/04/2016

Ata o 25 de maio pódense presentar os traballos ao Concurso Infantil de Debuxo, que organiza o Colectivo Chilindrín pola celebración da Festa da Merluza do Pincho de Celeiro.

A Asociación Cultural e Deportiva Penalba-Colectivo Chilindrín de Celeiro convoca o Concurso Infantil de Debuxo Festa da Merluza do Pincho.

Poden participar neste concurso todos aqueles nen@s que o desexen ata 12 anos (cumpridos ou por cumprir no ano 2016). Os participantes deberán realizar un debuxo ou mural relacionado co pobo de Celeiro ou coa festa de pescada en particular. Estes debuxos deberán facerse a man, non valendo o uso do ordenador, e terán que levar o texto Festa da Merluza de Celeiro.

O prazo de presentación dos traballos remata o 25 de maio do 2016 inclusive e deberán entregarse a algún membro da...