Cursos
30/03/2016
O Concello da Pontenova organiza en colaboración coa empresa Game Sport diversas actividades en distintas parroquias do municipio.
Éstas comezarán o 1 de abril e serán talleres de memoria e manualidades básicas e ximnasia de mantemento. Terán lugar na Escola de Villaodrid os xoves e venres de 15:00 a 16:00 horas, na Escola de Xudán os luns e mércores de 15:00 a 16:00 horas, e no Local Social Polideportivo Rececende os luns e mércores de 15:00 a 16:00 horas.
Os destinatarios son persoas maiores de 50 anos e o prazo de inscrición estará aberto durante toda a actividade.
...
leer más 23/03/2016
As Áreas de Deportes e Novas Tecnoloxías e Desenvolvemento Local, Comercio e Turismo porán en marcha un programa conxunto para lanzar unha Axenda das tecnoloxías de primavera, que se desenvolverá ao longo dos meses de abril, maio e xuño. Trátase de microtalleres que teñen como obxecto fomentar a innovación capacitando ás persoas en novos coñecementos e habilidades no eido das tecnoloxías.
Serán píldoras formativas que versarán sobre temáticas concretas cunha metodoloxía eminentemente práctica, de escasa duración (4 horas principalmente) curtas e autónomas, facilitando así a participación das persoas interesadas.
Os microtalleres buscan fomentar as competencias dixitais en contidos útiles, prácticos e accesibles e están dirixidos especialmente ás empresas, persoas autónomas, comercios, ...
leer más 18/03/2016
Burela acollerá o vindeiro domingo, 20 de marzo, un curso de Kick Boxing e Boxeo, que organizan a Delegación Municipal de Deportes e o Club Kick Boxing da Mariña de Lugo, que ten a súa sede na vila burelesa.
O curso desenvolverase de 16 a 20 horas no pavillón Vista Alegre. Será impartido por Manolo Planas, que foi 5 veces Campión do Mundo, 4 veces Campión de Europa e 5 veces Campión de España; e por Chano Planas, adestrador de grandes campións como Manolo Planas, Dinky, Marta Brañas ou Valery Yanchi.
O concelleiro de Deportes, Ramiro Fernández Rey, sinala que “desde o equipo de goberno apoiamos a todos os deportes e tamén aos minoritarios, como é o...
leer más 14/03/2016
A Asociación de Amas de Casa e Consumidores Baos de Lourenzá abre o prazo para anotarse nos diferentes cursos que organizará nas vindeiras semanas.
O primeiro deles comezará despois da Semana Santa e será de bordado. Terá lugar os mércores de 16 a 19 horas, durará trinta horas e o seu custe será de 30 euros. Estará impartido por Marina Abad.
No mes de abril haberá dous cursos, un de bolillos e outro de restauración de mobles. O de bolillos que impartirá Mari Luz Balea, durará trinta horas e custará 20 euros. O de restauración de mobles, que impartirá Esther de La Herencia, durará tamén trinta horas e o seu custe será de 50 euros.
... leer más 11/03/2016
O alcalde, Alfonso Fuente, clausurou nas últimas horas o curso "Aprende a usar o Smartphone", que se impartiu na aula CeMIT de Barreiros ao longo das últimas semanas e ao que acudiron 30 persoas.
Segundo explica o técnico da aula CeMIT barreirense, Manuel Pérez, “os asistentes aprenderon o funcionamento básico dun Smartphone, a facer fotos e vídeos, a conectarse a internet e a descargar e instalar aplicacións para engadirlle máis funcións aos móbiles”.
Esta edición contou coa colaboración da Fundación Vodafone, que cedeu 12 Smartphones para que os asistentes que non tiveran un móbil de última xeración puideran practicar mentres seguían o curso. ...
leer más 11/03/2016
Ata o 16 de marzo está aberto o prazo de inscrición no taller de técnicas de relaxación que organizan o Centro de Información ás Mulleres e a Concellaría de Igualdade. Haberá dous grupos, un pola mañá e outro pola tarde, e as prazas limítanse a 12 persoas en cada quenda. O obradoiro, que será todos os venres, dará comezo o 18 de marzo.
Desde o CIM apuntan que “a saúde para as mulleres é unha especie de resultante de factores persoais, sociais e familiares. É un concepto integral, engloba o relacional, a saúde familiar, o vincular, incorpora o psíquico e o social. É máis habitual polo ritmo de vida e as xornadas laborais que desempeñan as mulleres que podan sufrir estrés ao longo da súa vida. O estrés pode xerarse por múltiples...
leer más 08/03/2016
Ata o vindeiro 21 de marzo estará aberto o prazo para solicitar praza nos cursos de labores que se impartirán no ArMarinho da Fátima en Burela (Rúa do Ril, 4). Os luns haberá calceta, os martes bordado, os mércores bolillos, os xoves vainicas e os venres ganchillo. Os horarios dispoñibles de luns a venres serán de 11 a 13 horas e de 17 a 19 horas no ArMarinho da Fátima. En todo caso procurarase traballar en pequeno grupo e adaptar os horarios ás posibilidades dos participantes.
As persoas interesadas en asistir poden atopar máis información e inscribirse no seguinte número de teléfono: 659737312
05/03/2016
A Concellaría de Igualdade ten prevista unha axenda de actividades a desenvolver ao longo dos vindeiros meses para o fomento da igualdade entre mulleres e homes e para previr a violencia machista. Este mes dará comezo un taller de relaxación e prevención do estrés e prepárase outro de autodefensa. Ademais as xornadas de violencia de xénero terán lugar en abril.
O programa formativo #laretasdaigualdade da Concellería de Igualdade está desenvolvéndose nos centros educativos con sesións presenciais onde o alumnado de 3º e 4º da ESO traballa a publicidade sexista para deconstruír modelos alternativos. Hoxe comezaron coa sesión práctica na que Xes Chapela, formador no eido audiovisual, lles está a impartir as nocións básicas para que...
leer más 20/02/2016
A piscina olímpica e a Casa da Cultura de San Ciprián acollerán o día 27 deste mes, sábado, as actividades dun curso de iniciación ao mergullo de competición e outro de árbitros autonómicos desta especialidade deportiva. Foron presentados na piscina de Lieiro polo concelleiro de Deportes de Cervo, José Ramón Soto Martínez; o presidente do Club de Buceo Costa de Lugo, Julio Vázquez Pérez; e outros membros da entidade.
José Ramón Soto explicou que “a Escola de Buceo Centro de Actividades Subacuáticas Costa de Lugo e o Concello de Cervo, a través da Delegación de Deportes, impartirán un curso de iniciación ao mergullo de competición e outro de árbitros autonómicos, cuxa convocatoria está aberta a nivel nacional. Recentemente firmouse...
leer más 20/02/2016
A aula CeMIT de Barreiros organiza un curso denominado Aprende a usar o Smartphone, para introducir ás persoas maiores no manexo dos teléfonos móbiles intelixentes.
A actividade, que comeza o 29 de febreiro na aula CeMIT, contará coa colaboración da Fundación Vodafone, que cederá durante os días de curso diversos terminais telefónicos para facilitar a aquelas persoas que non dispoñan deles o seu manexo. Ademais, os participantes recibirán uns manuais en papel que recollerán dunha forma visual sinxela as operacións básicas (acender, chamar, gardar números, etc) así como exemplos de aplicacións básicas e de interese para este colectivo.
As persoas...
leer más