Ponte
O Concello de Barreiros presenta a programación “Ponte de Outono”, un evento que incluirá o mercadiño estacional, o II Son Urbán coa presenza de Grande Amore entre outros artistas, o día da bicicleta para as crianzas e a proxección da curtometraxe Hippocampus de Xaime Miranda.
As actividades realizaranse na Praza do Concello no que “serán uns días de programación variada e de calidade destinada para un público amplo e que seguro atraerán a xente de toda a Mariña nesta ponte”, segundo expuxo o concelleiro de Participación e Dinamización Daniel García.
O evento contará coa colaboración da área de Cultura da Vicepresidencia da Deputación de Lugo, que respalda a aposta do Concello de Barreiros por unha programación cultural diversa e desestacionada.
Grande Amore no II Son Urbán
... leer más
A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión ao santuario francés de Lourdes, a Zaragoza e a Bilbao durante a ponte de Todos os Santos, do 1 ao 3 de novembro.
A actividade inclúe a viaxe en autocar os tres días, pensión completa, seguro de viaxe e excursións con guía. O prezo é de 230 euros por persoa.
Para a reserva de prazas nesta excursión hai que dirixirse á axencia de viaxes Augasantas, que está no baixo número 6 das galerías San Francisco-Reinante, de Ribadeo, ou ben chamar aos teléfonos 676.445.465 ou 982.877.470.
Este venres, 24 de agosto, celebrarase unha Ponte Literaria na local social da parroquia de A Laxe, en O Valadouro.
Neste encontro, que se ven desenvolvendo desde o 2015, participarán, entre outros/as, Manuel Lourenzo, Isaac Ferreira, Xesús Pisón, Lionel Rexes, Iolanda Aldrei, Adela Figueroa e Manuel Regal.
Dará comezo ás 18:30 horas e leranse textos de Rita Geada, autora cubana con raíces no Valadouro. Ademais, por cumprirse neste ano o 70 aniversario da morte de Luís Trigo Chao “O Gardarríos”, o escritor valadourense Isaac Ferreira lerá unha peza dramática titulada O cerco de Vilanova, baseada na noite en que o guerrilleiro caeu asesinado no centro de Lourenzá. Tamén o autor Lionel Rexes lerá varios fragmentos da súa novela A raíña das velutinas, escollendo para a ocasión aqueles que fan referencia a persoeiros...
leer más
O xoves, 20 de xullo, terá lugar unha nova edición da Ponte Literaria de Alfoz, que este ano desenvolverase na Ponte Nova de Vilaúde, na parroquia de Mor do concello de Alfoz. Este encontro literario dará comezo ás 18:00 horas.
Neste espazo situado ás beiras do Douro, varios escritores lerán publicamente as súas creación, baixo a atención doutros narradores, poetas, dramaturgos e articulistas que achegarán as súas opinión no coloquio programado ao remate das lecturas.
Quen desexe participar activamente deberá levar un texto da súa autoría de calquera xénero, e o tempo máximo de cada lectura será de quince minutos. Aínda que non é imprescindible, a organización agradece que os participantes se anoten previamente no 600 378 363 (tamén whatsapp).
Os organizadores desexan que os asistentes...
leer más